السلام عليكم

يعني وصف قيقي لوضع المواصلات

-المحاسبة وهي دفع الأجرة للشوفير

بالنسبة فبالأول كنت اتلبك من كتر العملات يلي بتتجمع معي خاصة وقت أقعد خلف الشوفير بالنص
فكن أعطيه كل شي لحال لأخلص من تعقيدات الحساب
بس بعدين صرت خبير بالشغلة

بس أحلى مكان بالميكرو آخر مقعد عاليمين
ما حدا آرشك و بتنزل بسهولة

لكن إزا كنت جايي عبالي إركب بقطار الموت و ما بدي روح عالأرض السعيدة فبركب جنب الشوفير

مشان الطلعة عجنب

فبحاول قدر الإمكان إطلع بكير من البيت مشان ما اضطر لإتبهدل بهالشغلة

بس بيتي بدو ساعتين ونص مشي لأوصل فمو نصيحة الرجعة مشي للبيت
بس لما بكون رايح أي مشوار تاني فغالباً بطرقا مشي بدل الركبة بالجرادين "مكاري"

بالنسبة إلي فأنا أموري تمام مع حضارة الباصات الكبيييييييييييييييييييييرة
وما في حدا بيضطر يعمل محاسب
وإذا مافي مكان منضل واقفين.....متل قطرميز المكدوس

أول سنة كرهت حالي من ورا المواصلات لأنو كانت مدرستي قريبة من البيت وبحياتي ما كنت اطلع إلا مع اهلي.وماني متعودة عالبهدلة ابداً

بتذكر منيح اول يوم بالجامعة لما رجعت عالبيت عم ابكي من ورا المواصلات

طالع هلق خبر عن مصري بعمر التسعين حصل لتوه على الدكتوراه....


سبحان الله .........شو هالهمة وحب العلم...

ماشاء الله...... شو هالإرادة القوية!!!!

يعني في امل نحنا نصير دكاترة بعمرالـ100  

تاني شي الموت عنا بتشوفوه كل يوم مع شوفيرية طيارات جبلة اللاذقية ومعظم طياراتهن من نوع تويونا  يعني بتسابق الريح 

الله يعين الطلاب اللي ساكنين برات الشام أكيد معاناتن أكبر
ويللا لازم نعاني مشان  نحس بطعم المعاناة

بتذكر أحد دكاترنا حكى انو بالخاصة ما بيلاقي مكان يصف السيارة من كتر سيارات الطلاب

جاوبت إحدى الطالبات: أما عنا ياحسرتي منجي بالباص عالواقف

وضحك كتير وقلا ياحسرتي!!!

     

يعني حلو نوعاً ما الموضوع

بس أحسن شي الجية على الجامعة بالبسكليت ( دراجة هوائية يعني ))

أحياناً بجي وأنا وهلال الصيدلة فيها الصبح ...

عنجد بياخود الطريق شي حوالي 12 دقيقة بس إذا قاعدين عم نطق حنك كتير بالبسكليت

أما إذا مستعجلين .... أقل تقريباً

طبعاً الانطلاق من ساحة باب المصلى -حفظها الله -


بس والله الصراحة عنجد حلوة كتير لأنو بتصير مغامرات حلوة
وخاصة وقت شي مكرو بيهجوم بدو يصف على اليمين
بهي الحالة بتصير حوادث خيالية
فبطر أنا أنو نزل رجليي على الأرض من شان زيادة الشحطة ...

غير هيك إذا كان يلي عم يكاسر الدوار الجنوبي .... ياوويلاه

والله إذا كاتبلنا عمر بننفود ... حاكم خلقة مو شايف مين ورا الباص ...

يمكن إن تكون طريقة غير محببة عند الناس ...

بس بصراحة .... مو الناس بتحكم إذا الشي صح ولا لأ..

المهم عم نجي على الجامعة بكير .....

بس والله لو البسكليت ما انسرقت تبعي لكنت أجيت لوحدي ... بس آخ من يلي سرقها

حاكم عنا مغامرات حلوة عليها خاصة وقت كنت بعز شبابي
كنت اتعلق ورا هالهونداية واسحب معها ...

بس أحياناً صاحب الهونداية بيكون ابن ..... زيادة فبيصير يضرب فرامات .... وياويلي إذا صارت

عنجد مغامرات لا تنس
وخاصة وقت تراهنت أنا ورفيقي مين يطلق على جسر الثورة تبع السيارات بالبسكليت

يالطيف كانت الطلعة صعبة شوي

بس والله النزلة أصعب

لأنو يومها الفرامات مو قواية ... فالحمد لله الله لطف ما زحطت البسكليت لأنو كنت رحت فيها حاكم السيارات وراي على الدعسة ....

والله لازم نزل مغامراتنا بالدراجة .....

عفواً على الإطالة

شوفو هالصورة ....

عجبتني كتير ....

-------------------

عفواً
عدلت الرد
الصورة ما مشي حالها كأنو تعارضت مع صورة تانية


يللا خيرها بغيرها

شوفوا هالأبيات :

حسان بن ثابت:

اللَهُ أَكرَمَنا بِنَصرِ نَبِيِّهِ              وَبِنا أَقامَ دَعائِمَ الإِسلامِ
وَبِنا أَعَزَّ نَبِيَّهُ وَكِتابَهُ                  وَأَعَزَّنا بِالضَربِ وَالإِقدامِ
وَبِنا أَعَزَّ نَبِيَّهُ وَكِتابَهُ                  وَأَعَزَّنا بِالضَربِ وَالإِقدامِ
يَنتابُنا جِبريلُ في أَبياتِنا          بِفَرائِضِ الإِسلامِ وَالأَحكامِ
يَتلو عَلَينا النورَ فيها مُحكَماً      قِسماً لَعَمرُكَ لَيسَ كَالأَقسامِ
فَنَكونُ أَوَّلَ مُستَحِلِّ حَلالِهِ      وَمُحَرِّمٍ لِلَّهِ كُلَّ حَرامِ


خالد بن الوليد
وإنا لقوم لا تكل لسيوفنا                من الضرب في أعناق سوق الكتائب
سيوف دخرناها لقتل عدونا              وإعزاز دين الله من كل خائب
أنا خالد المقدام ليث عشيرتي      إذا همهمت أسد الوغى في المغالب



بيدل على عزة النفس وقوة الشخصية وعزة الدين الإسلام عند الصحابة

pharmacy