رد مشاركة : سجل عتبك ....
عتبي على كل انسان مفكر حالو انو هو كل شي والبائي ولا شي
عتبي على المهندس وئت يفكر انو هو الكل بالكل وما حدا ادو
عتبي على المعماري وئت يفكر حالو انو هومن كوكب تاني ولازم الناس كلها تعرف انه صاحب مشاعر وحس مرهف واي عمل او تصميم لازم ينسب لاله
عتبي على المدني وئت بيعجز المعماري والمعمرجي وهي لازم تكون هيك وهي شيلها وانا عامل دوكتورا و...,وووووو
عتبي على نجار البيتون يلي مفكر حالو احسن من مليون مهندس يعني مقئول واحد شب عمرو 25 سنة يكون اذكى مني وبيفهم اكتر مني
عتبي على الدكتور وئت يقلب مهنة الطب الى مشروع مالي بحب
عتبي على الصيدلي وقت بيقلب الصيدلية محل نوفوتيه
عتبي على المحامي وئت بيكذب والمحاسب وئت يخون الامانة
عتبي على كل شخص دارس بيفكر حاله ملك الدنيا من افا الباكالوريا يلي اخدها وعتبي على كل شخص جاهل مفكر حالو بيعرف كل شي بالدنيا بمجرد قراءته لكتاب الفيزياء المسلية
عتبي على كل شخص بينظر للآخر فقط حسب دينه
عتبي على كل شخص بينظر لكل امر متل ما نظرله اجدادنا
عتبي على كل شخص فكره متحجر
عتبي على كل شخص بيقرأاي مقال ليدور على اي خطأ فيه
واخيرا وليس آخرا عتبي على الست مدى لانها لم تفي بوعدها لي من اجل اكمال موضوع مدارس العمارة بس اكيد الكلية شاغلتها
وشكرا
mamet