أنا برأيي أصل المشاكل هو مجلس الشعب لأنو بكل دول العالم المتحضرة مجلس الشعب هو بمثابة رقيب و منافس للحكومة و همه مصلحة الشعب , أما عنا فهمه يمسح جوخ و المصلحة الشخصية و يكون المسؤول الفلاني رضيان علينا و إلخ .... يعني والله وقت خطب رئيسنا و قال واحد من "الشيوخ" يلي على أساس منتخبة إنو لازم يكون الدكتور زعيم العالم كلو عصبت و تدايقت و السبب ما بيتعلق برأيسنا لأ بل يتعلق بعقلية هذا العضو يعني أنت قاعد على هالكرسي و مصلحة الشعب لازم تحطها بالمرتبة الأولى مو تمسيح الجوخ و الكلام الفارغ و للأسف متلو متايل , يعني ما عاد صفي حدا بيحترم حالو ؟ و صدق يلي قال إنو لازم يتغير اسم مجلس الشعب إلى مجلس الشعر لأنو مسخرة , بصفتك عضو بمجلس الشعب أول شغلة لازم تعملها إنك تستجوب الرئيس عن الأحداث المؤسفة يلي صارت بدرعا و ببانياس بس هيهاتا يصيرو الأعضاء عنا بني آدمين و يحترمو حالن هيهاتــــــــــــــــا ...........

شكراً لهذا الموضوع المهم والذي أصبح شغلنا الشاغل في هذه الأيام ,أقول أن الإصلاح يبدأ من النفس ثم من المحيط الذي حوله من خلال التناصح ,فقد تناسى الناس ركن هام من أركان الإيمان وهو الأمر بالمعروف والنهي عن المنكر ,ولم نصل إلى ما نحن فيه الآن إلا لأننا تركنا الأمر بالمعروف والنهي عن المنكر , ولقد نوه الرسول الكريم عن أهمية هذه الفريضة في بناء مجتمع متماسك وقوي ,وضرب لنا الأمثال وروى القصص عن بني اسرائيل وما حل بهم عندما تركوا هذه الفضيلة لكي نعتبر ولكن للأسف .

أدعو الجميع  التناصح فيما بينهم وأن يتقبل الجميع نصائح الآخرين وأن يكون الأسلوب رقيقاً ليناً حتى لا ينفر الشخص المقابل من النصيحة ,من هنا يبدأ الإصلاح برأيي وعذراً على الإطالة

ودمتم سالمين

لو كان عندنا دكانة فيها رجل" معلم " و فيها واحد مساعد للمعلم و فيها صانع بيشتغل بين الإيدين يعني.. و كانت هالدكانة خربانة

فياترى من وين بيبدأ  الإصلاح  بالصانع ؟؟؟؟

 

الأخ هاني ... فعلا تعبيرك رائع وفعلا هاد هو يلي لازم يكون

الاصلاح يبدا من الاعلى


يعني وبلا مؤاخدذة من حكيي .. بس لما الواحد بده يشطف الدرج ... بشطفه من فوق لتحت .. وهيك الاصلاح يبدأ من فوق وبينتهي بالمواطن


:) :) :) :)


         

السلام عليكم

(إنّ الّله لا يُغَيِر ما بِقَومٍ حتّى يُغيِروا ما بِأَنْفُسِهِم)

 

بوركت يداك اخي الكريم عالطرح

بصراحة رح اعطي مثال باول الفترة الماضية وقت طلعت مسيرات تنادي الحرية بلشو العالم تقول شرطة المرور ما عم تدقق فك حزام الامان البلدية مشغولة ابني طابق تاني و..و..و..

وكأن حزام الامان نحطه بس باب رزق للشرطي

لا لازم يكون كل واحد منا متحضر بتصرفاته باخلاقه بفكره مو منجلس ومنقول بدنا اصلاح

صدقت اخي بأول موضوعك اول شي اصلاح النفس بعدها المجتمع وباقي الاصلاحات بتنجر ورا اصلاح كل فرد لنفسه

 

تقبل مروري

الاخت lanoosh اطلقت مثالا عن الدرج رح اعطيك مثال بعيد شوي عن مثالك

طيب اذا كان مرض متفشي في قدم الجسم شو منساوي مندهن ومنطبب الراس اما الرجل ؟؟؟؟

معناها في مشكلة بكل واحد فينا ولازم نداوي انفسنا قبل ما ننتقد غيرنا

 

الأخت الفاضلة إيمان

المطالبة بالحقوق لاتعني التخلي عن الوطنية

دمتي بخير

الأخ ucab.

نعم كلنا شركاء في الوطن

دمت بخير

أحسنتي أختي faraah