Dr.majed

اقتباس

بالفعل ظاهرة خطيرة بلشنا نشوفها

هلأ هي من ناحية أنه ظاهرة بالفعل صايرة ظاهرة و كتير منتشرة للأسف

اقتباس

انو بتلاقي خريجن الجامعة وحتى الدراسات العليا عم يشتغل ع سرفيس وشي بالمطاعم وشي وشي ....

هالشي عم يصير لأن فرص العمل المناسبة ما عم تتوافر للشخص المناسب

اقتباس

بس للاسف صفيان من مبدأ مجبر اخاك لا بطل

الظروف صايرة بتجبر الشخص عأشياء كتير للأسف

بشكر مرورك ماجد و ان شا الله ما تجبرك ظروفك تشتغل شي ما بتحبه

kooke

صح أنه اذا انجبر الشخص بده يضبط حاله و يتعود عالوضع اللي انجبر يكون فيه بس كمان بيبقى الشغل ما حيطلع معه بنفس المستوى اذا كان بيحب الشي يلي عم يشتغله

بشكر مرورك

xxlamingo

اقتباس

بس أذا صار واضطريت واتدايقت عمصاري فأكيد رح بشتغل بأي شي

هلأ أنا معك لما بيضطر الشخص و ينزنق أكيد لح يدور عشي بيقدر يساويه بس كمان مو أي شغل بيقدر يشتغله الشخص بيبقى في حدود ما لازم يتجاوزها الواحد

اقتباس

رجاء ماحدا يسب بس والله المصاري بتغري والحمد الله شغلنا حلال بحلال

حلال عالشاطر

بشكر مرورك

m philosopher

اقتباس

يعني مستحيل الواحد يكون مثالي

هلأ لما قلت بلا مثاليات كنت قاصدة أنه يعني ما حدا يحكي عن شي يقول أنه لح يساويه و بالواقع يعمل النقيض لهالشي

اقتباس

يعني لنفترض أنو ما صحلو يشتغل بالمجال هلي بحبو معقول يضل بلا شغل

هلأ معقول طبعا يعني عحسب حالة الشخص المادية بالأخير يعني اذا مرتاح ليش ليعذب حاله و يشتغل شي ما بيحبه ..!

اقتباس

وبالنهاية رحكون هاد قدرو بالحياة المهم يتقن العمل هلي عمشتغلو

هلأ مو عطول لازم نخلي قدرنا يتحكم فينا يعني قصدي نحاول نغيره عطول للأفضل و بالأخير أكيد المهم يأتقن الشي يلي عم يشتغله حتى و لو مجبور

بشكر مرورك

I love ME

اقتباس

هو مثلا بكون محتاج للمصاري مابيأدر بلا مايشتغل

طبعا لما يكون محتاج مالح ينطر حدا ليجي و يقله خود صروف لبينما تلاقي الشي يلي بيريحك

اقتباس

بس بتوقع اذا اجاه شغل هو بحبو وبراتب اقل وهو محتاج مابيغير لان هو محتاج

تماما يعني بالأخير بنرجع لقصة أنه ظروفنا عم تحكمنا

بشكر مرورك

الجولاني

اقتباس

الظروف هي التي تحدد ما قد نجبر عليه ..

للأسف و خاصة بوقتنا كلما عم تصير العيشة أصعب

اقتباس

وقد أعمل !

لكن ؟؟ بما لايتعارض مع ما أؤمن به من قيم والمبدأ الذي

رسمته لنفسي والذي حدده لي ديني...

شكرا لأنك طرحت الفكرة

عنجد صاير الوضع بيبكي في كتير عالم عم تضطر تشتغل شي بيخالف المبادئ يلي هي متربية عليها و تخالف كتير أشياء لعدم توافر مسهلات العيش و للحاجة

بشكر مرورك

بنان

اقتباس

وعلى فكرة البطالة سببت أن تجدي سائقي تكاسي خريجي جامعات...

هو صاير بالعالم أنه يلي ألي عم ياخده غيري و هاد سبب البطالة و شغل المتعلمين  المتخرجين من الجامعات بأشياء كتير بعيدة عن مستوى دراستهم !!
متل المثال يلي قلتيه مثلا ..!

بشكر مرورك بنانووووو

ايهاب

اقتباس

انا ما في شغل ما بحبه كلو حلو بس  عندي خيارين (مناسب -  مو مناسب )

هلأ كمان بيكون الشغل ميول يعني مالح يكون الشغل حلو لما بتشتغل مثلا شوفير تكسي و أنت متخرج حقوق مثلا ..!

اقتباس

الشغل يلي ما برضاه لحالي

هالشي بيكون مبني طبعا على معتقداتك و مبادئك و هالشي هو يلي بيحدد اذا كان مناسب أو لاء

بشكر مرورك

Mr.Ghaith

اقتباس

وبس لأخلص من الحالة الإضطرارية تبعي بترك الشغل هاد فورا" وما برجعلو أبدا"

أكيد مالح تبقى بشي مالك مرتحله أصلا

بشكر مرورك

تحيتي لك إنسانة فضولية ...

بصراحة .. ودون مقدمات ... لا مانع عندي مالم يتعارض وأخلاقي وديني كما أسلف من قبلي ....

أما من ناحية مجال الشخص كما قال البعض عدم إنجازه في مجال لا يحبه ... فأنا ضده تماماً ...

وذلك ... لأننا لسنا مبرمجين إلكترونياً على عمل ما .... فيمكن التأقلم بقدر الطموح للهدف المطلوب
وأنصح قراءة موضوع كان وضعه الأخ موكاي ... في المنتدى .. يتحدث عن البرادايم ...

وربما كان شرحه في الموضوع وافياً فإليكم الرابط ....

https://www.jamaa.net/art19222.html?&highlight=king+of+generation


وإقبلي مروري والتحية