أهلا وسهلا بالسيد حسان..
اقتباس
هلأ أنا سنة أولى وماشالله كلكن من سنين متقدمة وهي أول مرة بشارك مع الكبار
شو مشان؟.. إن شاء الله مفكر حالك صغير؟.. أي والله أنا أحياناً بحس حالي أصغر من طلاب الأولى.. بس ما حدا صغير.. شو ما خلصت بكالوريا؟.. ما فتت عالجامعة؟.. أصبح wellcome to my world.. صرت كبير..
والله يا حسان القصة مو قصة متدايئين من العلم .. بالعكس.. بس متدايئين لأنو صاير العلم والدراسة كل شغلنا الشاغل.. ما عاد في شي بيشدك متل أول.. هو يلي شاف وعاش بهداك الجو بيعرف شو قصدي..
وخلص يا سيدي بما إنك من محبي الفرفشة والضحك فورجينا مواهبك.. وكلنا جاهزين.. مابدنا الكل يستنى غيرو ليبلش.. حدا يشد الهمة والكل بيبدأ ساعتها...
شرفت حسان الكبير.. أهلا وسهلا فيك.. محلك ومطرحك..
!^!^!^!^!^!^!^!^!^!^!^!^!^!^!^!^!^!^!^!^!^!^!^!
رؤى خانم... وشك ولا ضو القمر؟..
اقتباس
يعني لا في شي بيشد ولا بيستدعي الواحد يشتغل
هي هيي تبع روحوا القلوب ساعة فساعة.. يعني مو كلو شغل شغل.. كمان في جانب تاني ناقصنا.. وحتى مو شرط يكون موضوع تسلاية ومزح.. ممكن يكون موضوع اجتماعي عادي بس بعيد عن الدراسة ومقتها..
اقتباس
أكيد جماعة التانية سابقا والتالتة حاليا طرقونا عين
باسم الله عليكون... أي بتطرقو بلد .. حاكم ما شاء الله كل واحد فيكن عليه عين اللهم عافينا..
وفعلاً.. كأنو ما حدا جاية عبالو يعمل شي.. يعني عم باكل هم النزلة عالمحاضرات لأنو مالي نفس.. وحتى محاضرات الويكي راح حماسي لإني احضرها.. والله ما بعرف شو القصة..
اقتباس
أي تشاطري متل العالم وظبطي مشوار بقا لح يخلص الفصل ولسا ماظبت هالمشوار العجيب
هلأ بالله عم تستنوني أنا لظبتو؟.. قولوا هيك.. خلص قريباً جداً بإذن الله .. ويا ويلكن وحدة ما تروح..
تونسنا بنورك خانوم... شرفتينا..
!^!^!^!^!^!^!^!^!^!^!^!^!^!^!^!^!^!^!^!^!^!^!^!
هلا وغلا بالآنسة أسيل..
حبيبتي فيكي تشاركي إيمتى ما بدك .. ما في داعي تستني حسان ولا غيرو.. كلكن عالعين والراس..
يمكن وقت حاولتي تفيقي الطلاب من غفوتن وما حدا تفاعل حسيتي بمعنى:
قد أسمعتَ لو ناديتَ حياً لكن لا حياة لمن تنادي..
اقتباس
كانت قبل المشاركات غير ... بس هلأ ما بعرف وين عم يختفو ... معقول من الدراسة ؟
والله علمي علمك... بس والله كان المنتدى بأوجه أيام كنا بالفحص النظري وكلو يتفاعل مع كلو والوضع كلو تمام.. بس هلأ ليش هيك؟.. والله العلم عند الله.. بس بظن إنها أخطاء قديمة تراكمت وطلعت نتيجتها كلها سوا.. والله أعلم..
أسعدتينا بمشاركتك خانم.. بتشرفي بأي وقت..
إعلان هام لطلاب كلية الصيدلة ( تم تعديل البرنامج النهائي لامتحان ف2 )
مـنـتـدى تـرجـمــة وتـدقـيـق أقــســام الـمـوســـوعـة 
للتواصل مع الهيئة الإدارية في كلية الصيدلة اضغط هنا 
بتبقى ذكرى ما بتنتسى..
وصاير بيقرف كمان 
)
... بس قلت بركي بيخلين يحكو او يتحركو ...
اعذروني :,, قرارات عليا + صحوة الضمير المستتر )
بس و الله ما في وقت و لا حيل و لا خلق ( اللي بيعرف بيعرف 
