|
رد مشاركة : سامحني يارمضان......!!!!!! 20-08-2011 01:59 AM
السلام عليكم:
رمضان بعمره ما كان عقبة. فتح مكة كان في العشرين من رمضان على ما أذكر.
برمضان الله بيبارك للناس بوقتها وبجهدها، وفي كتير ناس بتحقق انجازات أكتر من الأيام العادية ، سواء على مستوى الدراسة أو العمل.
الفكرة اللي بدي قولها:
توكل على الله ولن تعجز.
فيكي تنظمي وقتك وبتمشي متل الساعة بالضبط وما بتقصري بحق ربك "بالدرجة الأولى" وبتقدري تدرسي للامتحانات. ونفسياً الله بيفرج عنك وبروح عنك الإكتئاب لمجرد انك ساعية لإرضاء ربك. يعني حطي برنامج يومي دائم:
التراويح يومياً، ويا أختي صلي جزء كامل "مو كل يوم رح يجي رمضان" والجوامع كتيرة، وصدقيني الله بيشرحلك صدرك وبترجعي على البيت مبسوطة.
ساعات النوم تكون مضبوطة ومعروفة أوقاتها. يفضل ما تروحي نوم الليل لأنو ما بيتعوض، بتجي من التراويح تقريباً 11 بالليل فيكي تنامي دغري، وبتفيقي بتتسحري وبتقرأي قرآن وبتتوكلي على الله وبتبلشي دراسة. ومعك لوقت الإفطار دراسة وبتعملي قيلولة شي ساعة أو ساعتين ظهراً "مشان ما تنامي بالتراويح".
وأهم شي حطي هدف لرب العالمين: مثلاً: انو صلي التروايح بخشوع وحس اني قريبة من ربي واشعر بكل كلمة تُقراً.
صدقيني الله بيفرج عنك وبتلاقي حالك كتير مبسوطة ومرتاحة نفسياً وجسدياً، ودراستك ماشية والله موفقك.
هي الخطة أنا ماشي عليها من أول رمضان، والحمد لله دراسة ممتازة، ومبسوط كتير برمضان ونفسياً مرتاح على الآخر.
وصدقيني في أيام بطلع على الشغل. يعني شغل ودراسة وصيام وعبادة. شلون زابطين ما بعرف. بس اللي بعرفه انو الله بيبارك بالوقت بس يكون في هدف من العبادة.
عذراً على الإطالة.
وبالتوفيق إن شاء الله، الله يفرج عنك ويهديلك بالك.
إلهي سأظل منتظراً فرجك وأدعوك حتى أستحق الفرج فتكرمني. وظني فيكي يا ربي لا يخيب. هذه هي ثقتي بربي. 
تذكر: لا تحزن ولا تتشائم، فقط ابتسم وتذكر أنا كل يوم يمضي انما هو بالقرب وليس بالبعد  ولذلك فلنقل للأيام امضي فنحن من سيسحتق الجائزة بالنهاية.
أنت غير مسجل لدينا.. يمكنك التسجيل الآن.
|
إعلان هام لطلاب كلية الصيدلة ( تم تعديل البرنامج النهائي لامتحان ف2 )
مـنـتـدى تـرجـمــة وتـدقـيـق أقــســام الـمـوســـوعـة 
للتواصل مع الهيئة الإدارية في كلية الصيدلة اضغط هنا 
سامحني يارمضان......!!!!!!
