هاي انا صرت سنة تانية صيدلة
الكلية كتير حلوة و لطيفة و مريحة
انا دخلت صيدلة لأني بحبها وبعد ما صرت سنة تانية حبيتها أكتر
وفرعنا طبعا أحلى فرع بالجامعة

[color=red]كنت اتمنى ان ادرس في جامعة دمشق منذ ان كنت في مرحلة الجامعة والحمد لله اكملت دراستي في جامعة بغداد وبعد ذلك واصلت مسيرتي في التعليم الثانوي بعد تخرجي وانا الآن اكمل دراستي في الماجستير واجتزت السنة الأولى والحمد لله وانني في مرحلة الكتابة وقد تخصصت في الجغرافيا المناخية في موضوع التيارات النفاثه واتمنى من اي شخص يستطيع ان يحصل لي الموافقة على زيارة جامعة دمشق للقاء بعض الأساتذه في تخصصي وخاصة الدكتور علي حسن موسىوحضور بعض المحاضرات في موضوعي مع امنياتي للجميع بالموفقية والنجاح

مرحبا
بصراحة عجبني موضوع كتير
انا بيولوجيا سنة تانية كلية العلوم
طبعا لسا ما درست السنة الثانية بس خايفة منها
بليز حدا بيقلي كيف بيصير الاختصاص و شو المواد الي بتستثنى لأنو
على ما فهمنا انو السنتين الاولى و التانية فيهون 12 ب 12 يعني 2400
و بدنا نحصل علاناتنت على هالاساس
كتير عم حب فوت احياء دقيقة من الاسم بس
لاني ما بعرفشو يعني احياء دقيقة
كليتنا حللللللللللللللللوة كتير و المواد ممتعة
و العملية احلى شي العملي
بيجنن عنجد
بس المشكلة او المصيبة هي اسئلة النظام الفرنسي الي بتكسر الضهر
و كمان نظام 60
الله بيعين
كانت رغبتي عمارة بس هيك الله كاتبلي
اختكون
دمووووووووووووعة

مررحبا
فكرة كتير حلوة على الاقل الشخص بينظر لاختصاصه من ناحية تانية و بالنهاية كل منا يجد اختصاصه الاروع و الاجمل
انا طالبة فيزياء اجتزت السنة الأولى الحمد لله و متل مو معروف نحن اربع سنينين دراستنا و دون اخنصاصات رغم انه علم الفيزياء له دخل بكل شيء من حولنا و اذا مو مقتنع سمي شي بالكون ما له خاصة فيزيائية ... اتحدى
رغم اهمال الجامعة بالختصاص الرائع انا هدفي اني اخلص و اعمل ماجستير او كمل هندسة كهرباء و الكترون .. و بالتوفيق للجميع

سلام .. و شكرا لاعطائي الفرصة

شكراً على الموضوع
أنا صرت سنة ثانية هندسة حواسيب واتمتة الحقيقة أنا ما كنت بعرف شيء عن الفرع قبل ما أدخلو(يعني دخلت حتى ما أخسر علاماتي ) بس أنا هلأ كثير عاجبني لانو مميز حتى كثير  عندي طموح إني كمل دراسات عليا و احصل على الدكتورا

مرحبا
انا CIVIL KNIGHT ومتل ما بدل اسمي انا بدرس هندية مدنية
اعتقد اني ادرس فرع احببته ورغم صعوبة المواد التي ندرسها وتنوعها وخروج اغلبها عن اختصاصنا " في السنة الاولى والتانية " لكن مادرسناه من مواد اختصاصية يجعلنا فخورين فعلاً بدخول الكلية
الهندسة المدنية : هي اختصاص يقف وراء كل ما نراه في المدنية او " الحاضرة " من شوارع و ابينة وتمديدات مائية بنوعيها و سدود وقنوات ري .... حتى الاهتمام بالبيئة .
ولشدة تنوع هذا الاختصاص فهو بقسمفس كل بلد إلى عدة اقسم وتختلف من بلد إلى أخر من حيث التسمية لكن المحتوى نفسه ... يعني في  عنك من هندسة الانشاء إلى هندسة البناء وهندسة الادراة و الادارة الهندسية و المواصلات و هندسة المطارات والهندسة البئيية يلي هو اختصاص كتير مهم في اوربا بس عنا مو اخذ حقوا
كمان في الهندسة المائية يلي تنوعها وتعدد مواضيعها يعني بصراحة بفوت بالحيط بس بصصراحة سهلة
رغم صعوبة هذا الفرع لكنه فرع يعطيك ثقة بنفسك فأنت بأغلب الحيان سوف تعرف عن كل موضوع علمي يتم النقاش فيه امامك طبعا ليش لأنو كل شي انت مطالب تعرف عنوا من الرياضيات والفيزياء واالليزر والجغرافيا والجيولجيا والكيمياء حتى الطب " تدفق الدم ضمن الاوعية الدموية هويتبع لقواعد هيدروليكية " وللحديث تتمة ......

أنا عبودة بدرس معهد محاسبة وتمويل الحمدلله ترفعت للسنة الثانية
بمجتمعنا الشباب اللي بيدرسوا معهد يعني حرف ناقص بس أنا بأكد على ان النجاح الحقيقي بيكون بتفوق الإنسان بمجال عمله أودراستوا وليس بفرع الجامعة اللي بيدرسوا(كلية يعني)
وبالنسبة لمواد المعهد شي جميل جدا مفيدة بالحياة النظرية والعملية وشهادة المعهد ممتازة ومطلوبة للعمل أكثر من التجارة
وشكرا

مرحبا,عنجد الموضوع حلو حتى يلي عم يدرس بالجامعة حلو يعرف عن غير الاختصاصات.
أنا بدرس هندسة عمارة,ونجحت عالسنة التالتة,عنجد هالفرع كتير حلو بس لازم الواحد يكون اِلو مراء.الناس بيئولو انو الواحد لازم يكون شاطر بالرسم لحتى يفوتو  بس أنا بحس أنو يلي عندو خيال و دقة ملاحظة هو يلي بينجح بهالفرع,أما بالنسبة للرسم فبس بالسنتين الأولى و التانية بيحتاج الواحد هو يرسم و ابتداء من السنة التالتة بيصير الشغل كلو عالكومبيوتر   .
و بالنسبة للمجالات فعالأغلب شغل بمكتب أو ممكن معيد بالكلية أو يفتح مكتب خاص.
و أنا بنصح كل يلي بيحبوا العمارة يفوتو هالفرع حتى لو كانوا مجمعين علامات أعلى.
و موفقين كل يلي قدموا المسابقة و انشالله منشوفكون زملاااااء.

السلام عليكم

أن سنة رابعة ادب انكليزي وفتت هالفرع عن رغبة
وبنصح فيو كل شب أو بنت وخصوصي في حال لغتهن قوية وكان عندهن اساس.

ممكن تطوروا المحادثة بدورات بعد التخرج وكمان دورة المحاسبة والكمبيوتر مهمين 
وهيك بتكونو شملتو كل شي بتحتاجو لأي وظيفة
ويلي معدلو جيد او ما فوق بشجعو يكمل دراسات



وأخيرا بحب قول انو المسؤولية الأهم  بالنسبة إلنا كطلاب   
هي البحث عن مجال (((مقبول )))دراسيا  لانو اخرتنا نتخرج ,
وواسع الاختيارات والفرص بالنسبة للعمل .
     

مرحبا أنا من خريجي كلية الآداب قسم الاثار العام 2008 بصراحة هالفرع حلو كدراسة وحياة جامعية بش المشكلة بعد التخرج , على الرغم من العدد القليل من الخريجيين بس الغالبية ما عم تلاقي شغل وترانا نيطرين المسابقة اللي راح تطيلع روحنا وما تطلع