..لشباب و صبايا الصيدلة..
رح عرف بحالي أولا..
أنا اختكم وعد..
متخرجة حديثا من الثانوي و حابة ادخل جامعة..
مجموعي يسمح لي اني ادخل طب بشري او اسنان او صيدلة..
و أنا فعلا كتير محتارة و  ما حدا عم يدلني على الطريق الصحيح..
بتمنى منكن يا شباب و يا صبايا تذكرولي مزايا و عيوب الصيدلة ..
و هل انتو مرتاحين بهالفرع..ممل و للا لاء.. حلو و لا مو حلو..مجال عملو كيف ماشي و للا مو ماشي..بدي اعرف عن هالفرع كل شي من بعد اذنكن..  

السلام عليكم

أهلا بك أخت وعد... بإمكانك الاطلاع مبدئيا على الروابط التالية... لتكوين فكرة مبدئية عن هذا الفرع من العلوم...

كلية الصيدلة - جامعة دمشق

http://pha.jamaa.net/art246354.html

مقدمة شاملة حول الصيدلة

http://pha.jamaa.net/art246285.html

ملاحظات هامة لطلاب الصيدلة حول الكلية

http://pha.jamaa.net/art246848.html

وأخيرا

إلى الطلاب الجدد...ضع أي سؤال أو استفسار حول الصيدلة هنا...

http://pha.jamaa.net/art246483.html

بالتوفيق

السلام عليكم...

انشالله الف مبروك ومنو للأعلى...

انا برأيي انو احسن شي تعملي صلاة الاستخارة ... لانها بصراحة كتير ساعدتني السنة الماضية

وقتها كنت كتير محتارة بين الصيدلة وطب الاسنان ... وعملت الاستخارة والحمدلله انا هلأ مبسوطة بالفرع ...

الله يخترلك يلي في الخير...

هلا سلام..شكرا على هالراوابط..اخي الوسام الله يبارك فيك و شكرا على مرورك..اختي هلا..و الله عملت كتير استخارات و لهلأ ما طلع معي شي..الله كريم..أخي brilliant..اهلا فيك..رح اعمل بنصيحتك و اسأل كل الفروع..بس انا عندي اخواتي و حدة بشري و التانية اسنان..و كل و حدة عم تقنعني بفرعها بس ما بعرف حدا صيدلة مشان هيك حابة اسألكن..
و عنجد اي حدا يقللي كيف الصيدلة و كيف المواد و كيف الدراسة و شو عيوب الصيدلة وهيك عنجد حابة اعرف..و شكرا مرة تانية

السلام عليكم ...

هلأ فيكي تتطلعي على دليل الطالب للسنة الأولى ...

http://pha.jamaa.net/art262239.html

بس هي بشكل عام السنة الأولى تقريبا مالها علاقة بالصيدلة ...

وبإمكانك الاطلاع على هاد الموضوع والردود علي ممكن يفيدك كتير ...

http://pha.jamaa.net/art274308.html


وان شاء الله كل طالب بيشرحلك شوي عن سنتو ...

عنجد شجعتوني..بس عندي سؤال أخير كيف مستقبل الصيدلة بمجال العمل؟؟

مرحبا أختي وعد:
انشالله ألف مبروك يا رب وانشالله عقبال تفرحي بشهادة تخرجك من الفرع اللي بتحبيه..
أنا حاحكيلك عن تجربتي الشخصية وانشالله تقدري تستفيدي منها
أنا كان حلمي الصيدلة من وقت ما كنت زغيرة ولما نجحت بالبكالوريا نقصني كم علامة عن مجموع الصيدلة.. بس فتت جامعة خاصة وأنا من شهرين تخرجت الحمد لله وبمعدل جيد
وحاليا أنا عم دور على شغل ... هلأ رح بلشلك بمواد كلية الصيدلة يعني السنة الأولى بتكون مواد عامة قريبة من مواد البكالوريا وبظن انها مواد مشتركة بين الصيدلة والبشري والأسنان يعني رياضيات وفيزيا وكيميا وعلوم وهيك شغلات..
هلأ بالسنة التانية ببلشوا مواد اختصاصية وأغلب مواد الصيدلة هية مواد كيميا بجميع اختصاصاتها فإذا أنتي بتحبي الكيميا فعليكي بالصيدلة...
هلأ بالنسبة للشغل بعد التخرج ففي مجالات متنوعة وكمردود فيكي تقولي لا بأس به
فعندك مثلا أول احتمال انك تفتحي صيدلية وتشتغلي فيها بس المشكلة انو الصيدليات بالبلد صاروا كتار كتير
تاني احتمال ممكن تشتغلي بمعمل دوائي والشغل هنيك حلو وبتشوفي كل شي بعينك
احتمال آخر إنك تشتغلي مندوبة علمية للشركات الدوائية وهاد الشغل مردودو منيح ومطلوب دائما
وفيكي كمان تكملي دراسات عليا ...
هلأ بالنسبة لرأيي بالطب البشري فأنا بعتقد انو مشوارو طويل كتير يعني بعد 6 سنين دراسة بدك تختصي أقل شي 4 او 5 سنين لحتى تقدري تمارسي المهنة وطبعا اذا ما سافرتي برا البلد فاسمك ما حيلمع كتير بين كل هالأطباء اللي بالبلد..
أما بالنسبة لطب الأسنان فبظن انو بيعتمد عليكي يعني اذا انتي بتحبي انك تشتغلي بشغلات زغيرة ودقيقة (الأسنان) وتتحملي أنو أغلب الناس عندهم فوبيا من طبيب الأسنان فهاد شي بيرجعلك...
بالنهاية الله يحققلك الي ببالك والله يخترلك الخير وبعتذر اني طولت عليكي
وانشالله كون فدتك من تجربتي.................... سلام

ألف مبروك ان شاء الله و عقبالي

برأيي الصيدلة كتير منيحة للبنوتات,,^_^

ما بقدر فيدك ،،أكتر

بس ما قدرت اطلع بدون ما باركلك,,

ادعيلي جمع متلك ان شاء الله

بالتوفييق