سلام عليكم

أنا أؤيد فكرتك عزيزي و بقوة

اقتباس

بس كأنو نحنا بالقرن 21 وتمدنا وصرنا نعرف كيف نحل مشكلات بنت وشب ولا انا غلطانة

نعم غلطانة

لأنو في حال تم الفصل بين الجنسين في التعليم مار رح تحصل مشاكل حتى تحليها

الحاصل الآن أنو الجامعة صايرة مكان تعارف ورفقة وصياعة  مو مكان تعليمي

وزيرة الثقافة

اقتباس

هو مو قصة قرن 21

بس عدم الاختلاط احسن

اول ما يفوت الشب او البنت ع الجامعة عم تنتزع اخلاقهم و اد ما كانت تربايتهم منيحة

عم يتأثروا

الله وكيلكم اشكاااااال الوان بهالجامعة

طبعا هاد رأيي و كم من طالبة انتزعت اخلاقها من دخول الجامعة

والله لوبيطلع بإيدي لحط وزيرة على هل الحكي الحلو

والله أنا ضد هالفكرة ...
لأنو الانسان الجامعي يلي ممكن بالمستقبل يكون شغلة كبيرة لازم يعرف يتعامل مع الجنس الاّخر مو يكون خالص..لأنو إذا بدك تفصل بالجامعات معناتا لازم تفصل بالحياة العملية مشان ما يكون الجنسين هبلان مع بعض وهاد شي مستحيل..فالأنسب أنو الجامعات تكون مختلطة وبرأيي هالشي جزء من العملية التعليمية ....

سلام كمان

اقتباس

عدم الاختلاط بالجامعة مو حل للمشاكل اللي عم تحكي عنها
لانو سواء الشب او البنت اذا بدن يغلطو اي لو كانو بالسجن رح يغلطو

برجع وبقول مو ضروري نحط البانزين    حد النار ونقولو أوعى تشعل هه!!!!

اقتباس

لذلك انا ضد هالفكرة لانو ما رح تفيد

شو عرفك أنو ما رح تفيد

التجربة خير برهان

ولا شو شباب

To Ali Hasan

سلام تالت

اقتباس

انا ضد هالفكرة مليون بالمية لانو برايي هالفكرة بترجعنا لورا الف سنة

ممتاز كتير........... لأنو نحنا يا زميل كنا بقمة أوجنا كدولة من ألف سنة

وهاد إعتراف من اللا وعي تبعك بصحة فكرة الفصل بين الجنسين

اقتباس

بعدين ليش عم تصور الجامعات المختلطة على انها مفسدة للاخلاق

لأنو هاد هو الواقع

وإذا مالك مصدق نزيل على الآداب وبالتحيد على دوار المعهد العالي للغات وشوف

وإذا شفت أنو المناظر هي عادية

بنصحك تروح لورا الصيدلة بالعصر وشوف الشباب شو ممكن يكونوا عم يعملوا

اقتباس

وفاشلة بالتعليم

مو ضروري تكون فاشلة بس مستواها الحالي بيبكي

اقتباس

شغلة تانية اذا انت شايف انو الاختلاط  بالجامعات بيولد مشاكل ودمار للاخلاق فالجامعات غير المختلطة هروب من هالمشكلة الافتراضية

هي مشكلة واقعية ونزيل شوفها بعينك يا زميل

وبعين مناقشتها هي الخطوة الأولى لحلها

اقتباس

لانو الاختلاط موجود وين مكان بالشارع بالمطعم بالوظيفة بالمشافي وهدول كلون ما فيك تقسمهم قسمين

ومين قلك أنو كلإختلاط لازم ينمنع بالكامل؟

في بعض المجالات الضيقة اللي الإختلاط فيها جائز وممكن متل ما قالت بالمشافي مثلاً

اقتباس

اسمحلي بكل ود ومحبة قلك انو فكرة الجامعات غير المختلطة هيي غكرة متخلفة  ومسيئة بحقنا كطلاب نذهب الى الجامعة بهدف العلم وليس اي شي اخر 

ليش مسيئة بالله عليك    وهل المحافظة على    الأخلاق تعتبر تخلف؟؟؟؟؟؟؟؟؟

لا إله إلا الله!!!!!!!!!!!!!!!!!!!!!!!!!!

To Loulou
 
سلام تاني

اقتباس

مافي داعي للنقاش قيه لأنو هاد واقع

أشو يعني إذا  هاد واقع بيكون صح؟؟؟؟؟؟؟؟؟

اقتباس

أنا ضد طبعا لعدة أسباب وأهمها الهدف لازم يكون تحسين نوعية التعليم مو زيادة جامعات

مين قال أنو الفصل رح يأئر سلباً على التعليم؟؟؟

بالعكس الشي و البنت بدال ما يضيعوا وقت بالحكي مع بعض والتفكير بوعود خطوبة خلبيّة حيصيروا يركزوا بدراستن على الأقل بالجامعة

وبالتالي هاد الشي رح يرفع المستوى التعليمي

اقتباس

بعدين يعني فصلنا الشباب والبنات عن بعض بالجامعات رح يضلو يجتمعو بالشارع وبوسائل النقل وبالبلد كلها

على الأقل حنكون أخذنا الخطوة الأولى تجاه الفصل بين الجنسين

ورفعنا السوية التعليمية للجامعات

اقتباس

بعدين مو شرط كلما اجتمع  شباب وبنات يعني في شي غلط يعني لازم نغير هالنظرة الرجعية ونصفي النية

كلامك صح بس مو معقول نحط البانزين حد النار ونقول يا بانزين أوعك تشعل لأنو حنصير حريقة بعدين.

اقتباس

هالنظرة الرجعية

قلتيلي رجعية ما..... حرد على هل نقطة خلال ردي على الزميل علي

اقتباس

وبالنهاية لكل حدا رأيو وهو حر فيه............

هاد الشي الوحيد اللي عجبني بكلامك

أرجو أنت تقبلي إختلافنا بالرأي

[type=Tahoma]ومين قال أنه مافي هيك جامعات
ومين قال أنه التطور يفرض علينا الإختلاط
ومين قال أنه فصل الجنسين من التخلف!!!!
معلش اسمحولي نحنا بالإمارات عنا من هالجامعات كتير والجامعات المختلطة هي الغريبة والمستهجنة هون
والحمد لله ما حدا بيقدر ينكر التطور الكبيييييييييير يلي واصلتله الإمارات
وهاد الحمد لله بسبب الحفاظ على القيم والدين
وأنا بتمنى من كل قلبي يصير بالشام جامعات مثل الإمارات

الردود غيربة وعجيبة وبتدل قديش نحنا متقدمين بالفكر
والله حبيباتي إذا بده يضل تفكيركن إنه ما بيصير شي بالجامعات المختلطة فهاد اسمه قصر نظر أو تجاهل
وإذا بدها تضل النظرة للجامعات المنفصلة أنه متخلفة فبشركن أنه جميع جامعات الشام وسوريا إجمالا رح
تضل
متخللللفة
بمعنى الكلمة
ولا مفكرين أنه الجامعات يلي بسوريا جامعات عريقة وما في منها
والله مساكين مو شايفين شي من الدنيا

سلام

اقتباس

ومين قال أنه مافي هيك جامعات
ومين قال أنه التطور يفرض علينا الإختلاط
ومين قال أنه فصل الجنسين من التخلف!!!!
معلش اسمحولي نحنا بالإمارات عنا من هالجامعات كتير والجامعات المختلطة هي الغريبة والمستهجنة هون
والحمد لله ما حدا بيقدر ينكر التطور الكبيييييييييير يلي واصلتله الإمارات
وهاد الحمد لله بسبب الحفاظ على القيم والدين
وأنا بتمنى من كل قلبي يصير بالشام جامعات مثل الإمارات

كلام الزميل دليل على أنو الفصل بين الجنسين    محفز نحو التطور والتقدم

وهاد أيضاً دليل عملي ليلي كان عم يقول عنو تخلف على أنه خطوة نحو التقدم

اقتباس

والله حبيباتي إذا بده يضل تفكيركن إنه ما بيصير شي بالجامعات المختلطة فهاد اسمه قصر نظر أو تجاهل
وإذا بدها تضل النظرة للجامعات المنفصلة أنه متخلفة فبشركن أنه جميع جامعات الشام وسوريا إجمالا رح
تضل
متخللللفة
بمعنى الكلمة

معك 100%

اقتباس

ولا مفكرين أنه الجامعات يلي بسوريا جامعات عريقة وما في منها
والله مساكين مو شايفين شي من الدنيا

هون أنا ضدك

حاضرهن المتقدم ما  بيعني أنو حيضلو هيك

أنتي وقفي عنهن النفط وشوفي كيف حيرجعوا للجمل

جامعات سوريا عريقة رغم كل المشاكل اللي فيها

اقتباس

مساكين مو شايفين شي من الدنيا

نغمة التهكم هي ما حلوة بالمرة .......موهيك زميلة
شكراً

أختي الكريمة
صيغة التهكم للناس يلي ما بتفهم غير بهالصيغة
أنا معك بكلامك
بس المشكلة أنه أنتو بتفكرو الخليج بدون نفط  هي جماعات بدو
وهاد التفكير غلط أنا سورية وعايشة بالإمارات عمري كله
وبعرف قديش الناس هون تعبت لتوصل لهالتطور
الناس تعبت واشتغلت كتير لتحول البلد من صحراء كلها بدو لتحفة معمارية
هالشي ما صار بين يوم وليلة
والنفط ما كان الفانوس السحري
النفط من ضمن الأسباب ومو سبب رئيسي

أنا السنة الماضية درست بالشام صيدلة وشفت بعيني العراقة
أختي الكريمة
في أشياء ضمن مفهوم العراقة ما رح إقدر أشرحها لأنك ما شفتي الجامعات هون والتعليم العالي والمتقدم فيها
معلش يعني سنة أولى صيدلة هون
بيدرسو فيها مواد السنة التانية بالشام
وبالإنجليزي
إذا كان مفهوم العراقة قصدك القدم
بوافقك الرأي وقتها أنه الجامعات بالشام عريقة