السلام عليكم 

اقتباس

هل يتم الحكم على الشخص من صديقه؟؟؟؟؟؟

حسب الصديق ( ازا صديق عنجد ولا بس شكلياُ ( متل اغلب رفقة الجامعة ) )

بس بشكل عام اي ... يعني هن ما حيكملو مع بعض ازا ما متقلبين افكار بعض ... 

اقتباس

يعني هل يرتبط مصيرك و تقييم الناس لك من الشخص الذي تصادقه......؟؟؟؟؟؟

لو هيك كنتي لقيتي الكل صحبة لشي حدا معروف انو منيح ... بس مشان نظرة الناس الن ...

لانو الناس ما بتعرف كل شي وبينغرو بالمظاهر ...

اقتباس

و هل فعلا كما يقال الصاحب ساحب..... أم هذا مثال لا ينطبق على الجميع؟؟؟؟؟؟؟؟؟

انا برأيي اي ...

بس ما حدا بيقتنع ... خصوصا انو اغلبن عندن شعار ( مصلحتي اهم من الرفقة ) !!!

صعب اقتنع انو في رفقة ( رفقة عنجد ) يكونو بمستويات مختلفة ... 

عندي المنطق بيقول الرفقة بيشدو بعض ... يا بتلاقين كلن بمستوا عالي ... يا العكس ...

بس بيقولو ( الرفقة نفسن ) لو واجهتن ... انو لما بدو الواحد ينشد للاحسن يبقى يشد حالو لحالو بالاول ... رفقاتو ما مضطرين ..! 

لهلأ ما قادرة وضح صورة الصداقة عندي بعد الجامعة لانو اجا ناس جداد واللي قضيت عمري معن صارو بعاد ...

بس بالاخير بدي قول لما الرفيق يكون منيح وفي خير فاكيييييد حيسحب رفيقو للشي اللي هو في ... 

والتجربة بتعلم ...

الفصل الاول علمني ... بس ما عارفة كيف بلش طبق ... جربت ... بس الكل لاحظ وبلشت الاسئلة اللي ما الها جواب عندي  ... ما حدا حيتفهم موقفي ... 

وبدي قول شغلة قالتلي ياها وحدة هي طالبة قدي ... تعرفت عليا بالباص ( لانو كنا واقفين كالعادة ووشي بوشا ) ... 

قالتلي اهم شي انو الواحد يفوت عالجامعة بشكل ويطلع منا بشكل احسن بكتييير ...

وما انو يطلع دارس ...  الدراسة ما كل شي ...

مهم كتير انو يشدو بعضن للدراسة ... بس في شي اهم وهو الدين ... 

يعني هي مثلاً رفيقتا شدتا ليحفظو قرآن ويروحو عالجامع ...

الواحد شو بدو احسن من هيك ؟؟   

....................

الله يبعت الرفقة اللي فيا الخير  للكل احسن شي ... 

وبعتذر عالاطالة ... 

شكرا كتير الك سلام كلك ذوق
عذبتك معي

موضوعك حلو كتير والنقاش فيه طويل كتير

اقتباس

هل يتم الحكم على الشخص من صديقه؟؟؟؟؟؟

هلآ أنا بدايق كتير من يلي بيحكم على التاني من رفيقو يعني بيجوز كتير شغلات بتعملها رفيقتك بس أنت مو مقتنعة أو مو موافقة على هـليها
برأي مو شرط أحكم على الشخص من صديقو في كتير شغلات هي يلي بتخليكي تحكمي عليه مو الصديق

اقتباس

يعني هل يرتبط مصيرك و تقييم الناس لك من الشخص الذي تصادقه......؟؟؟؟؟؟

المشكلة أنو عنا في كتير ناس بتقيم الشخص من رفقاتو

اقتباس

إجباري الواحد بيتأثر بأصحابو

يعني شوي شوي بصير بشابهو بكل شي

لاء مو شرط اذا كان صديقك على غلط مستحيل أنت تتأثر فيه وتعمل متلو بس طبعا في شغلات ممكن تأثر عليك بس مو بالضرورة كل شي تتأثر فيه

أنا برأي الواحد بشوف كتير بس ما بيعمل غير متل تربيته وأخلاقه بدون ما يزعل حدا منو

A midday nap can keep us mentally sharp, and may even make us smarter. It seems to wipe clean the 'memory tape' and allows us to cope better with new challenges, a new study among students has discovered.

Even staying awake throughout the day, as most of us do, can mean we are not so efficient if we need to carry out a new task in the early evening, researchers at the University of California at Berkeley have discovered.

They tested the benefits of the midday nap on a group of 39 students, who either had a 90-minute nap in the middle of the day or stayed awake all day. But when both groups were asked to perform a new round of learning exercises at 6pm, the ‘nap group’ dramatically outperformed the 'no-nap' group.

The researchers believe that a nap helps to clear the brain’s short-term memory store and makes room for new information, says lead researcher Matthew Walker.

(Source: Annual meeting of the American Association of the Advancement of Science, San Diego, California. February 21, 2010).

والله هي لازمتني

دائماً عالمسويات بطفي وما بعود باستوعب شي

عنجد لهالدرجة مفيدة القيلولة!!!

بس أنا بعرف أنو ما لازم تتجاوز النصف ساعة.....وأنا إذا نمت بنام شي ساعتين وما بقدر أقضيها بنصف ساعة.....مشان هيك ما بعود حالي على النوم بفترة الظهر قد ما نعست....


------


وبالنسبة لسؤال سلام:

ممكن تحكمي جزئياً على شخص إذا كنتي متأكدة انو يللي معو هاد رفيقو مو شخص لا بديل له وخاصة بالجامعة ممكن كتير تشوفي أشخاص مرافقين رفقات لتقطيع الوقت و عدم الإحساس بالوحدة.....بس مو شرط يكون هو الصديق الصدوق...صراحة انا كتير أيام ما بكون مقتنعة بتصرفات أو أفكار بنات بس ما بتدخل ....بس مو يعني أنو أنا عندي نفس الأفكار إذا كنت معهن...

والله أنا وقت الامتحاننات بحب نام الظهر كتير بس اذا ما في امتحان فما بحب نومة الظهر. بس شي كتير حلو أنو نعرف فوائدها شكرا زيد


..................................

golden pill

اقتباس

صراحة انا كتير أيام ما بكون مقتنعة بتصرفات أو أفكار بنات بس ما بتدخل ....بس مو يعني أنو أنا عندي نفس الأفكار إذا كنت معهن...

والله هاد الكلام وأنا معك

السلام علكيم

كيف الصيادلة؟

والله موضوع سلام شدني لحتى شارك

هلأ بالنسبة للرفقات فأنا من الناس اللي بحكم عالأشخاص من رفقاتهم بس مو بنسبة 100% يعني فيكي تقولي بنسبة 80% يعني لو مالون متفقين بمعظم الأفكار و التصرفات ما بنسجموا مع بعض

و أنا أول ما فتت عالجامعة سمعت نصيحة من إحداهن ( الله يجزيها الخير) خليتها شعاري بالجامعة قالتلي : بالجامعة رح تكوني ضمن احتمالين مالهم ثالث و اللي هنن إنو يار ح تسحبي يا أما رح تنسحبي فديري بالك من قصة الرفقات........
و سمعت هالنصيحة و ما اختلطت إلا مع كم وحدة من رفقاتي بعد ما درستهم منيح و شفت توافقنا بالأمور الأساسية و حتى الفرعية و عن جد أنا رفقاتي من ضمن النعم اللي أنعم ربنا علي فيهم لإنو عن جد عم شوف كتير ناس ضاعوا بسبب الرفقات و الصاحب ساحب بلا منازع ( قل لي من تصاحب أقل لك من أنت )
و الرسول عليه الصلاة و السلام قال : ( المرء على دين خليله فلينظر أحدكم من يخالل )
و بظن هاد الحديث بينهي الكلام بضرورة اختيار الصحبة الصالحة و الحذر من صاحب السوء...
ملاحظة : أنا بحكي مع كتير بنات بالجامعة و من كل السنوات بس علاقتي فيهن ضمن الجامعة و الكلام السطحي و بحب أني أتودد إلهم من باب لعل و عسى إني أقدر غيّر فيهم شي يعني مالي متعصبة لاعتبارات معينة و كلنا أخوات في الإنسانية بس الرفقات اللي بطلع و بفوت معهم و مناكل سوا و منحكي سوا بأمور عميقة فهنن معدودين و اخترتهم بحذر....
الله يثبتنا و يهدينا....

***************************************************
على فكرة القيلولة سنّة و الرسول عليه الصلاة و السلام كان يعملها دائماً و على ما أذكر ما كانت تتجاوز عنده 30 دقيقة
بس في ناس بتفكر القيلولة إنو هي بعد الغذاء يعني عالعصر تقريباً و هاد الشي غلط و القيلولة متل ما كان يعملها الرسول كانت بعد صلاة الظهر بشوي....

أخخخخخخخخخخ
بس لو نقدر نطبق سنة الرسول بكل شي
والله كنا عشنا أحلى حياة

السلام عليكم :

والله سؤال سلام  بدو تفكير كتييير 

ما حأحكي كتيير لأن نور الهداية كفت ووفت  وبأيدها 100% 

بس بدي قول كلمتين  :

ما في أسهل من بناء صداقة المصلحة وما في أسهل من تخريبها

طيب عندي سؤال تاني :

هل ياترى اللباس أو المظهر الخارجي للشخص يؤثر عليك في اختيار الرفقة ؟

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

في أحلى من أنك تسمع تلاوة بصوت القارئ الذي تريد والسورة التي تريد وأنت عم تتصفح النت!!!!

فوتوا عالموقع وحسوا متل مو حاسة.....بس أنا اخترت تلاوة بصوت السديس :

http://www.tvquran.com/Alsudaes.htm


-------------------

مشان سؤال (آية الرحمن) صراحة أنا سبحان الله أيام كتير بنفر من أشخاص بيكون كتير عفشين ومهملين نفسن لدرجة بالغة......(يمكن خطأ هالشي) بس لا شعورياً بحب الرتابة والنظافة ...أما موضوع محجبة أو مانطو أو غير محجبة فما بنظر لهالأمور بعين الأهمية لما رافق وحدة (بس يكون بالمعقول مو وحدة أستحي أمشي معها على قد مو عاملة بحالها مناظر over)......لأنو الجوهر هو الأهم وكل واحد مسؤول عن لبسو ومظهرو أمام رب العالمين ومو أنا يللي بقيم الناس بهالناحية....

اقتباس

والله كنا عشنا أحلى حياة

إنها أجمل حياة..

و أصعب حياة..

عندما كنت في الباكلوريا..

و في فترة الصيف..

قررت أن أعيش كما عاش رسول الله بالدقيقة و الثانية..

فعدت إلى صحيح البخاري ومسلم و قرأتهما حرفاً حرفاً..

و كتبت كل الملاحظات التي كان رسول الله يقوم بها في اليوم و الليلة..

الورقة موجودة عندي و طويلة..

كان يستيقظ قبل الفجر بساعة..

و ينام متأخراً أحياناً..

طبقت برنامجه اليومي مدة شهر كامل ( شهر تموز على ما أذكر)

لكنني لم أعد أستطيع المتابعة لصعوبة البرنامج و قلة عدد ساعات النوم..

عداكم عن كثرة الصيام في فصل الصيف..

بأبي أنت و أمي يا رسول الله..

يا عبقري الإسلام و قائد الدنيا...

اقتباس

بس بدي قول كلمتين :

ما في أسهل من بناء صداقة المصلحة وما في أسهل من تخريبها

والله عم تحكي درر يا آية الرحمن و أنا شفت هالشي بعيوني

اقتباس

طيب عندي سؤال تاني :

هل ياترى اللباس أو المظهر الخارجي للشخص يؤثر عليك في اختيار الرفقة ؟

بجاوبك على هاد السؤال بيني و بينك لإنو صار عندي قناعة إنو الحكي بهيك أمور

حساسة عالمنتدى عم تنفهم غلط و ما عم نوصل لنتيجة

**************************************
غولدن

شكراً عالرابط بس عم يطلع الصوت عندي مقطش

ليش يا ترى ؟