هلا بطلاب السنة الاولى - منتدى جامعة دمشق

مشاركة : 46

OMAR.SCH

عضو ذهبي

مسجل منذ: 12-08-2009
عدد المشاركات: 2095
تقييمات العضو: 57
المتابعون: 14

غير موجود
اشــترك بالتحديثات
رسالة مستعجلة

مواد الفصل الثاني لطلاب السنة الاولى مدني عام

17-02-2010 01:58 AM

السلام عليكم كيفكم
شو كيف علاماتكم و الاهم كيف همتكم على الفصل الجديد؟؟؟

بالنسبة لمواد الفصل التاني فهي نبذة عن نوعيتها بالفصل التاني:

اولا

رح نبدا باصعب مواد السنة الاولى وهي الميكانيك 2 على اعتبار انها كبيرة وفيها افكار جديدة وبدها شغل بس لاتخافوا المادة يلي بيشتغل عليها منيح بتطلع معوا
المادة كان يعطيها دكتورين هشام المما وشاهين غلاييني والبشير طبعا ما رح احكي عن الدكاترة بظن صاروا معروفين بالنسبة الكم
المادة عبارة عن منهاجين بالوقت نفسوا يعني عبارة كتابين وهما الميكانيك الهندسي 2 والميكانيك الهندسي 3 انا بنظري احلى قسم هو قسم الدكتور هشام المما وكان يعطي فيه مراكز العطالة والثقل لمجموعة من الاشكال الهندسية المؤلفة مثلا من ربع دائرة وجزء من مثلث ومستطيل وهيك يعني كلها حسابات مشان نطالع مركز الثقل للشكل وهاد القسم ضروري انو تضمنوا (( براي )) مشان ترفعوا المادة وبيجي عليه حوالي 23 علامة
طبعا العملي لازم تجيبوا عشرين وما فوق وانا شخصيا جبت 20 عالقد ورفعت المادة من اول دورة 61 مع اني ما اشتغلت غير يوم واحد قبل الامتحان على اعتبار كنت حاطط ببالي قدمها مع الحملة (( بس كنت شاغل ضمن السنة على المادة ))
اما القسمين الباقيين فيعني بجوز تحسوا صعب وبدوا شغل بس يلي بيضمن القسم الاول بيبقى عليه انو يحل مسالة واحدة بشكل كامل من القسمين الباقيين مثلا العمل الوهمي او الطاقة او النواسات او الحركة المستوية يعني على الاغلب الامتحان يجي باربع مسائل او خمس مسائل يعني شغلتككم الاساسية انو تضمنوا 40 علامة بالنظري اي 20 علامة بقسم الدكتورين شاهين والبشير و20 علامة من قسم الدكتور المما

ثانيا:

المساحة 1 مادة حلوة كتير وكلها مسائل على الاغلب مسائلها من النوع النمطي بس طويلة يعني ممكن تلاقوا مسائل حلها شي 4 صفحات A4 بس كتير حلوة ووممتعة جدا ليلي بيفهمها
المشكلة الوحيدة بالمادة انو تصحيحها على الجواب يعني مثلا المسالة عبارة عن 3 طلبات افترض انو جواب الطلب الاول خطا تحذف المسالة كاملة ؟؟ اما اذا كان الطلب الثاني خطا تعطى علامة الطلب الاول فقط ويحذف الباقي من عند الخطا وكمالة المسالة لذلك يجب الانتباه جيدا الى الالة الحاسبة ولازم تتعلموا تشتغلوا عليها منيح وبسرعة ومشان تفهموها منيح بنصحكم تزوروا الرابط التالي:

http://civ.jamaa.net/art255346.html?&highlight=MEMO.CSH

المادة بيعطيها الدكتورين انو الصيفي دكتور كتير جنتل ومرتب وبيراعي الطالب والدكتور وائل رضوان بحب الاسئلة النظرية ؟؟؟؟
العملي لهي المادة عبارة عن شغل ميداني بالشارع مشاريع تسوية وقياس فروق الارتفاع والمناسيب النهائية وبيتم العمل على جهازي التاكيومتر والنيفو والامتحان على الاغلب عبارة عن فحص على الاجهزة وامتحان كتابي ممكن يجي فيها بعض التعاريف عن الاجهزة ومسالة تسوية

ثالثا:

التمثل الهندسي وبيعطيها الدكتور جمال معماري وبتاخدوا فيها المفردات التالية:
اولا الميول الترابية (( لا ياتي في الامتحان بشكل مستقل ))
ثانيا الجدران الاستنادية (( ممكن ان ياتي في الامتحان بشكل مستقل او لا ياتي ))
ثالثا مقطع طولي في عبارة مائية (( يتضمن العبارات والميول الترابية والجدران الاستنادية وهو السؤال الاهم بالمادة وممكن انو ياتي سؤال بعشرين الى 25 علامة ))
رابعا رسم واجهة مدخل العبارة (( يتضمن العبارات والميول الترابية والجدران الاستنادية ))
خامسا رسم واجهة مخرج العبارة (( يتضمن العبارات والميول الترابية والجدران الاستنادية ))
سادسا رسم مقطع طولي في جسر (( يتضمن الجسور والميول الترابية والجدران الاستنادية وعلى الاغلب يجي منوا سؤال ب 15 علامة ))
سابعا الاوتوكاد كيفية استخدام الاوتوكاد والتعليمات الخاصة فيه في رسم الاشكال طبعا الجواب رح يكون كتابي بالورقة والقلم
هلق الامتحان على الاغلب 3 اسئلة سؤال عن العبارات وسؤال عن الجسور واسئلة الاوتوكاد
القسم العملي ما بيختلف عن النظري ويلي بيدرس بالعملي ما بواجه اي صعوبة بالمادة وقت النظري وخصوصا اذا كان بيعرف يشتغل على الاوتوكاد
انا رفعت المادة 83 بدون ما ارسم اي عبارة ليلة الامتحان لاني كنت شاغل وقت العملي وبنصحكم تشتغلوا منيح على العملي بترتاحوا وقت الامتحان

رابعا

الرياضيات ما بدها كتاب واهم شي اسئلة الدورات من عند الركن وهي استكمال للرياضيات 1 وعلى الاغلبب بتكون نسبة النجاح فيها اعلى من الرياضيات 1
الدكتارة نفسهم والمعيدين نفسهم والطلاب نفسهم بس نسبة النجاح غير

خامسا

الجيولوجيا الهندسية:
مادة نظرية بحتة ومخصصة للطلاب المحبين للحفظ البصم ولترفيع المادة من اول دورة لازم تدرسوا الكتاب بشكل كامل تقريبا ومابنصحكم تحفظوا اسئلة الدورات لانو بتصيروا تخربطوا بالامتحان متل ما اسلفت المادة حفظية حتما
اما دورة الحملة على الاغلب بتجي تكرار لاخر 3 دورات يعني بكرا بتشوفوا انو دورة الحملة بتجي سهلة كتير (( ما عدا الدورة يلي قدمت فيها انا تغيرت وهي السنة رجعت العادة القديمة مشان حظي )) وبدورة الحملة ادرسوا الدورات وانشا الله الكل بيرفعها من اول دورة
القسم العملي بدوا كتيب صغير والعملي سهل وحلوا وعلى الاغلب العلامات كلها فوق العشرين وبهي المادة اهم شي تجيبوا علامة عالية وخصوصا الطلاب يلي ما بتحب الحفظ
انا المادة رفعتها بالدورة التالتة لاني درست الكتاب كلوا وبمعدل كمان ؟

سادسا :

الكيمياء على مبدا الفيزياء بالفصل الاول تجارب العملي تتم بمخبر الفيزياء ولازم تجيبوا كتاب العملي مشان تجهزوا التجاب وتدرسوا منو قبل الامتحان العملي
العملي بتعملوا فيه مجموعة من التججارب متل قلوية الاسمنت اكتشاف الشوارد وقساوة الماء وال PH ..
الامتحان العملي يقسم الى جزاين الجزء الاول تجربة او جزء من تجربة لكل طالب لوحده
الجزء الثاني امتحان كتابي (( كلوا تعاليل او اسئلة فهمية لاختبار مدى فهم الطالب بالمادة وممكن تجي مسالة موجودة بكتاب العملي ))
القسم النظري بالمادة بيعطيها الدكتور هاني طالب والدكتور غسان التخين
قسم الدكتور هاني طالب احلى قسم والدكتور بهموا الطالب يكون فهمان وما بحب الطالب يلي بيبصم ما بيفهم رح يعطيكم الاسمنت وكل شي عن الاسمنت نظريات التصلب للاسمنت وتركيب الاسمنت وتفاعلات الاسمنت وصناعة الاسمنت وانواع الاسمنت ومعرفة مواصفات الاسمنت اعتمادا على تركيبه الكيميائي ومسائل عن الاسمنت بنظري هاد القسم مضمون لانو الدكتور ما بدقق على الجواب يلي بكون نظري بحت وبيعطيك العلامة كلها بمجرد ما توضحلوا الفكرة الاساسية بددون اي كتابات نظرية (( يعني مو كلمة بكلمة ومو بالشبر ))
قسم الدكتور التخين بتاخدوا فيه كيميا بتشبه كيميا البكالوريا يعني تفاعلات الاكسدة وانصاف التفاعلات والحموض والاسس وسرعة التفاعلات وبدوا شغل اكتر من قسم الدكتور هاني
الامتحان النظري بيجي محموعة من الاسئلة الموزعة على كامل المنهاج يعني تقريبا كل بحث بيجي من اسئلة

سابعا:

العربي
لاتحضروا لا تدرسوا الا تعملوا شي قدموا الامتحان وعلى الاغلب الكل يرفعها بس ما رح تحسوا بعدل بالعلامات ( يعني الغالبية بحيطان الستين ) يعني الوواحد ممكن يكتب ويكتب ويكتب بتمانين تسعين علامة ويرفع المادة بالستين وهاد الشي عادي
انا عبيت 8 صفحات بالامتحان وكل الاجوبة كنت متاكد منها وحتى كانتو ورقتي متل ورقة رفقاتي تقريبا الاجوبة نفسها بس انا رفعتها بالستين وفي من رفقاتي (( الاجوبة نفسها )) رفعوها بالتمانين وفي مين رفعها بالسبعين بقى لاتبحثوا عن العدل بهذه المادة المهم انو الغالبي بيرفعها
الامتحان النظري من مية

ثامنا :

اللغة استكمال للغة 1 ما بدها حضور اهم شي تكونوا فهمانين القواعد منيح وعندكم تشكيلة من المفردات مشان تفهموا النص والمادة على الاغلب اتمته وبتطرقوها معدل مشان تحسنوا علاماتكم

وهيك من كون خلصنا من المواد وانشا الله بترفعوا جميع موادكم والسنة الجاية بشوفكم سنة تانية

سلااااااااااااااااااااااااااام

« عرض آخر مواضيع العضو »

الضمير

راحـــــــــة البال

مخافــــــــــــــــــــــة الله

أنت غير مسجل لدينا.. يمكنك التسجيل الآن.