السلام عليكم
أنا عندي اقتراح
أنا عم قول انو كلو الي صفيان مشاركة وحدة وبتخلص القصة
بقى شو رأيكن انو كل واحد يحط مشاركة رقم 140 واللي هي الأخيرة على أساس انها نهاية القصة وهيك منشوف أكتر من راي لكيف تخلص القصة واخر شي اللي مستلم تنسيق القصة هو اللي بياخد الافكار الزابطة أكتر شي وبيدمجا مع بعض و بيساويها النهاية
هاد بس اقتراح
انا رح اكتب المشاركة الاخيرة وازا ما عجبكن الاقتراح ولا مشاركتي فانا عنجد ما عندي مانع ابدا باني اسحبها
خبروني شورايكم ؟
شيماء


140- و فجأة أصيب الجميع بالصمت
ذلك الصمت الذي ينم عن خوفهم كلما سمعوا كلمة عربي أو كما يسموه ارهابي
نعم لقد أخافتهم حنان لمجرد ذكرها اسمها
حينها سارع أحد من رجال أمن المشفى وقيد حنان
وطلب من اخر ان يتصل بالأمن الدولي
قال لحنان التزمي الهدوء و اياك القيام بأية حركة
ابتسمت حنان
رغم القيود التي على معصميها ..... ابتسمت
انها تشعر الان أنّ في داخلها قوة كبيرة
قوة قد ورثتها عن طاهر الشجاع
طاهر الشهيد
ابتسمت حنان
ماذا تعني هذه السلاسل 
فليسجنوني ...فليعذبوني ..... فليقتلوني
انهم لا يفعلون ذلك كي يخيفوني ...بل لأنهم يخافوني
مهما فعلوا فسأبفى أنا حنان
وسيبقى طاهر
و سيبقى أخي
وسيبقى سعد
و سيبقى من يخافنا

140تجهش بالبكاء  لكنها تحارب الدموع وتستمر في الصراخ لكنها تتحدث الانكليزية  هذا المرة تريدهم أن يفهموا كلماتها
" ربما لا لم تتعرفو علي جيدا أنا حنان من  صفعت جنديا اسرائيليا  وقتلت آخرين أنا من عذبتها الحياة .ورمتها في متاهات لا  مخرج لها ..هربت من الموت .. من الذل .. لكن الموت طيف يسير بلا قدمين ..لاحقني وسبقني ووجدته ينتظرني  هنا ... أ راه في فوهات بنادقكم يبتسم لي يفتح ذراعيه لاستقبالي (تبتسم وكأنها تراه فعلا تلوح بيدها تجاه  رجال الأمن  ).  انتظرني قليلا انتظرني يا ملاك الموت لن أتاخر لا تتركني هنا قد تعبت .(يقف الأطباء ورجال الامن مذهولين  يحملقون في وجهها يظنون أنها قذ فقدت صوابها..يتجه واحد من رجال الأمن ليقبض عليها تقاومه  تنطلق رصاصة غادرة من بندقيته.. تسلب حنان أنفاسها الأخيرة..  وتنهي حكاية فراشة لم تجد في الحياة أزهار تلعق رحيقها ..  عطر الموت ورائحة الدم ومسك الخوف وعبير التشرد  هذا ما اختاره لها القدر من حانوت عطره .

140-غصت الغرفة برجال كثر ...و لكن الذي عناها واحد...الذي تهتم لأمره شخص واحد ...كانت تبكي كأنما هي أم فقدت وليدها...تضمه بأسى وألم..
لا شيء آخر يعنيها...
تسمع همهمات وثرثرات...لا مفهومة....لا تعنيها..
اقترب أحدهم"كيف استطعت الولوج الى مستشفى عسكري دون ان توقفي...فصورك موزعة على عناصرنا..."
لم تجب......قبلت طاهر على جبينه...و غطت وجهه....ثم....نظرت في عيني ذلك الشرطي...و بشكل صعق الجميع ...شقت بسمة احتقار طريقها على شفتي حنان...
مسحت دموعها ومدت له يديها"كبلني.."
                                    ...................................
و في صباح يوم شتوي ماطر ..أذاعت شاشات لندن  نبأ إعدام إرهابية تسللت الى مستشفى عسكري..

من بعد إذن كاتبة الموضوع..اقتراح.
..أنا رح استنى ليوم الاحد..و هاد آخر يوم بيتنزل فيه مشاركات لنهاية القصة....و بعدين بنزل موضوع خاص بيتم فيه التصويت لمدة 3 أيام لأفضل نهاية ...
بحيث بنزل أسماء الأعضاء اللي نزلوا مشاركاتون..و انتو بتصوتو..
و بعد 3 أيام من التصويت بناخد المشاركة اللي فيها أعلى نسبة و  بينزل موضوع كامل خاص عنوانو((ورقة شتاء...انا))..-هاد اقتراح-يعني منشوف عنوان تاني اذا بتحبو...و بهاد الموضوع بتكون القصة كاملة...و بنهايتها بنزل أسماء كتّاب القصة..
                                 
                                                                              آفاق..

انا من ناحيتي موافقة عالعنوان اللي اقترحه الأخ افاق وعفكرة التصويت كمان

بالتوفيق للكل
شيماء

مرحبا
شكرا كتير  معا نحو الشمس وشيماء
بصراحة انا موافقة وكتير على اقتراحاتكن
بس عجبتني اكتر اقتراح شيماء هو انو بنصوت على حدة يجمع النهايات الي كتبناها وبيخليها نهاية وحدة
هي براي احسن وتخلينا نشعر  بروح الفريق الواحد و بمدى تفاهمنا
واكييييييييييد عجبني اقتراح  معا نحو الشمس بتصويت لاسم القصة
بس اكييد شباب ما لازم ننسى ان كل واحد راح يكون مسؤول عن مجموعة مشاركات
مثلا من 1 ل 20 للاخ س يقوم بقراتن واذا شاف شئ مو حلو او خطا املائي او نحوي فيقوم ويرسل رسالة مستعجلة لهاد العضو وبيصلحها
وبعدين بقوم س  بجمع هدول المشاركات من 1 ل20  بصفحة وحدة
وبعدين بيقوم حدة فينا ويجمع كل المشاركات بمشاركة وحدة

انا موافق..










                                طب بتمنى حضرتك توزعي المهام..

مرحبا أصدقائي
أنا موافقة كمان عاللي قالتو موني مشان التصويت 

بس ممكن توضيح صغير يعني نحنا رح نستنى ليوم الأحد ونصوت هيك قصدك عزيزتي موني ؟

mone
فهمتيني غلط..
انا رح أنطر لبكرة..و هو آخر يوم بينزل فيه مشاركات رقم140..
بعدين بنزل موضوع مستقل ...عنوانو((تصويت لصالح قصة المنتدى))
هلأ هاد الموضوع منو مناخد الاصوات..
و على هوى التصويت بناخد المشاركة الانسب و منعتمدها كنهاية للقصة..و التصويت جاري لمدة 3 أيام....
و بهاد الموضوع ((تصويت لصالح قصة المنتدى))كل عضو بيدخل بيقترح عنوان للقصة و آخر شي منختار عضو ...مثلا شيماء بتختار العنوان الانسب..
بعدين انتي او اي حدا بيوزع مهام التنقيح ..
و بعد يومين من توزيع المهام...كل واحد بينزل القسم الخاص فيه منقح و جاهز بهاد الموضوع((قصة المنتدى))..
و بعدين انا بجمع المشاركات بموضوع واحد بنزلو_بعد 2 يوم-من بعد مايكونوا المشاركات جاهزين
و الموضوع الجديد بينزل بعنوان القصة المعتمد..



بالنسبة لطريقة إعلام المشاركين بمهامون ...العضو المسؤول عن توزيع المهام بيرسل رسالة مستعجلة لكل عضو بيخبرو عن مهامو و بيعطيه مهلة يومين لينزل مشاركتو بالموضوع..

موافقين...عالاقتراح؟؟!