سلامااات جميعااااا .....و الحمد لله على انتهاء الإمتحانات بخير وســــــــلامة  ......
وألف مبروك لكل اللي ترفعوا ونجحواا........
بتمنى يكون التقســــــــــيم الجديد للمنتدى عجبكم .... وإذا في أي مشاكل أو اقتراحات ياريت كل واحد يضيف اللي عندو حتى تتكامل الجهود نحو الأفضل
بالتوفيق جميعااااااا..............
أخوكم محمد

السلام عليكم

الله يعطيكم ألف عافية..

أنا برأيي إنو المواد اللي ممكن نستفيد منها للسنة اللي بعدها أو حتى بعد التخرج نحتفظ فيها و الباقي بنحطو بشي كيس و منشفلن شي تصريفة..

طلب من الطلاب اللي طالعين عالتانية:
أول ما تنزل الفيزيا بدي شوف تعليقاتكم لإنو أنا لهلأ حاملتها
لا ترتعبوا ..أنا ما عم قدمها مشان المعدل لإنو في إشاعة إنو الغفري بدو يترك الكلية مشان هيك عم إستنى لحتى يتغير الدكتور..
طلب تاني إذا حدا منكم دارس المحاضرات أو الكتاب و كاتب ملاحظات عليهم فياريت ما يكبهم لإنو بجوز الفصل اللي جاية قدم الفيزيا و أحتاجهم و كمان اللي بيعرف حدا  كاتب الأسئلة اللي إجتكم فياريت يتذكرني و لا ينساني ..
بعرف إني عم أتساءل عليكم بس مو نحنا عيلة وحدة ولا شو
عطلة سعيدة و مفيدة أتمناها لكم..

اي والله جمعة مباركة و صباح سعيد و مشرق

الله يسعد صباح الكل و صباح الأعضاء و صباح الطلاب و صباح الدكاترة و صباح فخري.. 



صعي أنا هلأ عم اشتغل بنقل المواضيع و عم تنبعت لكل واحد شي عشر رسائل كل يوم

بقا يمكن أحياناً خربط و انقل الموضوع لغير مكانو (طبعاً حالة نادرة)

فاذا حدا عندو أي سؤال عن نقل موضوعو يقللي يا و بحاول رجعو...

و أخيرا اجتمعوا  الصيادلة يا عيني عليكن هيك لازم نكون إيد وحدة.

يسلم ايديك سيد وسيم عل التقسيم ومشان الأسئلة :
المواد تبع السنة الأولى لسا ما خلصوووا والله آكلة هم الفيزيا والقومية كمان. لك بركي هيك خطرلو الدكتور يغير نمط التصحيح ويصير فينا متل العربي.

و مشان الكتب و النوطات لك شبكن قووا قلبكن شوي يعني الشغلات يلي بلا طعمة بالناقص منا
أنا من جهتي العربي و محاضرات الحيوانية والرياضيات مع السلامة و الفيزيا
عم تستنا دورها  

أهلين بنور الهداية مشان الفيزيا لك كتابي مليان ملاحظات وتصحيحات و أفكار من الدكتور لك والله ما قصرت بشي فيها بس بالأخير حضوري كلوا انكب عل الأرض . لا والله بس استفدت بسؤال واحد من الحضور يعني حسيت الأسئلة لابيفيد فيها لا بصم و لا فهم ولا شي كلوا توفيق
ومشان الأسئلة فكانت نسخة طبق الأصل عن دورة2008 ما عدا شي 10 أسئلة .

و الله انا بالنسبة الي انبسطت هالسنة

و بالنسبة لنوطاتي رح خبيهن كلهن تحت خزانة بابا لانو في وافدين بعدي عالصيدلة ان شا الله


شكرا عل الموضوع الحلو

و ان شا الله الكل يكون مروق و مبسوط

السلام عليكم

والله قسم الصيدلة صار بشهي

بس بالنسبة للقسمين القدام مازالو موجودين

يعني رح ينحذفو أم بدكم تخلوهم

_________________________________________-

مبروك للجميع بالنجاح و عقبال التخرج بأعلى المعدلات للجميع

والله سنتنا كانت متل الماراثون

كنا نركد و ما نلحق

و على فكرة كل المواد كانو مصيبة بس بآخر مواد ما عدنا نكتير نحكي عنهم بموضوع المناقسة

مشان ما نجيب الاكتئاب لبعض

_____________________________________________________

ان شاء الله تكون هي الصيفية كلها بسط و تسلاية و فائدة للجميع

بما أنو هالساحو لكل الصيادلة

بدي أسأل سؤال و بتمنى الكل يجاوب :



بدي من كل واحد يحكيلنا قصتو يلي خلتو يدخل هالكلية الحلوة



و هي أنا رح بلشكم :

أنا متل تلات أرباع الطلاب بدمشق رحت دحشت حالي بمدرسة

السعادة (( بالحقيقة كانت كآبة)) و

بعد معاناة و سنة مريرة (( من الجو يلي كانوا فارضينو بالمدرسة ))

قدمت امتحان البكالوريا و كان حلمي ادخل عمارة

يمكن لأني بحب الرسم شوي

بس لما جبت 236 ما حسنت اتخذ القرار و سجل

عمارة

و كان ((متل باقي العالم بسوريا )) سجلت أحسن شي

بيطلعلي و كان الصيدلة



يعني بصراحة كان خيار شبه عشوائي



بس الحمد لله بعد ما مرت أول سنة

أيقنت بقدرة الله أكتر

و بأنو يلي متوكل على الله

رح يختاره أفضل شي

((يعني بصراحة كانت الصيدلة الفرع يلي عم دور عليه

و يلي بيطبق على مخي و تفكيري بدون ما أعرف))







هلأ دوركم .......... بتمنى أنو الكل يشارك