السلام عليكم..........

شو رأيكن نضيف كم ساحة متل يلي هون

http://www.pharmacistsworld.com/forum/

إذا عجبتكون الفكرة شو هي الساحات المناسبة و الناقصة عنا؟؟؟؟؟؟؟؟؟

طلب مستعجل:

اليوم نزل برنامج الفحص وما أنتبهت على أهم شغلة:


إيمتى أول يوم؟؟؟ 1-حزيران أو 2-حزيران؟؟؟

طلب مستعجل:

اليوم نزل برنامج الفحص وما أنتبهت على أهم شغلة:


إيمتى أول يوم؟؟؟ 1-حزيران أو 2-حزيران؟؟؟

================================

أول يوم  واحد حزيران

اقتباس

اليوم نزل برنامج الفحص وما أنتبهت على أهم شغلة:

بس ليش ما عم يفتح على موقع الجامعة؟؟

عم يطلع Error..!!!

يا ترى بس عندي ؟؟!!

السلام عليكم.................

شوفو  القمر شلون  كان شكلو لما ولدت.................

هي الرابط ...........


http://www.paulsadowski.org/moonphases/default.asp

اقتباس

شو رأيكن نضيف كم ساحة متل يلي هون

بعتقد الترتيب الحالي للمنتدى منيح

بس نتخرج كلياتنا وبصير عنا مواضيع غير الدراسة والإمتحانات فممكن نعمل هيك أقسام

ما تفرجت عالمواضيع بهداك المنتدى بس تصنيف الأقسام حلو
                                                                                                                                                   
--------------------------------------------------

مشان موضوع الأخبار العلمية الحديثة

يمكن في كتير أخبار ما كتير بتهمنا بس هيك للإطلاع

وإن شاء الله بالصيف بنفضى وبنعمل مواضيع معتبرة عن كل شي أدوية أو أمراض

يعني في بمنتدى "الإكسير" عاملين توزيع مهام لكتابة مواضيع علمية

ففينا نعمل شي مشابه
                                                                                                                                     
                                                                                                                                         

السلام عليكم..........


اضحكولكون شوي.........


محشش حكم عليه بالاعدام، سألوه :
وش أخر شي تتمناه قبل تنفيذالحكم؟
قال:
أتمنئ ان يكون هذادرس لي بالمستقبل

*********

محششين مسوين امسيه ثقافية بعنوان:
"نجيب محفوظ ولا مانجيبه؟

*********

مسطول بيقول لصاحبه عايزين نطلع فنانين
انت فنان تشكيلى
وانا فنان اشكيلك

*********
قطة سكرانة ماشية تقول
الله يخرب بيت الحشيش وسنينه هيا كانت ماو ولا ناو


*********

اقتباس

قطة سكرانة ماشية تقول
الله يخرب بيت الحشيش وسنينه هيا كانت ماو ولا ناو

يييييييييييي
مرات بنحشش أكتر من هيك

----------------------------------------------------

مؤتمر الصيادلة العرب

قمة في الناحية العلمية

أما من الناحية التظيمية!!!!!!!!!؟؟؟؟؟؟؟؟؟!!!!!!!!!!
                                                                                                                       
                                                                                                                         
                                                                                                                           
 

عنجد زيد أنت كنت بالمؤتمر

خبرنا شو المحاضرات يلي حضرتها

وخبرنا تفاصيل أكتر عن المؤتمر.


معقول كان مو كتير منظم !!!!!!!!!!!!!!!!!!!!!!!!!

     

======================

شكراً سلام عالنكت     

رح خلي حدا غيري يحكي عن اليوم الأول

أما اليوم التاني

بعد إنتظار ساعة ونص بالشارع قدام فندق الشام

شرف الباص العظيم (ويا خيبتنا قدام الوفد اللبناني)

وصلنا عأول محاضرة بنصها

الجلسة العلمية الأولى:
بتقديم من الدكتورة فوزة منعم وزملاء
كان تقديمها رائع جداً

د.عالية الأسد--------نقل الدم وسلامته ومراقبته وآفاقه المستقبلية



وصلت لما كانت الدكتورة عم تحكي عن إحصائيات لقطف الدم بالمحافظات السورية
وحكت عن الاختبارات على الدم المقطوف وكيف بصنفوه وبيفصلوه لمكوناتو (كريات أو صفيحات أو بلازما)



أ.د محمد نورين الأهدل (السعودية)............التقانة الحيوية الصيدلانية في إنتاج الأدوية الحيوية الشبيهة ((مو الجنيسة))



تحدث عن مفهوم التقانة الحيوية الصيدلانية وخطوات إنتاج دواء حيوية بتقنية الدنا المأشوب من الألف للياء....وختم المحاضرة ببيت شعر حلو بس ما متذكر منو شي لأني كنت نص نايم



أ.د رجاء مؤمن (ليبيا)......bacterial conjunctivits: most prevalent pathogens and their antibiotic sensitivity

مقدمة عن إلتهاب الملتحمة.....دراسة في أحد مشافي ليبيا جمعو عينات من مرضى إلتهاب ملتحمة ودرسو المسبب (جراثيم أم فيروسات أم تحسس عادي) ودرسو التحسس للصادات
اكتشفو أنو عدد ياقرب النصف كانت إصابات فيروسية وكان الأطباء يعالجوها بالصادات نتيجة المعالجة العمياء
ويلي بيصدم أنو كان في عدد كبير من الحالات سببها الزائفة الزنجارية وكانت مقاومة لكل الصادات ضمن الدراسة ومنها صادات جيل ثالث للسيفالوسبورينات


أ.د معتز سالم (الأردن)...........الصناعات الدوائية والتكنولوجيا الحيوية
كانت المحاضرة شبيهة بمحاضرة د.الأهدل وما كتير متذكر شو حكا


د.عبد المطلب الزيتريني (ليبيا).....Synthesis and biological evaluation of novel anticancer compounds
كانت محاضرة رائعة
مع أنو متخرج سنة 2009 لكن عمل دراسة واكتشف دواء كيميائي جديد للسرطان
وجد أنو مجموعة الإيميدازولين لها تأثير مضاد للسرطان وجمعها مع مجموعة إيمين
وتمت الدراسة على مجموعة مركبات بتختلف بالجذر  R ونجح منها يمكن 4 فقط
كانت الدراسة جزء منها بليبيا وجزء مدري وين بأوروبا (بزكر الدراسة كانت بمشاركة شركة أسترازينيكا)

"""استراحة قهوة"""

الجلسة العلمية الثانية

د.عدنان بدوان (الأردن:شركة JPM)......الجزيئات النانوية واستخدامها في التوليف الصيدلاني

تحدث عن الجسيمات النانومترية (النانوية) بالتفصيل مع الصور
وحكا عن بحث للشركة عن إنتاج إنسولين فموي حقيقي (مو إمتصاص عبر الخد أو تحت اللسان أو إستنشاق)
لكن بسبب ضيق الوقت ما كتير دخل بالتفاصيل لكن التجارب الأولية على الجرذان أعطت نتائج ممتازة
والتجارب على البشر عالطريق
آلية باختصار أنو استخدم الشيتوزان كمولد فلم بلمري والوسط الخارجي كان من حمض الزيت
حمض الزيت وظيفتو أنو بثبت البوليمر وبثبت جزيئات الماء يلي بدها تهاجم الجسيم


أ.د غزالة بن حسين (ليبيا)...........Effect of arsenic compounds on DNA damage in HaCat cells
using comet assay

مقدمة عن التسمم بالزرنيخ (متذكرين طبعاً محاضرات الدكتورة ليلى) وشفنا عصابات ميس كيف بشكلها بالحقيقة.................دراسة لتأثير الزرنيخ على تخريب الدنا وهل هو عن سبب تأكسدي أم غير ذلك
استخدمو خلايا ورمية جلدية (HaCat cells) وأضافو عامل مثبط للغلوتاتيون (مدري شو كان أسمو)
والنهاية طلع تأثيرو عن توليد جذور حرة
وكان للزرنيخ تأثير مضاد للسرطان نتيجة تحفيزه الموت الخلوي المبرمج apoptosis بالخلايا الورمية وما يؤثر على الخلايا الطبيعية، وهو علاج معتمد بالولايات المتحدة

د.ماهر مقدادي (سورية:حلب).......الأضداد وحيدة النسيلة ثنائية النوعية: أحد نظم إيتاء الدواء الجديدة للعوامل العلاجية للسرطان

هي الأضداد وحيدة النسيلة بتفرث عن يلي بنعرفها أنها إلها إيد بتتحد مع المستضد بالخلية الهدف وإيد تانية بتتحد مع مستقبل خلية T وهيك بزيد فاعليتها العلاجية، عرض مقاطع فيديو 3D روعة
(كنت بدي إسألو كيف بتتحضر بس ما صحلي)


د.صفاء الفيتوري (ليبيا)...........detection of brest cancer gene (BRCAI) by using fluorescence techniques
متل العنوان، دراسة للكشف عن السرطان بواسطة تحري الجين المسبب بواسطة micro array يلي أخدناها عند الدكتورة فوزة


أ.د ناجي نجيب (الأردن)...........challenges encounterd in the conduction of bioequivalence surdies
شرحلنا عن التكافؤ الحيوي (لو ما كنا آخدينو بالصيدلة الحيوية ما كنا فهمنا لأن الحديث سريع وكل المحاضرات كانت هيك)
بس فكرة حلوة عجبتني
حكا عن cross over study: نستخدمها إذا كان الدوا عندو عمر نصف قصير....الميزة أنو الشخص عم ياخد الtest و الreference، المشكلة فيها أنو لو كان عمر النصف طويل فرح نضطر ننطر فترات طويلة جداً خصوصاً أنو بدنا ننتظر فترة wash out
parallel study: للأدوية ذات عمر نصف طويل وهي عكس الcross over
نمط دراسة ثالث بيعتمد أنو بنعطي المتطوع الreference بعدين test وبعدين كمان نفس الreferece
هيك بنلغي الفروق الناتجة عن الreference لأن أحيانا ببعض الأدوية بيتغير توافرها الحيوي بنفس الشخص من وقت لآخر مع أنو نحنا مثبتين الشروط
وحكا عن ظلم الإعلام وتهويله لموضوع الدراسات على البشر


الجلسة العلمية الثالثة:

أ.د أنطون لحام.......استخدام البلمرات في المستحضرات الصيدلانية
تحدث عن أنواع البلمرات، كانت المحاضرة عبارة عن تلخيص لعدد من رسائل الدكتوراة من جامعة دمشق حول استخدام البلمرات
في فكرة جديدة أنو يمكن ما ينعاد يستخدم أقراص ورقية حاوية على الصادات في فحص التحسس للصادات
لأنو الورق بحرر المادة بسرعة وبشكل غير ملائم
لكن يمكن يستخدم مادة متماثرة لتحرر الصاد ببطء وهيك بيعطي نتائج أكثر واقعية


أ.د عيسى سلوم.............دراسة عوامل ثبات كالسيوم الروزوفاستاتين
هالدكتور رائع بشرحو وبتمنى لو عطانا بالجامعة
درس تخرب الروزوفاستاتين بعدة أوساط
الماء المغلي، هيدروكسيد الصوديوم، حمض كلور الماء، الماء الأوكسجيني، أشعة الشمس
الماء بخرب المادة بنسبة 5%
كمان الماء الأوكسجيني وكلور الماء
أشعة الشمس بتخربو بدرجة 70%
في ملاحظة إكتشفها الدكتور عيسى أنو الوسط القلوي زاد ثبات المادة
ففي السابق كان يحضر الروزوفاستاتين بالضغط المباشر
هلأ صار ممكن يستخدم التحثير الرطب (طبعاً في حرارة تجفيف كانت بالسابق تخرب المادة)
وهادا من دون أي خوف من التخرب لأن أضاف أسكوربات الكالسيوم (عصفورين بحجر: وسط قلوي + مضاد أكسدة)
وجد أنو أسكوربات المغنيزيوم بالعكس زاد تخرب المادة
هلأ المعامل عم تلجأ لطريقة الدكتور يلي إقترحها (مع العلم أنو لم يأخذ أي عائد من هالإكتشاف من المعامل)


Dr.Tim Noakes (england)..................medical HFAs-the new Metered dose inhaler propellants
لكنة بريطانية قحة
شرح عن أنواع غازات السابقة يلي كانت بأجهزة inhaler وعن أضرارها على البيئة
وحكى عن النوع الجديد يلي اكتشفتو الشركة وعن تصنيعو (أهم ميزة فيه أنو خالي من الكلور وما بسبب مشاكل الإحتباس الحراري وثقب الأوزون)


د. محمد أمين محمد............the effect of the crystallline-amorphous transformation upon micronization on the surface and bulk properties of protein crystals
صراحة بحث معقد ونص الحكي بالإنكليزي
المهم..دراسة باستخدام عدة أجهزة حديثة معقدة لمعرفة وتقدير تحول البلورة إلى الحالة اللابلورية
(صراحة كنت خالص لوقتا)


د. على الرغبان (سورية)............استخدام مركب هيدروكسي بروبيل سيكلوديكسترين من أجل توجيه تحرر الدواء في الكولون
بحث حلو
أغلب السواغات بالتلبيس الموجه للكولون المعتمدة على التحلل بالجراثيم الكولونية فشلت
تمت تجربة السيكلوديكسترين
مع أنو تمت دراسة الإنتشار عبر الغشاء للغشاء عبر خليتين وكانت ناجحة
عندما تم تلبيس الكريات بالمادة وتمت تجربتها بوسط مشابه للكولون (تمت إضافة جراثيم كولونية من كولون الخنزير) لكن فشل الغشاء في الانحلال وتحرير المادة

--------------------------------

بقي جلسة علمية أخيرة ما حضرتها
وكمان كان في جلسات تانية بنفس أوقات الجلسات السابقة

بعدها بلش الخناق مع الموظفين لأنو مافي باصات ولا شي
وتشاركنا بتكسي ورجعنا عالشام