أياد طبعاً بتقدر  تواصل ترجمة أثناء الدوام

بس بشكل ما يأثر أبداً على دراستك

والحكي موجه إلي وإلكن وللجميع

يعني كل واحد أدرى بتنظيم وقتو وأعمالو

وعادة أول شهر دوام بيكون ضغط الدراسة أخف عالطلاب

وممكن نستغل هالفترة

والله يكون معنا

شكراً للجميع

السلام عليكم

أحببت أن أبشر طلاب السنة الأولى بأن مشروع دعم المحتوى العربي للإنترنت وهو مشروع رسمي

سوف يتعاون مع كلية الصيدلة

بعد أن رأى النشاط الممتاز على الإنترنت من ناحية التعاون العلمي باستخدام التشارك على الويب. (مشروع الموسوعة يعمل فيه أكثر من 140 مشترك ويدار بشكل كلي تقريباً على الإنترنت)

ويمكن للمهتمين او الراغبين بالتعرف على آفاق المشروع وبالأخص النشيطين على الإنترنت ؛

أن يحضروا غداً اجتماع المشروع في كلية المعلوماتية الساعة الثاني عشر ونصف

والأستاذة المسؤولة عن الإجتماع - ندى البني -

وسيحضر عدد من الزملاء وربما عدد من الصحفيين أيضاً

وحتى لا نذهب دون فكرة مسبقة عن المشروع

بدأت بشرح بعض الأفكار الأساسية على هذا الموضوع
http://pha.jamaa.net/post379514.html#post379514

ويمكنكم زيارة المجموعة البريدية والاشتراك فيها
http://groups.google.com/group/wikisyria

وهذا المشروع يحتاج للدماء الجديدة - سنة أولى ، ثانية - أكثر من حاجته للخبرة الكبيرة من الكهول الذين يتعبهم العمل على الكمبيوتر

موفقين

السلام عليكم


الحمدلله ............... الطموحات و المشاريع عم تكبر 


وشكرا كتير د.بشار إنو عم تدعينا كمان نحنا .............. يعني هي ثقة كتير كبيرة 
و إن شاء الله نكون قدها !!!!!!!!!!


لكن هناك بعض المشاكل :

1- للأسف ما عرفت كيف بدي اشترك بالمجموعة البريدية و لا شو ممكن استفيد منها؟؟؟؟؟؟؟؟؟؟؟

2- الاجتماع في المعلوماتية القديمة(البرامكة) أم بالجديدة (تجمع الهمك يلي بآخر الدنيا )؟؟؟؟؟؟؟؟؟


على كل الأحوال ياريت إذا ما قدرنا نحضر تحكولنا شو بيصير معكن ........................ و إذا بتسجلولنا الاجتماع صوت و صورة بكون أحسن  



إن شاء الله بالتوفيق و النجاح لكل عمل جماعي هادف

اقتباس

1- للأسف ما عرفت كيف بدي اشترك بالمجموعة البريدية و لا شو ممكن استفيد منها؟؟؟؟؟؟؟؟؟؟؟

لما بتفتحي صفحة المجموعة ، يوجد عاليسار مكتوب ( انضم إلى هذه المجموعة ) و منها بتقدري تشتركي
و ممكن تستفيدي من هالمجموعة متل استفادتك من محموعتنا البريدية يعني آخر المواضيع و الأخبار و المناقشات بتوصلك عالإيميل بالإضافة إلى إنك فيكي تشاركي فيها

اقتباس

2- الاجتماع في المعلوماتية القديمة(البرامكة) أم بالجديدة (تجمع الهمك يلي بآخر الدنيا )؟؟؟؟؟؟؟؟؟

لأ بالبرامكة مواجه كلية التجارة
منتمنى نشوفك أنتي و كل طلاب الأولى

السلام عليكم

تأكيداً لجواب نور الهادية

أرسلت لمجموعة ويكي سيريا سؤال:

اعذروني
وردني سؤال كلية المعلوماتية التي في البرامكة أم الجديدة؟!
الرجاء الجواب سريعاً
بشار

----------------

وأجابت الأستاذة ندى على المجموعة بما يلي:

في البرامكة

لم ننتقل الى الهمك ولن ننتقل هذا العام

المدرج هو في هنغار المعلوماتية

السلام عليكم

إلى طلاب السنة الأولى كافة

وإلى طلاب السنة الأولى المشاركين بالمشروع:

حسام
elan
genius
starry eyed
master

أولا من بعد أذنكم خبرونا شو أخبار الترجمة؟؟

ثانيا هل منكم من يود المتابعة بعد إنهاء قسمه مع العلم أني أخذت عناوين أقسام مناسبة من زيد !!

ثالثا هل ترون أن من الممكن أن نبدأ مع بعضنا (نحن السنة الأولى) بمشروع يتعلق بالمواد التي نأخذها الآن؟؟؟
كالعضوية و النباتية والمدخل إلى الصيدلة وغيره..............

وأخيرا من يود المشاركة بمشروع مماثل...........إذا لم تعجبه أو تلائمه ترجمة الموسوعة

أي أننا نستطيع البدء بمشروع فردي يتعلق فينا شخصيا نحن الأولى

=====================================================

أرجو من المشرفين أن لا يظنو أننا نتهرب من مشروع الترجمة ولكنها فكرة خطرت لي وأرجو أن تفيدوننا بآرائكم ونصائحكم فأنتم إخوتنا الكبار!!


فقد يتذمر البعض من صعوبة الموسوعة وأن الأقسام المتبقية أغلبها صعبة....


كما أن الأستاذ بشار جمال كان قد أشار لهذه الفكرة من قبل

اقتباس

هنالك ملفات أخرى غير الموسوعة خبئناها لما بعد الموسوعة

وهي أسهل منها ...

فإذا وجد عندكم من يرغب بالترجمة لكنه يستثقل الموسوعة فسنبكر في طرحها

اقتباس

وكذلك هنالك فكرة لحملتين علميتين

الأولى في قسم المقالات المترجمة..حيث نحدد مقالات هامة ثم نترجمها
والثانية تغذية موسوعة الويكيبيديا بمقالات علمية يراجعها بعض أساتذتنا قبل رفعها..وهي أكثر نفعاً للغة العربية والمواطن العربي

=====================================================

وشكرا للجميع...............

السلام عليكم

ان شاء الله

خلال هاليومين بكون انتهيت من ترجمة قسمي

يعني ..

خلال أسبوع بكون عملت عليه مراجعة


بعدها بنطر اياد لحتى يخلص القسم تبعو

سلام الله عليكم

السلام عليكم

آسفة على التأخير مشان أخبار الترجمة ................ بس و الله ما بيكفينا الانترنت السريع جدا  ............. كمان بهاليومين عم يقطعولنا الكهربا على هالهويات ........... بقى خلينا ساكتين   



يمكن قصرت شوي بالترجمة ............. يعني بقيلي شوي بالصفحة التانية  !!!!!!!!!!!!!!!!!!!!
بس ما بقى قدرت نزل كل شي عالموضوع تبعنا ................. إن شاء الله بحاول بهاليومين

خلص لازم نشد الهمة ..................


و أكيد أنا مع فكرة إننا نكمل بأقسام تانية  ............ طبعا إذا شغلنا نال إعجاب المدققين والمشرفين !!!!!!!!!!!!!!!



و مشان المشاريع التانية 

أنا رأيي إنو خلينا بالأول نخلص على الأقل الأقسام اللي نحنا بدينا فيها .................. و بعدها في كتيييييييييييييييييير مشاريع فينا نساويها بالإضافة لاقتراحاتكن ..................

حتى إذا بدنا مشروع مو بالضرورة يكون علمي ................. يعني مثلا شي بيتعلق بمظهر الكلية (( مثل إنو نعمل لوحات أو كاريكاتيرات أو مجسمات أو أي شي يجمِّل الكلية ................ مو ضروري نضل مزينينها بعلاماتنا   يلي بتشهي و معبية الحيطان )) ................



و حتى إذا بدكن ................. منفكر نستثمر مقصف الكلية   ................. يعني نحنا منداوم خمس أيام .............. بقى كل يوم سنة من السنين بيورجونا إبداعاتهن بالأكل !!!!!!!!!!!!!!!!!!!!!!        (لاء  بهي عم امزح)


موفقين ........... سلام  

السلام عليكم:
بالنسبة الي لح اخلص الصفحة التانية ويمكن بكرة بلش بالأخير إن شاء الله ..........

اقتباس

ثانيا هل منكم من يود المتابعة بعد إنهاء قسمه مع العلم أني أخذت عناوين أقسام مناسبة من زيد !! 

مابعرف تمام بس على الأغلب مابدي كمل بترجمة هي الموسوعة لاني حسيت انو نحنا لازم نكون اخدين فكرة عن هي المادة(التكنولوجيا) يعني  السنين التانية اخدين فكرة وعم يعرفو شوي بالمصطلحات العلمية...............

اقتباس

هل ترون أن من الممكن أن نبدأ مع بعضنا (نحن السنة الأولى) بمشروع يتعلق بالمواد التي نأخذها الآن؟؟؟
كالعضوية و النباتية والمدخل إلى الصيدلة وغيره..............

ليش لاء اذا ممكن نتعاون مع بعض بشي مشروع جديد انا اول المشاركين بس بشرط يمكون ضمن نطاق موادنا يعني على الاقل يكون عنا افكار اساسية بالمادة وانا بصراحة جاية على بالي نشوف موسوعات للكيمياء ونتعاون على ترجمتها متل الكتاب يلي قال عليه الدكتور عمار الخياط مثلاً..........

واذا الدكتور بشار بيتفضل وبيقترح علينا بعض الافكار نكون ممنونين له لانو بالطبع هو ادرى منا بهاد الموضوع

اقتباس

و حتى إذا بدكن ................. منفكر نستثمر مقصف الكلية  ................. يعني نحنا منداوم خمس أيام .............. بقى كل يوم سنة من السنين بيورجونا إبداعاتهن بالأكل !!!!!!!!!!!!!!!!!!!!!!        (لاء  بهي عم امزح

لاء عنجد فايقة ورايقة هههههههههههه بس والله لازم يفتحولنا المقصف حاجتنا متل المشردين من مقصف لمقصف ههههههههههه

                                          سلام

السلام عليكم

اقتباس

ثالثا هل ترون أن من الممكن أن نبدأ مع بعضنا (نحن السنة الأولى) بمشروع يتعلق بالمواد التي نأخذها الآن؟؟؟
كالعضوية و النباتية والمدخل إلى الصيدلة وغيره..............

أي ها يا عيني عليك يا إيادو

أنا كمان انشاء الله من المشاركين