أنا قصدي لما بدنا نحكي عن الصناعية بالذات نحكي هون
حتى لو حكي عادي

أنا كان قصدي بالمنام عالسموم 2  بس مالي عرفانة أنو الصحة نفس الوضع

لاء بالصناعية ما بيعطينا الدكتور بيعطينا مشرفين  ونفس المشرف لفئة تانية عملن بس كتابي وعلى وقتنا كتابي و مقابلة !!!

السلام عليكم

أول شي الله يرضى عليكم ما بدنا تشاؤم بنوب و ما بدنا أي كلام بخوف من الدكاترة لإنو كل واحد فينا آعد جبل فوق راسه و مو ناقصه....
يعني خلينا نفائل بعض و نتوكل على الله....

تاني شي بدي قلكم شدوا حالكم بالدراسة منيح مشان نطلع عالخامسة و مو حاملين شي...
والله مافي شي صعب....
يعني بعد اليوم أيقنت حق اليقين إنو اللي بياخد بالأسباب و يتوكل على الله أكيـــــــــــــــــــــــد ما رح يخيبه...

   

اقتباس

أنا قصدي لما بدنا نحكي عن الصناعية بالذات نحكي هون
حتى لو حكي عادي

لأ حنان ليش هيك !!!
خلص مدام الحكي عادي منحكي بالبستان....

ما عم تشتغل الرسائل المستعجلة!!!!!!!

آيرون مان

ياريت لا تجاوبني بالبستان على سؤالي مشان المايكرو

هلأ أنا عن جد هيك فهمت من كلامك....

بس إذا كان قصدك إنو رح تجي آخر دورة فالله يخليك لا تحكي بهالقصص بالبستان....

بدي عذبكن معي ...
أسئلة في صيدلة المجتمع: الجواب المعتقد موجود حرفه بجانب السؤال

1- يستخدم كمضاد أكسدة في الاضطرابات العينية: 
1) فيتامين E
2) فيتامين C
3) B كاروتين
4) ليوتين

2-أي من الأدوية التالية يسبب سعال غير منتج (1)
1) كابتوبريل
2) فالزرتان
3) ديجوكسين

3-طفل مصاب برشح تحسسي عمره 8 سنوات ويعاني من سعال ليلاً يعطى:  (1)
1) دي فين هيدرامين
2) لوراتادين
3) أكريفاسين
4) غوايفينيزين

4-المغص يصيب الأطفال دون البالغين: صح أو خطأ    (خطأ)

5-الأسيكلوفير الموضعي: (ما بعرف كأنو كلهن صح!!!)
1) مضاد فيروسي
2) يفيد قبل ظهور الأعراض
3) يطبق 5 مرات يومياً
4) فعاليته أقل من فعالية الفموي
5) آمن عند الحوامل

6-طفل لديه حمى ويعاني كذلك من ألم حلق وطفح جلدي: ماذا تتبع في العلاج (1 أو 4)
1) إعطاء باراسيتامول لأنه لا يوجد حالة محددة لذاتها
2) إعطاء ساليسلات الكولين لأن لها تأثير مسكن للألم ومضاد للحمى
3) إعطاء صادات حيوية
4) لا نعطي أياً مما سبق
5) نعطي جميع ما سبق

7-ما الذي يؤهب لانحشار الصملاخ:  (1)
1) المصابين بتملازمة داون
2) المسنين لأن لديهم زيادة بالمفرزات وتكون سميكة ولزجة

8-يجب تجنب الهيدروكورتيزون أسيتونيد لكل مما يلي: (3)
1) المصابين بالسلاق الفموي
2) المصابين بالحلأ البسيط
3) ليس أيا مما سبق

9-حامل تعاني من حكة ومفرزات مهبلية يبدو أن لديها إنتان فطري ماذا تفعل؟ (1)
1) تحويلها للطبيب
2) تصرف لها ميكونازول كريم
3) تعطيها ايميدازول داخلاً

10-سيدة يبدو أنها في العقد الأربعين جاءت للصيدلية تطلب حبوب منع الحمل OC وقد لاحظت قبل دخولها للصيدلية أنها كانت تدخن ماذا تتصرف؟ (5)
1) تصرف لها حبوب منع الحمل
2) تصرف لها حبوب منع الحمل الاستروجينية
3) تصرف لها حبوب منع الحمل وتنصحها بالإقلاع عن التدخين
4) تصرف لها microdose من الOC (>35ميكروغرام استروجين)
5) تمتنع عن صرف حبوب منح الحمل

11-تعالج softcorn كمعالجة الHard corn باستخدام الساليسيلات بتراكيز تتراوح بين 11-50%.... صح أو خطأ  (صح)

12- ما هو الدواء المستخدم لعلاج التهاب الملتحمة التحسسي: (كأنو الاتنين صح!)
1) نافازولين (مقلد ودي)
2) كروموغليكات الصوديوم (مثبت خلايا بدينة)

13-يعطى مضاد تشتج في حال: (2)
1) IBS
2) عسر هضم
3) نزف
4) إسهال
5) إمساك


ملاحظة: لو سمحتو يا شباب اجا الفحص وما مننسى موضوع الأسئلة ويلي ببالي بالكن انو تنكتب هون
أما المواضيع العامة منخليها بالبستان ...

السلام عليكم

سؤال 1: الإجابة 1 خطأ

س6: ---> 4

س8: كل ما سبق

س11: خطأ.........لأن الsoft corn حالة تستوجب التحويل للطبيب أما الhard corn فلا تحول

س12: ---->1

س13: على ما أعتقد أن الإجابة الخاطئة هي "الإمساك"

-أي من الأدوية التالية يسبب سعال غير منتج (1)
1) كابتوبريل
2) فالزرتان
3) ديجوكسين

على هوا ما بتذكر من الأدوية ...حكيك صح....


-ما الذي يؤهب لانحشار الصملاخ: (1)
1) المصابين بتملازمة داون
2) المسنين لأن لديهم زيادة بالمفرزات وتكون سميكة ولزجة

+


-حامل تعاني من حكة ومفرزات مهبلية يبدو أن لديها إنتان فطري ماذا تفعل؟ (1)
1) تحويلها للطبيب
2) تصرف لها ميكونازول كريم
3) تعطيها ايميدازول داخلاً

كمان صح.........




- ما هو الدواء المستخدم لعلاج التهاب الملتحمة التحسسي: (كأنو الاتنين صح!)
1) نافازولين (مقلد ودي)
2) كروموغليكات الصوديوم (مثبت خلايا بدينة)

أنا وقتها جاوبت أنو الاثنين صح..........لأنو أخي بيعاني من هالحالة والدكاترة كلن وصفولوا (كروموغليكات) مع أنو وقتها كان مو مكتوب بالمحاضرة عن الكروموغليكات...هيك بتذكر





-سيدة يبدو أنها في العقد الأربعين جاءت للصيدلية تطلب حبوب منع الحمل OC وقد لاحظت قبل دخولها للصيدلية أنها كانت تدخن ماذا تتصرف؟ (5)
1) تصرف لها حبوب منع الحمل
2) تصرف لها حبوب منع الحمل الاستروجينية
3) تصرف لها حبوب منع الحمل وتنصحها بالإقلاع عن التدخين
4) تصرف لها microdose من الOC (>35ميكروغرام استروجين)
5) تمتنع عن صرف حبوب منح الحمل

والله أنا كان رأيي هون أنو ببيعها الـ OC وبنصحها.........لأنو لو ما لقطتها عم تتدخن كان نفس الشي........وبكل الأحوال إذا ما بعتها رايحة تشتري من عند غيري وبدون ما يشوفها عم تدخن







والباقي ما لي متذكرة مزبوط وما بدي خمن من عندي.......


موفقة ......

اقتباس

ما هو الدواء المستخدم لعلاج التهاب الملتحمة التحسسي:

هو قايلين أنو بدنا علاج مو وقاية

"لكن بالحياة الواقعية فبنعطي التنين لأنو الوقاية + العلاج بكون أفضل"

اقتباس

سيدة يبدو أنها في العقد الأربعين جاءت للصيدلية تطلب حبوب منع الحمل OC وقد لاحظت قبل دخولها للصيدلية أنها كانت تدخن ماذا تتصرف؟

أكيد عم تمزحي بالإجابة

حرام المخلوقة حاملة المادة ويمكن تفكر أنو هيك هي الإجابة
                                           
                             

أنا يمكن العلامات يللي نقصتني لأني كتير كنت فكر بالحالات من ناحية الحياة الواقعية:

مشان هيك اخترت الكروموغليكات كمان لأنو حوالي 5 دكاترة يغيروا بالقطرة العلاجية ويوصفوا معها على طول كروموغليكات Na فقلت أنو هي مثال واقعي وحي فرح جاوب هيك حتى لو درسنا أنو منعطيه فقط للوقاية....


--------------------------

ومشان حبوب منع الحمل .....لا أكيد ما عم امزح ... هلأ ما عم قلك جوابي هو الصح وهو يللي بياخد علامة لأنو ما شاء الله علامتك عالية وجوابك ثقة أكتر...لكن لقلك شلون فكرت:



هلأ المرأة يللي جاية عالصيدلية عاقلة راشدة (عمرها 40) يعني ما فيني قلها بكل تعسّف:

"ما حزرتي ما رح بيعك" أو أني قلها لأتهرب من الأخد والرد: "مو بقيان عندي" فقط لريح ضميري ...لأنو بوشها عند أقرب صيدلية لتشتري يللي بدها ياه وبدون ما يدرى الصيدلاني أنها عم تدخن..........وبهالحالة شو بكون قدمت خدمة لهذه المرأة !!! و من جهة أني ريح ضميري فما رح يرتاح بهالطريقة..

والقصة مو خطيرة نظرياً (يعني ما رح يصير حالات تسمم أو إسعاف من وراها) لكن هي بتعرف عواقبها سواء صحياً (إذا كانت مريضة قلب أو كلية مثلاً وصار حمل) أو اجتماعياً...


فأنا بعطيها حبوب منع الحمل وباعتباري لاحظت أنها بتدخن بنصحها بالإقلاع عن التدخين لأنو إذا استمرت بالتدخين مع هذا الدواء فلن تستفيد منه شيء (يعني بوضحلها عواقب التدخين مع هذا الدواء بالذات) وبقنعها بشكل منطقي وبدخل ضمن حديثي إحصائيات وأبحاث حتى ما تفكر انو حكي عام  وحكي جرايد ....وهي أدرى بمصلحتها من هالناحية وبيجوز فعلاً تبطل التدخين على الأقل بفترة تعاطي هالحبوب...

وإذا منقارن نتيجتي التصرفين بشوف أنو  النتيجة التانية هي الأكثر منطقية وفائدة لأنو بالحالة الأولى رح تشتري نفس الحبوب من صيدلية تانية وتنضر يعني بيكون أجاها الضرر عن طريقي فقط لأني بخلت عليها بالنصيحة والتوضيح لسلبيات التدخين...



وعلى فكرة الإجابة الأخيرة بالسؤال هي (امتنع عن بيعها) يعني بدون حتى نصيحة أو مبررات ......فهالامتناع التعسفي بيضر ما بيفيد وبيفكر المريض أنو الشغلة شغلة تارات بتعرفوا لأنو (الممنوع دائماً مرغوب).......




وما تفكروا أنا ببيعها لأربح (لأنو حبوب منع الحمل مربحها مو محرز )....




----------------

أما لو كان الدواء نفسي وبدون وصفة أو دواء سام بدون وصفة فأكيد ما برضى بيعه و بكون مطمنة لأنو المفروض ولا صيدلية ترضى تبيعه ... أما بحالة مريضتنا فأنا مو ضمنانة غيري ومو مطمنة على صحة المريضة....





ما بعرف إذا إجابتي واقعية كتير وما المفروض نجاوب هيك بالامتحان......لكن أوقات إذا اقتنعت بشغلة أنو صح فحتى لو كنت بالفحص، بدي جاوب حسب قناعتي وتحليلاتي وشو ما بدو يصير يصير...مشان هيك بيروح عليّ كتير علامات .....


=========================

ومشان سؤال المغص : صح يصيب الأطفال والبالغين  وممكن يكون مغص معوي أو قولنج كلوي مثلاً...فيعني مو شرط العمر ......

زيد وغولدن بل ..... والله ما بعرف كيف بدي اشكركن .... 

أنا خجلانة منكن كتير ...


الله يعطيكن على أد ما بتتمنو وأكتر ...

بس مو معناتا انو ماعد اسأل 

يلا موفقييين

هلأ هون صحيح قال أنو ما بنصرف الدوا

بس لو كان في خيار تاني أنو بننصح المرأة فأكيد بنختارو

هو الصراحة ما بعرف ليش ما بنعطي المرأة فوق ال35 حبوب  منع حمل

يمكن مشان الإستروجين ما يسبب سرطان مبيض أو ثدي (لأن عم نعطي جرعات عالية)

وهو بالمحاضرة مكتوب أساساً أنو ما بنعطي هالحبوب و(خاصة إذا كانت مدخنة) يعني بالأساس ما بتنعطى والتدخين شي بفاقم الحالة

------------------------------------------------------

سألنا الدكتور أنطون عن موضوع إضبارة الدوا وقال أنو مو مطلوب وهو بس شرحو للفائدة

بالتوفيق