رد مشاركة : من أنت ؟؟؟؟ عرف عن نفسك ....
السلام عليكم
شكراً جزيلاً "ستضيء المدى جمراتي" :))
اقتباس
هل لديك القدرة على إظهار خلاف ما تخفين ؟؟؟؟
الأفعال ... كتير بعمل أشياء ما بدي ياها ... بس أكيد اللي بعملو فهو رغبة أهلي "وبدون ما ناقش برغبتي"
المشاعر للأسف مو كتير ... بحاول قدر الإمكان بس بما أني بكون مقتنعة فصعب ... عندي نفس المبدأ بالقناعة للأشخاص ... اللي ما برتحلهم عندي صعوبة بالتعامل معهم حتى لو ما زعجوني بشي ... واللي برتحلهم بنسا إذا زعجوني ... ما بعتبرها شغلة إيجابية ... لأنو لازم الشخص يكون ديبلوماسي ...
اقتباس
الناس بيقولولك إنك كتير حساسة و لا تعطي الأمور أكبر من حجمها .. و لا تفكري كتير ...ولي شو بتدققي ..إة حاجة حساسية زيادة ...؟؟؟؟؟
بتحسي إنو عقلك ما في إلو وقت راحة ...دائما شغال ؟؟؟و إذا إة بيتعبك هالشي و لاعادي ؟؟؟؟
إي والله صح هيك بيقولو ... رفقاتي كتير بيقولو ما في داعي تتوتري كل هالقد وعنجد متل ما وصفتي تماماً ... بحس عقلي لازمو إستراحة ... بس للأسف ما بياخدها غير وقت (((النوم))) ... لهيك عم إلجأ إلو هالأيام بشكل مو طبيعي وصارت هالمشكلة بدها حل ... :(
~~~~~~~~~~~~~~~~~~~~~~~
اقتباس
مثلا شو الاوقات يلي بتحبيها فيها ....وهل تعتقدين ان حبك لشيء معين يأتي في لحظة ويذهب في لحظة اخرى ؟؟؟؟؟
لما أقدر أنجز شي بالكلية بصير بحبها لأنو مشكلتي معها من البداية إنو شايفة إني ما قدها "أو عالأقل معطيات نتائج البكلوريا هيك قالتلي وقالت للي بيعرفوني" فلما حس أني بقدر أعمل شي فيها ... بيكون شعوري حلو وقتا
أما القسم التاني من السؤال فبالعكس تماماً ... عدم المحبة هو اللي بيجي بأوقات ويروح ... بس مستحيل إني حب شي وبطل ... وإذا صار هيك شي معناها بالحقيقة أنا ما حبيت هالشي وكنت عم كذب عحالي بأني مقتنعة في
اقتباس
هل تعتقدين انك مع مرور الوقت ربما ستصلين الى مرحلة القناعة ؟؟؟؟.......
ومتى هل عندما تتخرجين .. هل عندما تفقدين متعة الدراسة ...؟؟؟؟؟؟
نفس الجواب السابق ... إذا طلع معي نتائج فحأتشجع ويصير عندي دافع إني كمل ... الحمد لله ما أنو ما طلع معي شي بالفترة اللي مضت ... لأ الحمد لله عملت أشياء لا بأس بها نسبةً لاستعدادي بس في بعض الثغرات يعني ما عملت كل جهدي
والشغلة مو بمتعة الدراسة ... الشغلة بالهدف المستقبلي المفقود ... بتمنى كون إنسانة مفيدة بالمستقبل (إذا الله راد) ... وهالشي ممكن إذا صرت صيدلانية إن شاء الله بس فكرة هالمهنة لسا جديدة علي وما تخيلتها قبل الجامعة بولا يوم من الأيام ... بالعكس كانت مستبعدة كتير إذا فتحنا هالحديث أنا وصديقاتي
اقتباس
هل تعتقدين ان المتابعة فقط كافية ....؟؟؟؟؟
أكيد لأ ... في مبادئ وأساسيات ما بتجي منها أبداً ... يعني ما بتعلم الدين بس بتوجه الإنسان بشكل أفضل ...
واللي قصدتو هو أنو مثلاً متابعة د.راتب النابلسي ود.طارق السويدان ود.عمر خالد ... بحب حكيهم كتير وأي شي بسمعو منهم بحاول طبقو
وأكيد أي شي ما بيدخل بإطار التطبيق فهو متل قلتو ...
اقتباس
ليس كل شي سيئ هو عقاب .. ربما يكون محنة من الله تعالى ....
صحيح ... بس المحن غير التوفيق والتيسير ... يعني لما يعصلج شي فبيكون الله ما ميسرو وبيكون هالشي لسبب أكيد ...
وكل حالة وإلها سببها ... منها اللي بيكون اللي صار في خير النا ... ومنها ((والله أعلم)) اللي بيكون الله عم يعاقبنا بسبب شي نحنا عاملينو
بعتذر تقلت عليكم ... والله يوفقنا وييسرلنا أمورنا للي في خير إلنا ...
من أنت ؟؟؟؟ عرف عن نفسك ....
مو لاني بغلط كتير بس حتى انهي الموقف بشكل يرضي الطرف الاخر ع الاغلب يعني تحت قاعدة لازم كبر عقلي 
