زيد

اقتباس

يعني مفروض الواحد يشكر الله على الابتلاء و النعم و ينظر إلها بقلبو مو بناظريه

"فإنها لا تعمى الأبصار ولكن تعمى القلوب التي في الصدور"

ما بعرف إذا فهمت عليك

   
بس كل شي سيء بيصير معنا أو موقف بيبجرحنا بيخلينا نشكر الله عزوجل عليه
لأنو خلانا نعيد النظر بكتير أمور بحياتنا ونغير بأنفسنا للأفضل
ممكن بوقتها نعصب كتير ونتضايق
بس بالنهاية رح نعرف الحكمة من هالشي
وبالنهاية كلنا بشر والخطأ شي طبيعي بس المهم نعترف بأخطاءنا ونحاول نصححها
وأكيد لو كل واحد راجع حياتو رح يلاقي أنو أكتر التغيرات أهمية بحياتو ويلي خلتو إنسان تاني هي نتيجة موقف صار معو أو بلاء

ولما الانسان يعرف أنو غلطان قمة الأخلاق أنو يعترف بخطأه ويرجع لربه ويعتذر من الشخص يلي غلط بحقو........

يمكن ما كون فهمت عليك
بس هالكلمات عم أكتبها من وحي الحياة
   

أي والله يا زيد.. فهمت عليك تماماً..
والأمر من هيك لما الواحد ما بتنكشف له هالحقيقة إلا قدام العالم.. يعني بيكتشفوها معو.. لا حول ولا قوة إلا بالله العلي العظيم.. هالموقف صار مع وحدة وقدام عيوني.. يا إلهي شو انقهرت من حالها يومها..


يا جماعة عندي سؤال للكل... يا ريت كلكن تعطوني رأيكن... هالقصة كتيير صرت شايفتها بالجامعة.. وهيي فكرة (الصاحب ساحب).. يا ترى إنتو مع ولا ضد هالفكرة..
وليش غالباً عم يكون هالصاحب ساحب للشر والسوء؟؟.. ليش مو العكس..
وليش هالشباب (يلي هو عأساس الشباب الجامعي الواعي المثقف).. عم يسمح لنفسو إنها تنجر ورا هيك عالم أو حتى إنها تلاقي اللذة بمتعة هيك عالم وتقليدها؟..
ياترى لما أهلنا ربونا من وقت كنا صغار ولحتى صرنا جامعة.. ياترى كانوا متوقعين إنو ترباية ولادن رح تروح كب عالأرض نتيجة رفيق سوء واحد يقدر يجر هالابن وراه ويعمله photo copy عنو؟؟..
ما بعرف... بس هالأسئلة كتييير عم تتبادر لذهني يومياً بالجامعو لما عم شوف عالم كنت متوقعتها من خيرة الناس -حتى ولو كنت ما بعرفها غير بالشكل والمظهر- وكانت أخلاقه/ها من أحسن وأرقى ما يكون.. بس للأسف.. يلي لحق ال... واللي لحقت ال.... بدون ذكر التفاصيل... عنجد للأسف..

السلام عليكم و رحمة الله و بركاته

انا حبيت سلّم على الجميع و انشاء الله بيكون ظلي خفيف عليكم بهل المنتدى
و تقبلوني صديق لكم جميعا
و حاول قدم الاضافة و استفيد من غيري و فيد

انا اسمي ماهر سنة خامسة تحياتي للجميع

السلام عليكم

والله في كتير من هالنماذج يلي عم ينحدرو شوي شوي

هي التربية بالبيت من الصغر هي الأساس

و المشكلة الأهل بربو الولاد بالقمع من دون اقناع

بالنسبة لي فكتير من الشغلات تربيت عليها من دون ليش

بس عالحياة بعيد عن أهلي بلشت اكتشف شوي شوي ليش كل هالقوانين

أهلا أخي ماهر

ان شاء الله نكون جميعا أخوة متحابين في الله بهالمنتدى
                                                                                             
                                                                                           

و الله أنا برأيي أنو السبب الرئيسي لهي الظاهرة هي فلت زمام الأمور من قبل الأهل بمرحلة الجامعة بحجة أنو صار الطالب كبير و واعي و فوق منها مثقف...


يعني ما عد يسأل الأهل عن : وين بكون ابنن ؟؟؟....أو مع مين؟؟؟

و خصوصي للولاد يللي كانوا بفترة المدرسة كتيييييييير مدللين و ما بحياتهن طلعوا من البيت لحالهن و ولا مرة اعتمدوا على نفسهن.....فبتكون مرحلة الجامعة بالنسبة ألهن هي أول مرحلة بيختلطوا فيه مع هالقدر من المجتمعات و المستويات و للأسف بيصير هو المكان يللي ممكن ينساقوا فيه ورا مين ما كان.....بدون أي تفكير...


و هالصيفية بالذات سمعت قصتين بيشيبوا شعر الراس عن أشخاص ما حدا تخيل و لو للحظة أنو يطلع منن هيك.........بسبب الانسياق ورا رفاق السوء ........مع العلم انو تربيتهن ممتازة بس بعتقد أنو بالقصتين كان الرابط المشترك أنهن تربوا بدون أي اعتماد على النفس و تحمل للمسؤولية.........

بس أكثر تصرف بيخلي البنت أو الشب يسقطوا من عيني هو لما بيكذب على أهلو و لو بأصغر الأمور .........يعني صراحة الواحد ما بيكذب و خصوصي على يللي ربّوه إلا لما بيكون غلطان............

صح الجامعة مجتمع مفتوح على جميع الأشكال والألوان
بس ضروري يكون في صراحة وثقة مع الأهل من الصغر ونحكيلن عاللي بيصير معنا
يعني ما نحطن بالعتمة لازم يكونوا قريبين منا ومن مشاكلنا ولو حتى يسمعوا
وهيك ما بيكونو بعيدين لما نصير جامعة

يعني بظن انو النبتة اللي جذرها ثابت بالأرض  حتى لو هزها الهوا
شوي الا ما ترجع.....

وبالنهاية الطيور على أشكالها تقع.............

السلام عليكم :

لن أضيف شيئا إلى ما قاله إخوتي قبلي ولكن  golgen pill 

أشارت إلى أمر غاية في الأهمية وهو التربية بدون الاعتماد على النفس أو تحمل

للمسؤولية  لأنه كثير بفكروا  إذا وحدة أو واحد ما عندو اختلاط وصياعة فبكون

قليل الثقة بنفسه ومعقد و .................................      .

ودمتم سالمين

تبقى الإرادة الشخصية هي الأقوى..

لا يمكن لأحد أن يجرك إلى مكان إلا أن يكون هناك أمران :

1- أن تريد ذلك

2- شخصيتك ضعيفة

فإن كنت تريد ذلك فالغلط منك و ليس منهم..

أما إن كانت شخصيتك ضعيفة فربما تحتاج للعلاج..

و هذا أمر خطير في هذا الزمن...

السلام عليكم
بالنسبة لفكرة الصاحب ساحب كنت أول الشي ما كتير كنت عاطيتها حقها بس وعن أكتر من تجربة وأكتر من مثال اكتشفت انها صحيحة
ومو شرط يكون الصاحب دوما ساحب نحو السوء في هيك وهيك وهادا الشي شفته عالواقع
وهالمقولة مو بس صحيحة بالجامعة وكمان من المدرسة وخاصة وقت المراهقة لأنو بهالمرحلة مهما كانت ترباية الشخص (بنت أو شب) بكون تأثير الرفقات كتير عليهم وبكون عندهم كلمة رفقاتهم مهمة كتير حتى أهم من كلمة أهلهن (وهاد الحكي مأخود من دكتور نفساني) فحسب الرفقات حينساق الشخص فإذا كانوا مثلا متدينين حينشد لجوهم حتى لو أهله مو متدينين وهاد المثال صاير مع شخص بعرفه وطبعا العكس صحيح(وطبعا في أمثلة كتير غير التدين مثلا الشطارة وغيرها...)  فالواحد لازم ينتبه ويعرف مين يرافق وما كتير يغمق مع حدا إلا وقت يعرف الخطوط العريضة لأفكاره و أخلاقه وتربايته وأنها صحيحة وبتناسب أفكاره

وفي نقطة مهمة بحب اطرحها أنو عنجد الأهل بيعرفوا الصاحب المنيح من الردي قبل ما نعرفه نحنا ويمكن من أول نظرة ووقت تقول الأم أو الأب أنه ما ارتاح لرفيق من الرفقات عالأغلب بيكون معهم حق وهاد الشي بنكتشفه بعد فترة من الزمن فلازم نسمع كلمة أهلنا بهالموضوع أو عالأقل ننتبه وقت يدقروا على حدا من رفقاتنا

آسفة على الاطالة
تقبلوا مروري