يا جماعة أنا قريت موسوعة جينيس..
والله العظيم أسخف من هيك ما صفي..

أطول حلقات بالعالم مثلا..
أكبر تجمع لناس عم يبوسو بعض اتخيلو..
أسرع واحد ببدل أواعي!!
وفي سخافات أكتر من هيك..
يعني بقولو جينيس وجينيس..بس بالذمة سختفة..

طيب ما سمعتو عن أطول سارية بالعالم بالإمارات؟
ما سمعتو عن أكبر رسالة حب طولها 3 كيلو كتبها شعب الإمارات للشسخة فاطمة بعيد الأم؟؟
ما بتعرفو أنه مثلا أكبر سجادة بمسجد الشيخ زايد؟
وأكبر ثريا؟

ما بتعرفو أنه أذكى ولد بالعالم مصري؟


يعني في أشياء نحنا سابقين الغرب فيها..
ليش ما منذكرها.
ليش دايما نحنا منحشي براس حالنا أنه نحنا العرب جرب..مو شاطرين غير بالأكل والمسخرة؟؟

مين قال هنن أحسن ومين قال ما عنا غير المسخرة..

الموضوع جميل وعفكرة أنا مو ضده أبدا بالعكس حلو

اقتباس

ما في ا أي تسهيلات أو تشجيع إلا في بعض الحالات القليلة

مزبوط..

هذه أولاً..

ثانياً..

اهتمامات الشباب هي حجر الأساس..

يعني عم تلاقي نص الشباب و الصبايا اهتماماتهم لا تتجاوز آخر ألبومات نانسي و اليسا..

عدد قليل جداً ممن يهتمون بالبحث العلمي و النقاشات العلمية..

هي مصيبة هي..

و كمان مصيبة تانية...

أنو أحياناً اللي عم يهتمو بالبحث العلمي عم يكونو سيئي الأخلاق..

شوفة حال و احتيال..

و الناس عم تدور على لقمة عيشها لتاكلها..

فأنى لنا البحث العلمي....؟!

يمكن لازم نحل مشكلات أكبر بكثير مما نتصور قبل ما نفكر بالانطلاق..

من حقنا الافتخار بالماضي .. و لكن ليس أن نعيش فيه ..

فحاضرنا أصبح مختلفاً .. و يتطلب منا رؤية مختلفة ..


هذه ليست دعوة للتسليم بالواقع السلبي .. و بالحال الذي أصبحنا عليه ..

فوحدها حالة الشعور بعدم الرضى عن الذات .. هي ما تدفعك للأمام ..


شكرا دوف ..

السلام عليكم ...:

اقتباس

هي مجرد امثله ،، تطرح عن العرب فيض من غيض ،،

بالنظر قليلاً  بتأمل لحال بلداننا المحتله اليوم ،،

نجد أن مقصد Dove  من الموضوع ،،

أرقى وأسمى مما قادكم اليه حسكم الوطني ،،

سوسنة ... ما شاء الله .. من أين لك كل هذا التفكير العميق ..

والله بعد ما قرأته مرة ثانية ...... لم أجده غير مضحك مبكي ..


أخت Dove :

طريقة رااائعة في إيصال الفكرة .. لكن تحتاج إلى عقول تفهمها ..


أستودعكم الله

السلام عليكم

أكيد مواضبع مثل الموضوع يلي طرحته الاخت dove هو تذكرة لإلنا و لكل الشباب بأن: "فيئو لكو وبن نحن لساتنا!!" و ليكوا وين غيرنا صار!!"
فبما انو نحن الكل متفئين انو في شي غلط ف...... خلينا نشتغل و ما انخلي أولادنا يعانوا من نفس الشي أو أسوأ من هيك.....

و مثل ما بتقول الآية الكريمة: ((الحسنات تذهبن السيئات))     

تحيتي
تسنيم

مشكورة أخت Dove على طرح الموضوع
ماشاء الله هالموضوع كشف نسبة الحس الوطني عند شبابنا
فكرة الموضوع كانت مختصرة على أنو الغرب بيدخلوا موسوعة غنيس بإنجازاتهم العلمية
ونحنا العرب بندخل موسوعة غينس بانجازاتنا في الطعام والشراب
بس بحب قول إنو هالإنجازات العلمية يلي أنجزوها الغرب
العرب هم أصل هذه الإنجازات ولكن الغرب عملوا على تطويرها فقط لا غير

انا لازلت عند رائي ان التفكير الغرائزي يطغو على التفكير الابداعي و العلمي  لنا نحن  العرب و موسوعة غينيس واحدة من عدة شواهد ....
ولا داعي لاتباع المثل الشعبي ( القرعة بتتباهى بشعر بنت اختها ) الذي لازلنا نمسك فيه بسرد ما فعل اجدادنا .... فالحق هو المحافظة على ما تركه لنا اجدادنا لا تضيعه ...

اشكر  كل من مرة من هنا سواء مؤيد ام غير مؤيد لفكرتي

انا رأيي يا  اخواني تكتبو مواضيع يستفيد منها كل من يدخل هذا المنتدى
وعشان هل الموضوع العرب صحيح هم الي انجزو كل الانجازات العلمية والغرب طوروها
بس بحب اوضح لكل المشاركين في هادا الموضوع انو كل الاختراعات التي رأيناها في حياتنا كلها موجودة في القرأن الكريم وهي عبارة عن 30 بالمية بس!!!

يعني ضل 70 بالميةمن العلوم لس ما اكتشفت  واحنا اعدين عم نتجادل وعم نحكي عن الغرب والعرب وما عم نحكي عن حالنا بتمنى منكم انكم اتفكروا بلي حكيتو مع احترامي وتقديري للجميع وانا رح صير اكتب مواضيع علمية بقالب قصصي ان ساء الله.


just 4 triple x

السلام عليكم
القصة مو قصة تفاخر بإنجازات الغرب و الحط من قدر إنجازاتنا
القصة انو متل ما قال البعض نحن كنا ناجحين زمان و عنا إبداعات كتير و عقول قادرة على إنجاز الكثير
طيب ليش سمحنا للغرب انو يسبقنا ؟
ليش تخلينا عن أمجادنا؟
ما عم ننكر ماضينا المزدهر
بس نحن صار لازم نعمل شي بالحاضر لازم نرجع نبدع و ندخل موسوعة غينيس بإنجازات عربية تفوق انجازاتهم لأنو هي العقول القادرة عالإبداع ما زالت موجودة عنا بس نايمة أو منومة
الهدف من الموضوع تحفيزنا نحن الشباب عالإبداع لأنو نحن هلأ اللي قادرين نعمل شي

اقتباس

ولا داعي لاتباع المثل الشعبي ( القرعة بتتباهى بشعر بنت اختها ) الذي لازلنا نمسك فيه بسرد ما فعل اجدادنا .... فالحق هو المحافظة على ما تركه لنا اجدادنا لا تضيعه ...

هون المغزى كلو
شكرا كتير أختي Dove  على موضوعك (اللي برأيي) كتير مهم لأنو الإنسان من فترة للتانية بحاجة لهيك مواضيع تهز كيانو بركي بتستيقظ إبداعاتنا و منستعيد أمجادنا ولكن:


هل من مجيب؟؟؟؟؟؟؟؟؟؟

هلء الموضوع مو كتير بدو هالنقد يلي عم تنقدو

هي وجهة نظر وانطرحت والفكرة حلوة



                                    وفي معلومات مفيدة



                    شكرا الك