مشان الممددات كنت مستعجلة ما انتهبت شو لونت بس رجعت صلحت السؤال  وبعتقد الجواب هو (الكزيليتول) لأنو ما بيستخدم كممدد للمضغوطات......



سؤال البارابينات صحيح جوابك ورجعت شفتها بالعملي باهاء الفعالية (7 - 8)

وسؤال المودا لحافظة كمان جوابك صح لأنو معلقات الصموغ الوحيدة بين الخيارات يللي شكلها ما بتستدعي مواد حافظة....


أما سؤال المانيتول : ضاع مني: بس بتذكر شفتو محلول (بلاستيكية وزجاجية وستانلس ستيل)................وبس أرجع شوفوا بأكدلك الإجابة....






شكراً عالإجابة

اقتباس

(الكزيليتول)

ليش شو هو الكزيليتول
بسمع فيه بس ما بعرفو

اقتباس

ورجعت شفتها بالعملي باهاء الفعالية (7 - 8)

بس هي مفروض من 4 - 8

اقتباس

لأنو معلقات الصموغ الوحيدة بين الخيارات يللي شكلها ما بتستدعي مواد حافظة....

بس الصموغ مركبات طبيعية سكرية بتنمو عليها الجراثيم بسهولة



الله يمضي هالفحص على خير

مدري ليش صايرة دراستي خفيفة كتير
عادة بعيد المنهاج شي 3 مرات
أما هلأ دوبي مرة وحدة وقبل الفحص إعادة عالسريع لكل شي

الزيليتول (xylitol) هو محلي يستخدم بمعاجين الأسنان بس ما بعتقد إلو استخدامات تانية

وكمان شغلتو بمعاجين الأسنان مؤخراً أنو بيساعد عمل الفلور بمكافحة التسوس....


-------------

صحيح حكيك الصموغ مائية بتنمو عليها جراثيم .....بس من بين الخيارات الموجودة مو معقول نختار الشرابات ولا القطورات ولا الكريمات المائية.......


بس المفروض يجي خيار غير هدول لنختاروا.....


-----------------

وباهاء فعالية البارابينات.....شفتو من حلقة بحث كريمات أنو من (7 - 8) ....بس أنا ما بتذكر من المايكروبيولوجي شو الوضع كان.....








والله أنا يللي حاسة حالي ضايعة......قال بيقولوا هالفصل سهل!!!!

اقتباس

والله أنا يللي حاسة حالي ضايعة......قال بيقولوا هالفصل سهل!!!!

تجي للحق
هالفصل أسهل فصل مر علينا (عكس الفص الماضي تماماً)

يعني أصعب مادة فيه العقاقير ....وحتى هي مو بصعوبة العقاقير 2
حتى الدمويات في خوف زايد منها وهي مو لهالدرجة بدها خوف

والله الفصل الماضي على صعوبته كان ممتع......كل المواد يللي فيه تقريباً كانت حلوة وانعطت بطريقة حلوة وفهمناها......بعكس هالفصل يللي حتى لو كنا سهل لكن موادو بشعة أو انعطت بطريقة فاشلة  .....



قارن مثلاً بين التكنو والصناعية وشوف كل وحدة كيف انعطت......قال بيقلولنا بصمو ودرسوا دورات - سواء بحلول صح أو خطأ- بتمشو ركض.....أي شو هالمتعة والسهولة هي!!!

مشان البارابينات فهي فعالة ب PH  7-8 و لكن فعاليتها المثلى تكون في PH حامضة

( من المايكروبيولوجي )

لي عودة بعد ما حل الدورات

   

اقتباس

قارن مثلاً بين التكنو والصناعية وشوف كل وحدة كيف انعطت......قال بيقلولنا بصمو ودرسوا دورات - سواء بحلول صح أو خطأ- بتمشو ركض.....أي شو هالمتعة والسهولة هي!!!

معك حق

أحياناً المادة مهما كانت صعبة بس بيعطيها دكتور فهيم وبتعرف شلون بدو يسأل أحسن من بصم دورات من دون فهم

مدري ليش حاسس هالصناعية بدها إعادة هيكلة من أول وجديد
القسم الأولاني من المادة ماشي حالو (مع أنو في غلطات وخبصات غريبة عجيبة)
والـGMP بطقق ومفروض يكون كلو عمحاضرة واحدة
والقسم الأخير خالص عالأخير.....ماسك حضرتو دستور ومترجمو....وغير الخبصات....وبالنهاية دورات ومو من المحاضرات

أما العملي فحدث ولا حرج

الله يجيب العواقب سليمة

اقتباس

أحياناً المادة مهما كانت صعبة بس بيعطيها دكتور فهيم وبتعرف شلون بدو يسأل أحسن من بصم دورات من دون فهم

مافيني اسمعكن عم تحكو عالتكنو وما أبدي رأيي  

والله وأنا عم اقرأ المحاضرات قول لحالي لو الدكتور محمد أمين عاطينا هالمادة أكيد كانت بتاخد العقل  كنا فهمنا
موحفظ أسماء العلماء والتواريخ وبصم وما بعرف شو..........

اقتباس

الله يجيب العواقب سليمة

آمين الله يسمع منك

ولي التفكير بالمقارنة لحالو بيوجع الراس:

قلتلي دكتور فهيم!!!! ...رزق الله على هديك الأيام ...... من زمان ماعد سمعنا بهيك دكتور بهالفصل 

=============================

نور الهداية:

لا تشكي بقدراتك العقلية ولا عبالك.....أصلاً أنا نسيت عالنوع من القدرات من زمان....

شي بيديق الخلق......يعني ما بعرف شو بدي أحكي على الأقسام التلاتة...





بس الدكتورة بالذات غير شكل يعني بعتقد هي مو حافظة هالمعلومات ..... مدري من وين مترجمتها وجاية عم تعرضن علينا كانو ختمنا كل شي بالمعامل وبقي نعرف نظام الجودة ومدير السوائل شو شغلتو والإيزو وغيرو من هالأمور الممتعة والمهمة للغاية


ولا البروفيسور عيسى : الأسئلة غير شكل ما عم أعرف جواب من جواب وكل طالب بيكون حالل الدورة حسب الرغبة والجواب الصحيح ما يعلم فيه إلا ربنا......كل ما بقول خلص هيك حالينا هون رح أحفظها هيك.....بعد كم صفحة بلاقي نفس السؤال بجواب مختلف........



أفففففففف


لسا ما عرفنا مفاجأة العملي ....... مع أنو مقدمة منيح بس الله أعلم شلون العلامات بدها تنحط !!!!





هنن مفكرين حالن عم يقدمولنا علم بهالطريقة.......أنا متأكدة أني ما رح أتذكر ولا 10% من يللي عم حاول أبصهم بهالفترة (يعني نسبة كبسلة المعلومات صفر وما عرفوا طريقة لزيادتها بدماغنا بنوب)..... فشو استفادوا من هالعذاب!!!




شكلي عم نق كتير......بس حاسة حالي رح طق ولساتنا بتاني مادة!!!

لكان شو بدي احكي أنااااا؟؟؟

مو ملحقة شي .. خلصت قراءة محاضرات د.نذير وبدي اقرا تبع

د.عيسى وشكلي محاضرات الدكتورة ما رح افتحهن لأنو بلوكات ماشالله ....



هاد غير انو حاسة اليوم قصييييير كتير وداء النعس يلي ما عم بفارقني 

بس بدي قول انو تركيز الكحول بمنتجات الأطفال الجواب الخطأ هو الأخير أي : يلي بتزيد عن 20% ... والبقايا كل شي أصغر أو يساوي 20% صح ....

الله  يفرج عنا