السلام عليكم

ياريت تختارو شو بدكم تترجمو مشان يحجز بروتيوس الأقسام يلي بدكم ياها

أنا رح بلش بموضوع • Capsules, Hard

نور الهداية

ما حكيت من قبل أنو ثلاث أرباع الطلاب سلبيين و مو فاضين لشي

بعرف أنو في ناس عن جد ما بتحسن

مثلا صاير كل يوم مشان الملازمة و روحات تانية ما برجع غير لبعد العصر

أنا حاولت ادعو الطلاب للمساعدة بالترجمة بالكلية بس الأغلبية بقولو أنهم بسافرو أو بدهم يساوو دورات أو مو شاطرين بالترجمة

بس لا تخافو لأنو في كتير ناس بتفوت عالنت و للمنتدى بس مو مسجلين

على العموم متل ما قلت بدنا نترجم الأمور الأساسية يلي بتفيدنا

السلام عليكم 

بس من بعد إذنك أخ زيد بدي اسألك أديش معنا وقت لحتى نترجم يعني في وقت محدد لازم نخلص الترجمة فيه ولا معنى من هلأ لنهاية هالعطلة
______________________________

ومشان تحديد البحوث يلي بدنا نترجمها فأنا محددتون بردي السابق
----------------------------------------------
وأنا جاهزة للمساعدة  بكل ما أستطيع

بالتوفيق إن شاء الله

انا والله احترت .......


اخ زيد اذا ممكن تخترلي الموضوع المناسب


لأنو مابعرف كلو احد شو بيفرق عن التاني ؟


مشكورين مجددا

 

السلام عليكم

اقتباس

ما حكيت من قبل أنو ثلاث أرباع الطلاب سلبيين و مو فاضين لشي

يعني ما بعرف ليش هالطلاب مفكرين إنو موضوع الترجمة شي ثانوي!!!

اقتباس

أنا حاولت ادعو الطلاب للمساعدة بالترجمة بالكلية بس الأغلبية بقولو أنهم بسافرو أو بدهم يساوو دورات أو مو شاطرين بالترجمة

بس يازيد أنت ما قلت غير لكم واحد بتعرفهم بس في كتير ناس ممكن يساعدونا و مو عرفانين بموضوع الترجمة و ياريت تقترحوا شي طريقة لنحط إعلان يشوفو كل الطلاب و إذا ما بدكم فعلى الأقل كل واحد يخبر كل رفاقه و يوصي كل واحد فيهم إنو يخبر كل اللي بيعرفهم إنو يفوتو عالمنتدى و يشوفو الموضوع و ياريت نستعجل  لإنو لا تنسوا إنو شهر رمضان رح يجي ب 20 آب و يادوب نلحئ...

و أنت ما جاوبتني زيد مشان الوقت لإنو إذا تركنا الوقت هيك مفتوح رح تمط الشغلة كتير يعني متل ما قلت حدد وقت لتسجيل الطلبات وحدد وقت بدء الترجمة و المدة اللي لازم نسلم فيها الترجمة.....

السلام عليكم

اقتباس

أرجو تثبيت الموضوع و إن أمكن وضعه في قائمة المواضيع في الصفحة الرئيسة للمنتدى ففي الصيف يدخل الكثيرين على النت و بذلك نجذب إنتباههم

لك يا رجل كنت قللي أنو بدك هيك..!!!!

يعني لو ما هلأ مرقت على هالموضوع و انتبهت لكلامك ما كنت شفتو...

لح ساوي هالموضوع إعلان بس اذا بدك ياني حطو بالمواضيع التي ينصح بزيارتها مشان يكون واضح لكل أعضاء لازم يكون الموضوع جديد ...

بس هاد الموضوع قديم كتير و إذا بتحب أنت افتح موضوع جديد يعتبر تتمة لهالموضوع مافي أي مشكلة و المواضيع ببلاش... 

الله يعطيكن ألف عافية ..

وأنا ان شاالله معكن ....

و يا ريت تختارولنا المواضيع المناسبة

يلي فينا نترجمها ...

   

زيد و بروتيوس

يا ريت متل ما قلت من قبل أنو تختاروا أنتو لطلاب الأولى

المواضيع يلي ممكن يترجمون

لأنو صعب كتير علينا أنو نختار أقسام سهلة

بالنسبة لمعلوماتنا

مشان نحسن نشارككم





و الله يعطيكم ألف عافية

برأيي ... كل مين اختار الجزء اللي بدو يترجمه ارفعوله ياه .... وكل واحد بسجل اسم الجزء تبعه مشان ما ينعطى نفس الجزء لأكترمن شخص ....... يعني ما تستنو ليخلصو توزيع الأجزاء كلهن


******************************************

سلامي
ماهي

السلام عليكم

مشان موعد البدأ: من اليوم
موعد التسليم: كل واحد و شطارتو، لما يخلص قسم ممكن ياخد الواحد قسم تاني، بس المهم نكون خالصين لقبل رمضان لأني

و بروتيوس وقتها ما بنعود قادرين نفتح النت لنشوف الأخبار

نور الهداية

فكرت ساوي اعلان بس خفت لأنو الفصل الماضي تبعنا كان صعب كتير و قلت هلأ إذا بلش شوية طلاب بالترجمة يعدو يتبهدلو

وقت الفحص و ينحط الحق عليي لهيك وقفت الشغلة شوي

بالنسبة لي حكيت لكل الشباب بس متل ما قلت ما كتير مناح باللغة و ما عندهم كتير مراق بالشغلة، يعني مافيني

اجبرهم عشي ما بحبوه
بس انتي عمليلك همة و خبري البنات

بالنسبة للمواضيع للسنوات التانية و التالتة فكلها سهلة و عادية و اخترناها بشكل تكون تكملة لشغلات درستوها

أو مواضيع بدكم تاخدوها السنة الجايي مشان تسهل عليكم الدراسة
(يعني دائما بصير فيني و بروتيوس أنو بنلاقي مراجع عالموضوع بعد ما نكون خلصنا المادة)
اختارو أي شي و لا تخافو من العنوان

مثلا

• Effervescent Pharmaceuticals
• Non-Prescription Drugs
• Hydrolysis of Drugs

هي مواضيع سهلة لطلاب الأولى

• Chromatographic Methods of Analysis: Thin Layer Chromatography
• Chromatographic Methods of Analysis: Gas Chromatography
• Electroanalytical Methods
• Enzyme Immunoassay and Related Bioanalytical Methods
• Flame Photometry
• Spectroscopic Methods of Analysis: Atomic Absorption and Emission Spectrophotometry

هي حطيناها للتانية لأن ما أخدتوها منيح عند جهاد دياب
• Biotransformation of Drugs
• Drug Delivery: Controlled Release
• Drug Delivery: Oral Route
• Drug Delivery: Parenteral Route
• Drug Delivery: Rectal Route
• Capsules, Soft
• Capsules, Hard
• Lozenges
• Powders as Dosage Forms
• Excipients: Powders and Solid Dosage Forms
• Waxes
• Solids: Flow Properties
• Tableting of Pharmaceuticals

هي شغلات جديدة عليكم بس رح تاخدوها السنة الجايي بالتكنو يلي هي أصعب مادة بالفصل الأول
فإذا فهمتوها منيح إن شاء الله بتقدمو منيح بالفحص و خاصة الدكتور محمد أمين بترجم و بلخص محاضراتو من هالكتاب

بالنسبة للسنة الرابعة فما شاء الله استحوذت مها عكل شي صعب
بس بعرف أنو ما رح تترجم كل شي فرح آخدلي شغلة بس خلص قسمي

_______________________________________________________-

اختارو أقسامكم و إن شاء الله بنزلكم ياهم
المشكلة صاير أنا بروتيوس واحد بالشرق و التاني بالغرب
و هو ما عم يحسن يفوت عالنت متل العادة و صاير أنا صلة الوصل

موفقين و انبسطو بالإجازة

السلام عليكم  صبايا وشباب

بالفعل فكرة حلوة كتير انوه نترجم كتاب سوا
وأنا معكون بس يا ريت يكون في حدا مستلم قصة التنظيم منشان تكون القصة عملية وجدية