مساء الخير:

يا جماعة والله لا بطلة ولا شي بس يللي بيشوف أنو (إيمان) عندها السنة تخرج وجاية على كليتنا تدربنا وبكل وش بشوش ولا الأستاذة (ندى) أكيد عندها كتير شغل ومو فاضية ومع هيك أجت وتعبت معنا كتير......فكل هاد وما بدكن نحنا الشباب يللي بنفس الكلية ما نساعد بعض!!!!

مع أني ما كنت مفكرة أني أقدر ساعدهن بس لطفهن وجهودهن شجعوني ساعد ولو بشي بسيط بأني درب رفقاتي.....أقل منها يعني


وعلى فكرة زيد عرض أنو يساعد بيومي الثلاثاء والأربعاء لأن استغلال وقت الورشة يقتضي أن يوجد شخصين مشان التطبيق السريع عند الجميع.........فكمان شكراً له


وعلى فكرة كمان أنتو يللي هلق عم تسجلو ممكن بعد الورشة تصيروا تدربوا غيركن وتدربوا رفقاتكن والشي الأكيد لازم تضيفوا مقالات وتحسنوا على مقالات موجودة لأنو هاد هو الهدف الأساسي للمشروع كلو مشان الواحد يكون استفاد وتعلم ورح يفيد غيرو......


-------------------

لهلق صار عدد المجموعة 15 طالب


بقيان 5 أماكن شاغرة لسا في بنتين ما اتأكدت منهم....

بس إذا ممكن نبدأ بتمهيد صغير:

1- يكون في عندكن إيميل جاهز حتى تسجلوا بموسوعة المعرفة.

2- تفكروا بمواضيع ممكن تنزلوها لنتدرب عليها سوا......وممكن تكون  ترجمة لمواضيع صغيرة من الويكيبيديا الانكليزية عامة (تاريخ - أدب - سيارات) أو صيدلانية مو مهم...وحالياً بفضل يكون مصدر مواضيعنا من الويكيبيدسا أو مواضيع أنتو شاغلين فيها وبتعرفوا مصدرها ومراجعها......


خبروني شو بيصير معكن......

السلام عليكم:


طلبت مني الآنسة (إيمان دلعين) المسؤولة عن ورش التدريب بالكلية أن تسجلوا أسماءكم بالهيئة الإدارية ....... وإن بقي موعد الورشة الأحد القادم سأؤكد لكم هذا غداً أو بعد غد على هذه الساحة......


لكن أعتذر منكم شديد الاعتذار إن تغير الموعد أو إن لم أتمكن من التدريب -كما وعدتكم- في مواعيد لاحقة   لكن الأمر خارج عن يدي وما تريدون من استفسارات عبر المنتدى فأنا جاهزة ....



لكن بكل الأحوال أرجو من الجميع الاطلاع على موقع المعرفة والتسجيل فيه:

www.marefa.org


واطلعوا على صفحات المساعدة فالتعلم منها سهل ويمكنكم تطبيق ما تشاؤون في ساحة التجربة دون مشاكل.........وهنالك بالموسوعة كثير من المحررين يرحبون بنا ومستعدون للمساعدة بشتى الوسائل .....






بالتوفيق جميعاً

وعذراً مرة أخرى

تم إعادة تثبيت موعدنا يوم الأحد القادم ( 28- 3) الساعة 8.30 الصبح.....


بقاعة النت أو قاعة الكومبيوتر (كلاهما بالطابق الخامس)

وستتواجد معنا بإذن الله الآنسة (إيمان دلعين)


فأنتظر لقاءكم وأرجو أن لا تتأخروا حتى نستطيع استغلال الوقت قدر المستطاع...

وأن يحضر الجميع مقال أو موضوع صغير حتى نتدرب على تنزيله....

-------------------------

كما أن الدعوة لمحاضرة الغد الساعة 1.30 عامة وبإمكانكم الحضور للتعرف أكثر على ما سنتدرب عليه سوية



موفقين

السلام عليكم:

اكتمل العدد بالمجموعة التي من المفترض أن أساعد بتدريبها يوم الأحد..

وعدد المتدربين سيكون بإذن الله (25) طالب...وعلى الغالب سيكون التدريب بالقاعة الصغيرة لذلك أرجو من الذين يودون الانضمام أن يسجلوا أسماءهم بالهيئة الإدارية حتى يلتحقوا بالورشات التالية...



فريق الورشة التانية:

جماعة السنة الأولى:

رغد- sweet shosho - starry eyed - أسيل - Amira - hassan  - aloa  - master - muhammed jamous


ومن بقية السنوات:

نور الهداية - nouna - مياسة - حنان - حنين- vitamin - Judy91 -  مها L.Kh - sweet life  - مياسة  - pearls - ambitious - صديقة سلام - نهى - سلام - آية الرحمن






بانتظاركم صباح الأحد 8.30 بقاعة الانترنت بالطابق الخامس.....




لا تنسوا الموعد وحضروا مواضيع معكن



موفقين شباب

   

عنجد تعبناكي معنا رسمي ...

ان شاء الله الاحد الله بيعينك علينا ...

  مشكورة كتيييييييييييير

شكراً لك نسرين

أنا بعد محاضرة اليوم متشوقة جداً لبدء التدريب   

الله يعطيكي العافية

الله يعطيكي العافية يا غولدن بل

والله إنك متطوعة درجة أولى

   

بس شوفي ها أنا مخي سميك و ما بستوعب بسرعة يعني اشربي مليسة قبل ما تجي عالورشة مشان تروقي أعصابك عالأخير و ما تعصبي مني و نتخانق قدام العالم و الناس

   

السلام عليكم :

اقتباس

بس شوفي ها أنا مخي سميك و ما بستوعب بسرعة يعني اشربي مليسة

والله هيك يا نسرين صرنا اتنين بنصحك بكاستين مليسة مو بكاسة 


إن شاء الله بحاول اقدر اجي بس ما سجلت اسمي بالهيئة

أسيل، حنون، نور الهداية ، آية الرحمن:

شكراً ع التشجيع    بس يا خوفي تغيروا رأيكن فيني بكرة وأطلع ما بعرف درّب


على كل حال القصة ما بدها لا مليسة ولا كوكا كولا......الشغلة سهلة وتعلمت أغلب الشغل لحالي (صفحات المساعدة وساحة التجربة) بس يعني طولت لتعلمت أما بالورشات فرح تختصر عليكن وقت القعدة الطويلة عالكومبيوتر حتى تتعلموا...

أول مقال جربت نزلوا قعدت أكتر من 3 ساعات حتى ساويه بيشبه المقالات الموجودة وبالأخير طلعت مو عاملة بحث منيح وفي مقال سابق بيشبهو شوي يعني ما نشرولي ياه


بس فعلاً كانت من أكبر قفشات حياتي







نركم غداً بإذن الله

مسا الخير

شكراااااااااا نسرين على جهدك معنا عنجد عبنعذبك

وكمان بشكرك لأنك تعذبتي معي شخصيا وساعدتيني كتير كتير

الله يهني المجتمع الصيدلي فيكي

والأحد انشاء الله .... بس نصيحة خليهن دولة مليسة مو كاسة ولا كاستين

سلام