رد مشاركة : اسبوعا لكل عضو نعبر فيه عن حبنا....

08-11-2009 08:50 AM

رد مشاركة : اسبوعا لكل عضو نعبر فيه عن حبنا....

08-11-2009 11:09 AM

اقتباس

هلأ بصراحـــــــة  أنا ثبتو.  مو مشان شي..
بس ساحـــــة التسالي ماشاء الله . . انشط ساحة بالمنتدى.. فبدنا ساعــة لنلقط الموضوع.
مشان هيك خليناه بالواجهه 
وكمان كرمال يتوصو فيك الجماعــــــة

ليش مين في غيرك ..   
والله مو خايف غير فوت شي يوم .. ولاقي هالموضوع محطوط اعلان كمان
وطالع بالصفحة الرئيسية ضمن .. نافذة مواضيع ننصح بزيارتها

بتكووون كملت ... واللي ماشاف وشارك .. بكون شرف 
الله يمضي هاليومين البقيانين على خير .. حاكم الطبخة استوت  والطنجرة قربت تنفجر

لك صرت كاتب أكتر من السيرة الذاتية .. وشو ... لسى في شي 4-5 ردود غير شكل

ايه الله لايقعد حدا بهالمقلاية ..   
وترقبوا الضيف الجديد ..      خلال أيام قليلة .. وكتير رح تنبسطو معو 

اقتباس

silvester
شكرا ع الاجابة
بس حاولت نزلوا ما مشي الحال ليش ما بعرف

أختي جربي غير النيم باز .. والله في أروع وأرخص منو بكتير وحتى بيفتح أكتر من ايميل سوا

ســــلاااااام ...

رد مشاركة : اسبوعا لكل عضو نعبر فيه عن حبنا....

08-11-2009 11:24 AM

« عرض آخر مواضيع العضو »

---

أنا امرأة لا أنحني إلا في صلاتي ..

و لا أصمت إلا عندما تنعدم كلماتي ..

و لكن احذروا عندما أبدأ في انفعالاتي ..

فلا يهمني شئ سوى أن أنهي مأساتي ..


   


أغار عليك من قطرات المطر .........فكيف لا أخاف عليك من نظرات البشر !!!....

رد مشاركة : اسبوعا لكل عضو نعبر فيه عن حبنا....

08-11-2009 10:47 PM

السلام عليكم ورحمـة الله

اقتباس

والله مو خايف غير فوت شي يوم .. ولاقي هالموضوع محطوط اعلان كمان
وطالع بالصفحة الرئيسية ضمن .. نافذة مواضيع ننصح بزيارتها

لعفـــــــــى    شلون راحت عن بالي هالفكرة هي..

خلص ولا يهمك حبيبي أيهم.. وأحلــــى أعلان وحياة عيونـــــك .






















شو حبيبي. . بدك عمو ياسر يحط نعوتنا إعلان هون .

مع أنو ياسر ما بيعملهــــــا. . بس نحنا حنجبرو يساويها .

مشان هيك.. بلاهـــــــا

وهي   احتجاج على كلامك.

بس شو مشان انو الكل عم يفوت ويشمت بس.. هيك أنا حاسس.  

وين الــ   والــ   والــ   ..














حبيب قلبي .. ازا احتجت مساعدة لعيونك انا جاهــــــز

سلام حبيبي.

دمتم برعاية الله

رد مشاركة : اسبوعا لكل عضو نعبر فيه عن حبنا....

08-11-2009 11:15 PM

السلام عليكم ...

وهي الأخت lalune  .. حبت تشاركنا بالطبخة .. اصلا يمكن استوت الطبخة وضل يوم واحد لناكلها
قصدي لاهرب بريشاتي من هالمقلاية    .. وسلم المهمة لغيري .... مو هيك .. ؟؟؟

اقتباس

بس على فكرة أجت بوقتها و بما انه السيد سلفستر عالمقلاية و ما بهون علي يتحروق اكتر من هيك(مو مشان شي بس مشان المقلاية ما يصرلها شي)

والله .. الله يكتر خيرك .. اذا بس مشان المقلاية معك حــــق ...            أفحمتينـــي 

اقتباس

ليه دخلت حقوق؟شو اللي حبيته فيها؟و كيف عم تقدر تترفع مع انها كتير صعبة؟

هلأ أهلي متل كتااار .. كان بدن ياني ادرس علمي .. وطب ومدري شو
بس أنا رحت أدبي .. وعيني عالحقوق .. مو من الثانوي
بالعكس هالحكي من أيام الوعي الأولى .. يعني منذ نعومة أظفاري ..    كما يقال

والسبب اني كتير بحب قصص الأمن .. والتحقيق    .. وماشابه
والحمدلله بالبكالوريا .. طلعت الرابع عالمدرسة    .. وبمجموع بأهلني لكل فروع المفاضلة
فبوشي طجيت الختم .. وعبيت أول رغبة حقــــــــ ـــــــــــووووق

وبعد الدخول .. حبيت هالفرع أكتر .. رغم كل شي
بكفي انو طلع كل أمور الدولة من عنا .. ومابصير شي بدونا .. وبالآخر عنا فوق 13 تخصص

أما ترفيع المواد    .. فخليها لـ الله .. عم نمشي الحال .. دراسة ومحاضرات وأسئلة دورات

اقتباس

شو الحلم اللي حلمت فيه من وقت كنت صغير و ما تحقق؟

اني صلي بالأقصى .. الله يفك أسره
وكمان اني زور اسبانيا ..

اقتباس

واذا فرضا حلمت بشي و حسيت انه مستحيل بتستسلم؟

لا أبداً .. وكتبت اني ما بآمن بشي اسمو المســــتحيل .. يعني بالنتبجة رح كمل

اقتباس

وشو بتعمل اذا ما استسلمت لتحققه؟و لوين بوقف طموحك؟

بحاول لاقي حل تاني و تالت و رابع وعاشر ......... هيك تعودت ساوي لحتى لاقي نتيجة بالآخر
بمعنى آخر .. بقربها من هون شوي ومن هون شوي .. بتزبط .. والله المستحيل .. وهــــــــم وبس

أما طموحي .. فما بعرف ... يمكن شي بديهي قول .. " مالو حدود " 
بحس اذا قلت الو حدود .. بخسر شي مهم .. وهو دافع الاستمرار

اقتباس

مين اقرب الناس لك(من الأهل ام من الاصدقاء) و ليه هالشخص بالذات ؟ و اذا هالحدا بيوم من الايام غدر فيك    كيف بتتصرف؟

أحمد .. ابن عمي .. غالي علي وبحبو ..
يمكن لأنو من جيل بعض و بحكم القرابة والجيرة ( يعني جيران من الطفولة )
وبحكم انو يتيم .. والده متوفي من صغره ..
و بنفهم عبعض عالطاير  وبنقضي أحلى الأوقات سوا

أما اذا غدر فيني .. بسامحو .. الانسان خلق ليغلط و يتعلم  وبعدها يتابع
وصار سوء تفاهم كتير .. " مو غدر " .. وبالنتيجة تسامحنا وكلو تمام .. ماحدا بيتخلى عن أخو

اقتباس

شو بتعمل باوقات الفراغ؟(طبعا اي شي عدا الدراسة)

الله يسامحك عتتمة السؤال  ... تصوري بوقت فراغي عم ادرس .. اي اسمو وقت فراااااغ
عموماً ... غالباً بساوي وحدة من التلاتة
بطلع بالسيارة وبطفش .. أنا من النوع كتير بحب السواقة والسرعة .. بحس بفرغ طاقتي فيها

بقعد عالنت .. بحوص .. وأوقات بحب اعرف كيف هيك بصير وشو قاعدة هالشغلة وشو برمجية هالشغلة   .. يعني بحب أتناقر مع شي شغلة برمجية أتعلمها بالآخر

بروح لعند أحمد   ..  أو الشباب البقايا .. لغير جو .. ونشلي عالعالم ونضحك و و و 

اقتباس

رح خلي البهارات خفيفة و ما رح تقل الاسئلة

ماشاء الله .. ماكانت الأسئلة تقيلة منــووووب       


هلا فيكِ آنسة lalune .. أسعدنا مروركِ والبهارات الخاصة اللي رشيتيها  

والله يكتبلك التوفيق بحياتك ..
دمتِِ بخيــــر ..

رد مشاركة : اسبوعا لكل عضو نعبر فيه عن حبنا....

08-11-2009 11:33 PM

نكمــــــــــــــل .. لأنو في شي مشجع هالمرة ...

اجى حبيبنا عزوز ... يا هلا والله .. اي والله وحيلا لله .. وهالرقبة ثدادة لعيونك ياغالي 

اقتباس

والله نورت يا ايهم
انا مابدي اسئل شي بس فتت سلم ع ايهم واطمن عنو واحكي كم كلمة عنو
لانو الموضوع عبر عن حبك

لك يسلملي اللوجسيتة .. اللي خبرتك انو الموضوع للتعبير عن الحب للضيف 
مو متل بعض ناااس 

اقتباس

يا جماعة ايهم انسان محترم وابن عالم وع مستوى رفيع من الاخلاق وحضرتوا من
اكتر الناس لي اتشرفت بمعرفتن ,,, لانو بتلائي شب اكابر وشغل رواء اكتير

عشت حيبيي .. وان شاء الله بنكون بنص اللي حكيتو
وانت والله شب سكرة ورايئ وطيفك بالمنتدى الو نكهة .. بحبـــــها
وفوقها حارس المرمى المتألق وحامي الضهر وقت الهجوم ..  
بس ياشباب عزوز مشكلجي شوي متلو متل مو واضح هون .. بس عالحق

اقتباس

مع اني كنت اخد عنو فكرة غلط ئبل ما اتشرف بمعرفتو الله ايسامح يلي كان السبب
بتمنالك التوفيئ ايهم افندي وانشالله بشوفك باحلى المناصب

اي بقولوا .. لاتاخد صاحب الا من بعد خنائة    .. يلا عدت ياشريك 
وعلى عيني مرورك .. وعقبال مانشوفك بلزئي اذا صرنا بشي منصب فوووق 

اقتباس

واحلى اديالكتيكية لعيونك

اي وصل ...
ومن هالمنبر بحب وجه تحية لصاحبك صوفاجي المنجعي .. جيران بيت الشاروخة
وأحلى بونسيه لعيونك حبيبي   

رد مشاركة : اسبوعا لكل عضو نعبر فيه عن حبنا....

09-11-2009 12:01 AM

نتـــــابع ...

اقتباس

وعلى فكرة أنا هلأ كمان مزعوجة يعني متل أول مرة أسئلة غييييييييييييير شكللللللللل

انو شو هالحظ  .. اللي الي .. بالمرتين بتشرفينا معصبة 
اي بسيطة ستي .. تعود هالخد على اللطم .. طبعاً حصراً بهالموضوع ومقلايتكن الظريفة 

اقتباس

أول شي رجعلي شريط الذكريات عندك شي كم سنة
يعني لأيام المدرسة
واحكيلنا عن المقالب يلي كنت تعملها مع الأساتذة
ولا تقلي مافي
واذا فرضا وطلعت من هالطلان النجيبن قال يعني وطلعت مو عامل مقالب
تذكرلنا شي موقف عملو رفقاتك مع شي أستاذ

لك له الله يسامحك .. شو هي طلاب نجيبين ومو عامل .. 
لكن شو كنا نروح نساوي لنكون كنا نروح ندرس مثلاً ... 

بس بدي وضح شغل قبل سوء الظن :: من يوم يومي بالمدرسة شقي وبالبيت بعوضها بالدراسة
وكنا مناح متل ماقلت ... وحتى الأساتذة كانو يتضايقو ليش صورتي مغايرة لعلاماتي ::: ماشي

المهم .. هالسؤال مرق سابقاً وجاوبت بمقلبين مو واحد ..
بس لاتخافي ولو .. والله الأرشيف بدو شهرين كركرة ليخلص 

ذكرتيتي بمقلب .. أنا كنت حادي عشر أدبي .. وابن عمي بالشعبة اللي جنبنا حادي عشر علمي
واتفقنا نحنا الاتنين .. نطق بنفس اللحظة .. وكل واحد بصفو .. نطق شووووو ؟؟؟

ظروووووف مسيلة للدموع وبتضايق شوي    .. كنا جايبنها من محل شغل هدايا وتهريب 
وكل فكرنا مفعولها بسيط  .. ولما وصلت التعليمة عجوالي .. روحوا انا فاقس الظرف وزاتو لبعيد
بحكم طولي بضل ورا قاعد .. 

وماشفلك غير ثواني والكل هرب واللي تضايق ونط واللي فتح الباب وطلع عالكرديور بدون اذن
والاستاذ مو فاهم شي .. وبعدها لوصلو الوضع
والتاني ماكذب خبر والكل بلش يركض لبرا وانا معهم هههههه
ولما وصلت لباب الصف .. واذا بشوف صف ابن عمي كمان شغال الركض لبرا عندن   
مابذل عليكن حسيت نص المدرسة عالدرج عم تنزل لتحت .. تقولوا تدريبات دفاع المدني 

المهم .. رجعنا ورغم كراهية الصف .. وخبينا الظروف .. بس بعد فسفسة ولاد الحلال 
شك فينا المدير .. ونحنا عنيدين بس تحت شرط .. اذا اعترفنا مابصير شي علينا
اعترررررفنا   .. وأقسم بالله تركنا المدير وماحاكانا شي ... وخلص الدوام وفلينا ولا كانو في شي
مع العلم انو انضرب درسين سوا ..
والمدرسة قامت قعدت شي ساعة من الوضع بالطابق التاني
ومع ذلك هيك توتة توتة .. خلص هداك المقلب على خير .. والله رحمنا 

  وفي جعبتي المزيـــــــد .. بس خلين لأحفادي بس يكبروا 

 

اقتباس

شو وبدي اسأل كمان شو بدي اسأل كمان

اي ضروري تساوي .. حاسس حالي حقل تجارب 
لنكمل ...

اقتباس

اي لقيت سؤال هلأ ارجع بذاكرتك للوقت الحالي
وقلي انو أكتر دكتور بتكرهو بالجامعة وليييييييييييييييييييش
الا مايكون في دكتور هيك أو هيك

دكتور وبس ..    عدي ع ايدك
دكتور مادة الأشخاص والأموال .. الله يذكروا بالخير حطلنا السنة الماضية 5% نسبة النجاح
ودكتور التشريعات الاجتماعية .. كمان التاني حطلنا 1% .. وبتدخل عميد الكلية انرفعت للـ 9%
والاتنين صاروا ببيت خالتن    .. الله يفرج 

اقتباس

شو أخ فهد انقلى أيهم  أو لسه

شو لسى .. .مالسى .. لأ استوينا وخلص 
وبكرا بنطفي النار .. وبندوق الطبخة ..
وبنرحب سوا بالضيف/ة  الجديد/ة 

الى اللقاء .. ودمتـــــم بأمان الله   

رد مشاركة : اسبوعا لكل عضو نعبر فيه عن حبنا....

09-11-2009 12:56 PM

السلام عليكم ...
شرف حبيبي الزير .. يا هلا
ولو .. شو ناسيك ماناسيك انت من عضام الرقبة حبيبي .. 

اقتباس

طيب مارح تقل عليك سؤال صغير كيف تعرفت على المنتدى وسجلت فيه ؟

متل ماحكيت سابقاً
كنت أتصفح المنتدى كزائر بعام 2007 .. بناء على نصيحة ودعوة من صديق
وسجلت ببداية الـ 2008 .. وماشاركت أبداً .. وتركت هديك العضوية
وبالآخر خطر عبالي ارجع شوف المنتدى .. فسجلت بالاسم الحالي واستمريت هالمرة 

اقتباس

وشو هي النصيحة التي تحب قولها لكل عضو سجل جديد متلي؟

 
ههه .. مو ناقصك خبرة
بس كنصيحة لأي عضو جديد .. وحتى قبل مايكتب موضوع الترحيب به
" بنصح بالاطلاع على ساحة الاعلانات الادراية .. ومنتدى الشكاوي .. وسلة المرفوضات "
وبعدها لو قدرت تكون فكرة عن طبيعة المنتدى .. وسياسته ومحرماته .. وكيفية التعامل معه
ممكن تشارك وتنسجم بكل رياحة

اقتباس

وشو صار بالمشروع اللي ذكرتوو والنا اسم ولا نسيتنا ؟

مع انك بتعرفني .. ما بآمن بمبدأ الشراكة .. لأنو غالباً بيفقس 
بس أجلي هالسؤال لبعيدين .. مشان وضحلك .. هوون محضورة ولو 

تشرفنا بالمرور يا غالي   
والله يوفقك بحياتك ..   
دمت برعاية الله ...

رد مشاركة : اسبوعا لكل عضو نعبر فيه عن حبنا....

09-11-2009 01:11 PM

نتــــاااابع ...

اقتباس

بسس المشاغل والضغوط .....
اضطررنا للابتعاد عن الموضوع .......

مو مشكلة صديقي ماجد .. الموضوع والوضع عال العال .. والله ماحدا عم يقصر 
بس طبعاً .. بضل لوجودك نكهة غير

اقتباس

1 يقول رسول الله صلى الله علية وسلم التمس لاخيك ولو سبعين عذرا ..... هل انت من من ياخذ باعذار الغير ؟؟ وتطبق وصية رسول الله

سأقول .. أسعى لذلك .. ومازلت ..
وقلت سابقاً اني بسامح عالأخطاء وبتقبل الأعذار .. وحصل كتير .. ولو انو من الصعب الشرح هون
بس بتضل شغلة الغدر .. هي صعبة جداً .. وبهالمجال نادراً ما أعطي فرصة تانية

اقتباس

2 من من الاعضاء يلي راح وترك بصمة بحياتك

أغلب من ترك بصمة لازال معنا
ولربما ممن رحلوا .. ريتشارد13 الغائب منذ زمن
والحقوقي الجامح .. والمجهول .. الذين لم أتواصل معهم .. ورحلوا حتى قبل قدومي

اقتباس

3 هل لايهم شغف بالسفر وحب الغربة وان كان نعم فلاي مكان

يعني .. مع اني بحب البيت وجو الكنكنة    .. وبلاقي الأمان " بحارتي " أكتر من اي مكان
بس عالسفر .. داخلياًَ .. عند طلعة قاسيون وشوفة الشام من فوق    .. بتسوى الدنيا
خارجياً .. حكيت سابقاً .. بحب زور اسبانيا

اقتباس

4 هل اخطت خطا في حياتك عندما تذكره تشعر بالندم

نعم .. ومن منا لا خطئ !؟
وكان أكبر تلك الأخطاء برأي .. عندما غبت في أهم اللحظات التي كان يجب أن أتواجد
ولكن الظروف وقتها أثرت .. وخلتني شوف وقدر الوضع غلط 

انبـــــــــ انشوينا ـــــسطنا بالمقلاية تبعك سيد ماجد .. 
طبعاً نحنا ضيوف عندك .. ونحنا من مر على صفحتك مو انت 
وموفق بحياتك والدكتوراه تبعك ..   
ودمت بخير ..

رد مشاركة : اسبوعا لكل عضو نعبر فيه عن حبنا....

09-11-2009 01:17 PM

نكـــــــــــمل ...

اقتباس

مييييييييين أيهم بالمقلاية

شامم ريحة شماتة .. فضولية خانم   

 

اقتباس

حلو شباب توصولنا فيه مع أني حاسة ريحة شويطه واصلة لعندي

 

               

اقتباس

لعفـــــــــى    شلون راحت عن بالي هالفكرة هي..

خلص ولا يهمك حبيبي أيهم.. وأحلــــى أعلان وحياة عيونـــــك

وشو الفائدة .. اذا كان الموضوع مغــــلق   





وباذن بكون انتيهت من كل الأسئلة .. واعذروا اطالتنا في بعضها
وان شاء الله تكون جلستنا معكن .. أدخلت البسط لقلوبكن

والأهم انو انتهى دوري بهالمقلاية .. 
الله يذكرك بالخير ياسعيد لما رشحتني لمقلاية المشرفين وقدرت افركها يومها 

وانتظروا اسم الضيف/ة  الجديد/ة  قريباً .. ويمكن المسا
ودمتم أمان الله وحفظه ..