السلام عليكم:

سؤال لمشرفنا وسيم بيك:
شو قصة الرسائل المستعجلة كل مرة بتخرب شكل، ولا هالمرة فاتحين ورشة تصليحات للمنتدى.


شدوا همتكم بالامتحانات حاكم هالسنة كأنوا الدكاترة غضبانين على الطلاب بكل السنين.  

السلام عليكم
                                                                   
يا شباب
                                                                                       
خلونا نصير نخبر بعض وقت تنزل علامات العملي أو النظري
                                                                                                                       
                                                                                                         
                                                                                                 

السلام عليكم

هوي كان في موضوع قديم عن العلامات عملتو سويت لايف الله يرضى عليها
الفصل الماضي

رح رد حط مشاركة فيه مشان الكل يتذكروا ويخبرو بعضن

السلام عليكم

والله فكرة منيحة وإن شاء الله بس بعرف إنو  نزل أي شي بخبركن

لإني ما شاء الله رح زور الكلية كتير بالفحص 


أمانة ادعولي بكرا عندي عقاقير
أو بالأحرى اليوم

والله خايفة كتير لإني أنا ما قدمت بالأصل بالفصل الأول
وعملولي الطلاب رعب من الأسئلة
         


بالتوفيق جميعاً

اقتباس

شدوا همتكم بالامتحانات حاكم هالسنة كأنوا الدكاترة غضبانين على الطلاب بكل السنين.

قال يعني نحنا ناقصنا يغضبوا علينا الدكاترة

الله يخلصنا من هالفصل 

كنت بدي فش خلقي بشغلة بموضوعنا الخاص بس قلت خليها لبكرة لإنو في ناس عندهم صيدلة مجتمع بكرة و مو ناقصهم هلأ اكتئاب

بس بدي افهم شو بستفيد الدكتور لما بشوف الطلاب عم يتعتروا بمادته؟!!!!

حسبي الله و نعم الوكيل

اقتباس

هوي كان في موضوع قديم عن العلامات عملتو سويت لايف الله يرضى عليها
الفصل الماضي

رح رد حط مشاركة فيه مشان الكل يتذكروا ويخبرو بعضن

أنا برأيي إنو أحسن إذا بتفتحي موضوع جديد لهاد الفصل لإنو هداك الموضوع كتير

كان يعلق و لما بكون الموضوع جديد بكون أسرع فتحه من موضوع مليان مشاركات و

كمان إذا بتسميه بعنوان بدل إنو بخص طلاب الصيدلة بكون أحسن مشان ما يفوتوا عليه كل العالم و ينعجأ و يعلق

   

السلام عليكم :

اقتباس

كمان إذا بتسميه بعنوان بدل إنو بخص طلاب الصيدلة بكون أحسن مشان ما يفوتوا عليه كل العالم و ينعجأ و يعلق

وبكون أحسن  إذا بينكتب عنوان للرد باسم المادة يلي نزلت

 

بالتوفيق

السلام عليكم:

بعيداً عن موضوع العلامات ......بدي أسألكن سؤال:

من زمان بتذكر كان في بالكلية مشروع تجميع الأوراق التي نرميها عادة بالحاويات وقاموا مجموعة من الطلاب ببيعها لمعمل ورق وبتذكر أنو أخدوا الأيتام بثمنها على رحلة او قدموا لهم هدايا أو ما شابه......

طيب ليه ما ينعمل هالمشروع بآخر كل فصل؟؟!!!

يعني كل بيت بيكب أوراق من نوط وكتب وجرايد وإعلانات ما لايقل عن 8 أكياس كبيرة سنوياً ....طيب والله حرام....

لما شفت اختي عم تلم كتبها ودفاترها وأوراق الامتحانات القديمة وبدها تكبهم قلتلها تنتظر لأسألكن إذا حدا عندو مكان مفيد أكتر من سلة المهملات لهذه الأوراق!!!


يعني ما في حدا بيعرف معمل ورق نعطيه ياهن ونتبرع بحقن!!! أو حتى لو ببلاش...المهم حدا يستفيد منن...



شو رأيكن؟؟؟


كبهم أو أنتظر مشاريعكن لنعمل سوا شي مفيد؟!!

الله عليكي يا أم المشاريع

إذا الكل موافق أنا ماعندي مانع بشارك


نور الهداية :

أنا ماانتبهت إنك طلبتي مني افتح موضوع جديد للعلامات
وسلام الله يرضى عليها فتحتو

بس والله لما شفت الموضوع الجديد انرعبت فكرت نازل شي  

اقتباس

شو قصة الرسائل المستعجلة كل مرة بتخرب شكل

ستصبح الرسائل المستعجلة واضحة للعيان منذ الآن فصاعداً..

و ستوضع على الصفحة الشخصية لكل عضو..

إنه قرار من الأخ ياسر..

و لا أعتقد أنه جيد أبداً..

---------------------

اقتباس

مشروع تجميع الأوراق التي نرميها عادة بالحاويات وقاموا مجموعة من الطلاب ببيعها..

قد لا يكون مشروعاً بمعنى  المشروع..

و شخصياً أقوم كل سنة بتجميع أوراق الروزنامة و إعطائها لدار الهاشمي..

لكن هل تنقاضى ثمناً لبيعها..!!!

إنهم يأخذونها بالمجان...!!

------------------------------

اقتباس

أنا ماانتبهت إنك طلبتي مني افتح موضوع جديد للعلامات
وسلام الله يرضى عليها فتحتو

طب هلأ شو اعتمدتو الموضوع الجديد أم القديم؟؟

يجب أن يبقى واحد فقط كي لا يضيع الطلاب - خاصة الزوار - بين الموضوعين..

--------------------------

اقتباس

كبهم أو أنتظر مشاريعكن لنعمل سوا شي مفيد؟!!

انتظروا الصيف..

سيكون الصيف في هذا العام صيفاً حامياً..

و يمكن هالوقت - وقت الامتحانات - هو آخر وقت نكون فاضيين فيه..

لأنه بالصيف لن يكون هناك فراغ  أبداً لنا..

و لا لأهلنا و لا لأحد..