السلام عليكم

اريد ان اتكلم عن حالة عن شعور عن اشياء تحدث معي لعلي اجد الحل عندكم وانا عندي ثقة بحلولكم وآراءكم فإنني اصبحت اعرفكم تماما



 

اتمنى لو ان احد منكم وجد انه يحصل معه كمايحصل معي اتمنى ان يبين هذا لكي ترتاح نفسي واعلم انني لست وحدي

من بعد اذنكون بعتذر عن لغتي الركيكة المتفاوتة بين العامية والفصحةولكن لكي استطيع التعبير اكثر

هلأ نحنا صرنابـ20رمضان اي مضى 20 يوم من هذا الشهر الكريم ومشكلتي مع هذا انني في هذا الرمضان  كنت اعيش حالة من التعب واليأس وفقدان الامل والملل فالامتحان اهلكني ولكن والحمدلله ترفعت عالسنة الخامسة ومع ذلك حتى عندما قررت ان لا أدرس كنت اتعذب نفسيا بمجرد وجود الفحص
هذا اولا

ثانيا بهالرمضان قصرت كتيييييييييير بحق ربي في اشياء كتير كان لازم ساويها ولكن التعب النفسي والجسدي يلي كانو معي خلوني مااقدر اعمل شي

التعب النفسي : سببه الفحص والحياة و..و..و.. اعتقد ان معظمنا مشتركون بهذا التعب
اما التعب الجسدي : فأصبحت أتعب من الصيام مع انني هذه اول مرة في حياتي اشعر اني متعبة من الصيام لأنو شوب والنفسية بالاراضي ومع هيك تعب جسدي فقط دون الشعور بالعطش او الجوع إلا باليوم يلي بنزل فيه عالجامعة مشان الفحص                

--------------------------------------------

اضافة الى هذا انني مشغولة جداجدا ومع ذلك اشعر بملل قاتل  ومافي شي بيخليني كون سعيدة
من كم يوم قدمت سموم2 وماتوقعت يمشي حالهالأني ماعم ادرس ولأني حملت صيدلة المجتمع قبلها وكنت متخيلة حالي انو اذا نجحت فيها لح كون سعيدة

آم وقت خبروني اني نجحت والحمدلله فرحتلي شي ربع ساعة وبعدين رجعت لحالة اليأس تبعي

ياجماعة صرت حاطة مية برنامج لحتى امشي عليه برمضان ومامشي الحال ابدا صرت اجبر حالي مااقدرت
مع انو اناابدا ماعندي وقت ضايع واهم شي انو انا بكره التلفزيون بشكل مو طبيعي لأن مالي مراء فيه ومع هيك عم كون مقصرة بحق الله وماأعرف كيف بدي استغل رمضان

مشان الله ساعدوني اقترحو عليي شو ساوي شو اعمل حراااااااااام رمضان يضيع مابقي غير 10 ايام ياالله كتييييييير خايفة انو ماكون عايشة برمضان الجاية
مشان الله يلي عندو نصيحة او اي كلمة يقولها ويساعدني

ويلي عم يصير معو متلي مشان الله يقوول

وبالنهاية انا آسفة عالاطالة وعالازعاج
ويمكن كلامي هادا مو بوقتو بس انا بعرف انو انتو هون كلكون احسن مني وأقرب لله مني
واذا كلامي ماكان الو عندكون صدى فهادا حقكون لأنو مابعتقد انو في حدا مقصر ادي
سامحوني عالازعاج


   

اختكم  

هلأ بصراحة أنا اقتصاد

وماعندي مواد للدورة

بس التعب النفسي والاحساس بالفراغ صار  جزء من حياتي

مجرد شعورك بالتقصير هو شي منيح

يبدو أن لديكي شخصية وسواسية


سلام

هلأ بصراحة مطلقة
مافي جوع أو عطش برمضان
وهاد بفضل رب العالمين لي
بيخفف على عباده

بس بالرغم من هشي
أنا بحس بتعب جسدي كبير
بيصل لدرجة الإرهاق أو الوهن

وأناكوني مدرس
وهلأ فاضي وماعندي أي شي
أشغل حالي فيه
فبحس بحالة فراغ قاتلة
بيجوز مابتصدقي
بتسيطرعلي حالة الكسل
لدرجة يدوب قوم صلي
أحيانا
المهم
حاولت وازن بين حالة الملل
وواجبي تجاه ربي بهل شهر الفضيل
وأهتماماتي
خصوصا الإخبار والنت

صرت تابع أخبار شي أربع ساعات موزعة بأوقات مختلفة
وأدخل نت شي 8 ساعات تقريبا
موزعة بالمنتدى هون
وع الفيس بوك ومنتديات تتهتم بأمور الدين والتربية والحياة عموما
وطبعا في أوقات مخصصة للصلاة
تراويح أحيانا
أو الفروض الخمسة
وقراءة قرآن

بس عندي مشكلة بالنوم
مابقدر نام أكتر 7 ساعات
لهشي
نظامي مفشكل
ما أحلى الدوام
صحيح قضينا الصيفية كلها مراقبة
وتصحيح
بس بجد الشغل زينة البني أدم
ماكنا نحس بالوقت أبدا
وكان في إحساس بالراحة النفسية
الحمدلله على كل حال

والله وأنا مقصرة

يمكن حالتي متل حالتك لأني كنت مفكرة أنو هالرمضان بالذات رح يكون غير شكل ورح كون فاضية أو رايقة على الأقل كوني تخرجت


بس للأسف طلع أسوأ رمضان مر عليّ من ناحية الانشغال والحالة النفسية والتفكير والبعد عن أجواء رمضان نوعاً ما أكتر ما كنت مخططة


ما بعرف إذا كنت متغيرة بطريقة التفكير هالسنة وصرت لازم فكر بعملية وواقعية أو هي ظروف البلد وظروفنا حوالينا خلتنا كلنا متغيرين وأعصابنا متوترة

عنجد ما بعرف

هلأ كونك عم تقدمي امتحانات فبعتقد انو ربنا أكيد رح يكتبلك فيها أجر لأنو العبادة مو بس صلاة وصوم ......عنا "العمل عبادة" كمان ولازم نتقنو سواء كان شغل أو دراسة


وأنتظر بفارغ الصبر استقرار حالتنا وحالة كل شي حوالينا
والله يجعلنا من عتقاء النار فيما تبقى من هذا الشهر الفضيل
مالنا غير الدعاء

4 ساعات تلفزيون ؟؟؟؟؟!!!!!!!!!!!!!!!!!!!!!!!!!!!!!!!وأخبار ؟؟؟؟؟؟؟؟؟؟!!!!!!!!!!!!

مابحسن اقعد أكثر من نص ساعة (وغير متواصلة)

بس الحمد لله بحسن اقعد خمس أو ست ساعات متواصلة على مسألة مجاكرتني /ما بتنحل معي /

(يا بكسر راسها وبحلها يا أما بتكسر راسي وما بتحل معي )

بلسم الالام : والله إحساس قاتل

golden pill

والله أنا عم فكر إني طول الجامعة شي سنة (تأجيل)

لأني من هلأ عم بفكر بعد سنتين شوبدي اعمل بحالي

والله بموت ؟؟؟؟؟؟؟؟؟؟؟؟؟؟؟؟؟؟؟؟؟

لأنو وأنا كل هل الهم راكبني وحاسة حالي فاضية وكل شغلي بلا معنى

بقى كيف اذا تخرجت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عذرا إن شاركت بالموضوع كثير لأنو لابسني لبس

هههه يلي متلك كتار وانا اولهون

ما عندي دورة صيفيه والحمدلله
وكل وقتي بين النت والاخبار

ومقصر اكتر منك بكتير تجاه ربي بهالشهر الفضيل

بس عم حاول اني اتحسن بعبادتي بالعشر الاخير


والحمدلله على كل حال

قبل أحداث تونس ومصر
وليبياوالأوضاع عنا
ماكنت شوف تلفزيون
إلا صدفة بإدارة المدرسة
أو بمحل البقال لما بنزل جيب طلبات البيت ههههه
وأحيانا بصيف وبحط ع مرح أسمع أغاني وأناعم أشتغل
بس هلأ صرت مدمن أخبار
‏(إذا مابشوف الأخبار بصير
بدي روح أشتري جريدة )
بس المشكلة بقرأ فيها رأي واحد فقط مابيشبع فضولي

السلام عليكم

شكراً جزيلاً على الموضوع الذي جاء بوقته لأنو مو لحالك عم يصير معك هيك

أول شي تقصير عن تقصير بيفرق  والواحد بيقيس على انجازو السنة الماضية وبيشوف تقدم ولا لأ

ثاني شي حضرتك عندك فحص وانشغلتي فيه يعني أحسن من يلي ضيع وقتو عالفاضي    بالمناسبة مبروك الترفع وعقبال التخرج

بالنسبة للتعب الجسدي سببه التعب النفسي أما التعب النفسي فـ الله يفرج علينا وعلى أمة سيدنا محمد

أحيانا التقصير بعمل مطلوب وواجب  (يعني الدراسة بحالتنا) بيعمل تعب نفسي أما الانجاز فبيسعد الانسان وبيشعرو بقيمة وقتو وقيمتو شخصياً

عموماً يمكن خلصتي فحص ولسه باقي عشر ايام من رمضان يعني ثلث الشهر فعملي جهدك ورممي المكسور عليكِ

لا تآخذيني طولت الرد            تمنياتي لكِ بالخير والتوفيق
اللهم بارك لنا فيما بقي من شهر رمضان واعنا فيه على الصيام والقيام وغض البصر وحفظ اللسان            ودمتم في حفظ الرحمن