هلأ مو كان بالمضغوطات الفوارة لازم نستخدم مزلق منحل بالماء متل (بنزاوت الصوديوم)؟؟؟

وشو المزلق في مضغوطات تحت اللسان؟؟

والمضغوطات المهبلية شو كان إلها مميزات من حيث العوامل الحافظة والمواد المزلقة واستخدام SLS ؟؟


لأنو عم لاقي بالدورات حلول متناقضة فتخربطت شوي


كمان شو هاد مزيج Cryocide ؟؟ وشو نسب مكوناتو؟؟



شكراً سلف
ادعولنا

السلام عليكم


الله يعينا

يعني بس عطونا 6 أيام لندرس كل شي

وفوق منها كتير ضغط عالماجستير

يعني بوقفتي أثناء التسجيل إجا 5 طلاب جامعات خاصة عم يسجلو

لسا جامعات بقية المحافظات كمان أكتر


والله مالي حسنان ادرس شي

ولسا بدي ارجع مرة تانية لعي الدورات والأخطاء يلي فيها


بعلمكم دورة فحص الماجستير تبع السنة الماضية موجودة شي؟؟

السلام عليكم

golden pill

مشان المزلقات يلي بالمضغوطات الفوارة وتحت اللسان هي حكما لازم تكون مائية وليست شمعية لأنو مو معقول الواحد لما يحطها تحت لسانو يطلع كتل شمعية فكمان بنزوات الصوديوم...

مشان المضغوطات المهبلية والله بالصناعية فئتنا ما أخدتها بس إذا بدك بسألك رفقاتي شو عملوا بحلقة البحث تبعهم...

 

مشان المزيج أول مرة بسمع في.. هو أكيد هيك اسمو...؟؟ والله غريب..

اقتباس

هلأ مو كان بالمضغوطات الفوارة لازم نستخدم مزلق منحل بالماء متل (بنزاوت الصوديوم)؟؟؟ وشو المزلق في مضغوطات تحت اللسان؟؟ والمضغوطات المهبلية شو كان إلها مميزات من حيث العوامل الحافظة والمواد المزلقة واستخدام SLS ؟؟ لأنو عم لاقي بالدورات حلول متناقضة فتخربطت شوي كمان شو هاد مزيج Cryocide ؟؟ وشو نسب مكوناتو؟؟ شكراً سلف ادعولنا

متل ما قلت الأخت سلام، بالنسبة لمزلقات الفوراة وتحت اللسان مائية حصراً، الفوراة مشان ما يتأخر الفوران وتحت اللسان مشان سرعة بدء التاثير.
أما المهبلية مو مارقة معي اطلاقاً، وحتى شفت حلقات البحث تبع طلاب الرابعة سابقاً ما لقيت شي بهالخصوص، بس لسا البحث جاري....

زيد مشان الدورة الأخيرة بتذكر شوي:
بالغذائية: دورة الدكتور زيد العساف متل ما هي، لينا: الدورة اللي قدمناها نحنا.
بالصناعية : دورة عيسى حسن المعتادة. وشوية دورات لأنطون وجاب من كتابه تبع الصيدلانيات.
بالمراقبة ما اجى دورات.
هادا اللي متذكروا.

موفقين جميعاً.

السلام عليكم

صحيح مثل ما قال فارما مشان ما يتأخر الفوران وكمان مشان ما يأثر عالرواق من الناحية الجمالية كمان .. هلأ مشان المضغوطات في الدكتورة جميلة عطت لبعض المجموعات مواد جديدة خارجة عن المنهاج وأول مرة بتعطيها مثل الدموع الاصطناعية وغيرها فيمكن تكون عطت المضغوطات المهبلية لحدا رح اسأل إن شاء الله واتأكد...

بالنسة للمضغوطات المهبلية ...

عوامل رابطة: سكاكر , نشا , PVP

العوامل المفككة :
استعمال نشا ذواب 5 % بالطور الخارجي.
عوامل فعالة على السطح توين و SLS
تشكيل ملح ذواب. " أحماض أمينية"

عوامل مزلقة: (lubricant)  شمعات ، ايروزيل

عوامل مضادة للاحتكاك " مع جدران القمع و أثناء لفظ المضغوطة" : PEG , ايروزيل , لكن أهم تنين بالمضغوطات المهبلية : SLS , حمض البور ...

عوامل مانعة للالتصاق (anti adherant) : تالك , ايروزيل, زيت البرافين , PEG
 

السلام عليكم
                                                       
طيب سؤال
                                     
هالسنة لغو المراقبة والغذائية
                                                           
فهل معقول يجي أسئلة منهم؟؟؟

شكراً كتير على إجاباتكم......المضغوطات المهبلية بتذكر أخدنا هالأمور بعملي التكنو...


[]وبالنسبة لمزيج Cryocide .....فهاد الاسم وارد بدورة للدكتور جورج والدورة مطبوعة عالكومبيوتر فالاسم مانقلتو غلط بس للأسف السؤال مو مجاوبين عليه[/

هلأ المراقبة والغذائية والسموم ما انحذفوا كمقررات فبيجي منهم أسئلة


سألت د.حيدر وقلي مافي مادة التغت وما بيجي منها بس طبعاً بنسب على اساس متل نسب فحص الكفاءة بس حسيتو قلي هيك تمشاية حال وما في قاعدة


العاسمي اليوم ضليت عندو شي ساعتين لبين ما أجا دوري بالتصوير وقال ما بيقدر يدبر دورة امتحانات الماجستير السنة الماضية   قال كلها كانت دورات أصلاً


عنجد الدراسة لهالفحص سئيلة كتير بيحس الواحد حالو عم يكسر حجار وما بقى في نفس لدراسة شي ويبعت حمى للدورات شو بتلاقي فيها حلول مختلفة وخاطئة   


على كل حال الله يقدم اللي فيه الخير
موفقين جميعاً

هادا الرد تفسير "ليش"

لأنو هيك ما بيقدروا الطلاب يسحبوا وراق من الامتحان، وبالتالي ما ضل شي اسمه دورات. وهيك إذا اجت دورات ما عاد في مشكلة لأنو الطلاب ما معهم الدورة بالأصل.
                         

السلام عليكم

مممم.. والله هي ما خطرتلي بالمرة.... بس كمان هيك المساوئ أكثر... أولا أكيد رح تاخد القصة وقت أكبر بالتصحيح... (هنن بورقة كانوا يتلبكوا فيها)... تانيا هون احتمالات التلاعب صارت كبيرة كثير كثير ... يعني هديك الورقة كانت باسمي وما ممكن تتغير... أما هون ممكن تتبدل الوراق بسهولة كبيرة وما في مين يدقق....؟؟؟؟!!!!