أكيد في ناس ما عبتتذكر السنة الماضية ....

أنا بنفسي ما درست سمير النوري وجاوبت أكتر من يلي دارس ...

عيسى حسن مين يلي قرأ محاضراته ....يمكن إجا سؤال واحد من المنهاج ما من الدورات عن رمز غروب الشمس مدري غيره ..

أنطون مين درسه غير هالكم واحد ...وبالأخير غير ال4 أسئلة إجا شي جديد وع أساس يلي دارس عرف يحلون....

أكيد أنا ما عبقول لا تدرسوا بس في شي أبدى من شي ...

طلع في مين بالو طويل أكتر مني عالرد

الظاهر إنو ما حدا عم يفهم عالتاني

خلص المهم المبدأ

خلص هلأ أنا بكمل عنو
                                                                                           
فتحو موضوع جديد وشوفو مين يلي نفسو طويل
                                                                                   

       

يا جماعة حدا عم يشعر بشعور غريب متل ما أنا عم أشعر و نحنا على أبواب التخرج

هلأ كنت عم اتفرج على صورنا بالجامعة و صار يخطر ببالي أشكال ألوان

صرت فكر ياترى متل هالأيام السنة الجاية كل وحدة فينا وين رح تكون....

والله رغم كل شي عانينا منو بالجامعة بس عن جد بتقبى ذكرى الجامعة حلوة كتير

الله يختار الخير لكل واحد فينا بالمجال اللي فيه خير لإلو....

هي فضفضة عالهامش

يمكن حكيك مزبوط


بس هاد شعور طبيعي......... أنا صرلي فترة من وقت خلصنا الفحص عم حس شعور غير عادي معاكس شوي 



الله يخترلنا الخير....... والله تعبنا



بس هالفصل لازم نشبع من جو الرفقة والكلية قد ما منقدر 
بعده بيصير كل حدا بديره ......... والله أعلم شو مصيرنا بعد هالكم شهر 



يللا لازم ننبسط بالعطلة ......

ما بعرف إذا بحقلي اكتب عندكم.
بكرا بتشوفوا أديش أيام الجامعة حلوة، يمكن أجمل أيام الإنسان هي مرحلة الجامعة. بالرغم من كل شي فيها صعب بس بتجنن.
الحياة العملية كتير كتير صعبة.
اول ما تخرجت بتذكر اديش تضايقت لأني تركت الجامعة، خاصة الطالب اللي بيحضر محاضرات كتير بينتابه هالشعور. بس بعد ما طلعلي ماجستير انبسطت اني رح ابقى بالجامعة بس للأسف كانت تغيرت كتير، كتير من رفقاتنا ما عاد شفناهم وما عاد سمعنا عنهم شي.  
من يومين شفت واحد من رفقاتي من السنة الأولى مالي شايفه، شو انبسطت. بس معقول هيك الواحد يستنى الصدف لحتى يشوف رفقاته.
بس أصعب شي لما بتشوفوا انو الحياة العملية بتغير الناس كتير، ما كنت متخيل اخسر صديق بعد صداقة 5 سنين!!!!!    
بيطلع الواحد من الجامعة كله تفاؤل بيلاقي واقع صعب كتير وبيضطر يقدم تنازلات كتيرة لحتى يقدر يعيش.

نصيحة استمتعوا بآخر فصل الكم بالجامعة، كل يوم ما عاد يمر متله. ونصيحة احضروا كل المحاضرات لا تروحوا شي عليكم. انا متمني احضر محاضرة مع رفقاتي.
بكرا بتصيروا 5 طلاب بالماجستير!!!!!!
يا الله شو متمني يصير شي بحياتي يغيرها كليا طقيت من الروتين ومن التعب    

اقتباس

بس هالفصل لازم نشبع من جو الرفقة والكلية قد ما منقدر
بعده بيصير كل حدا بديره ......... والله أعلم شو مصيرنا بعد هالكم شهر

يللا لازم ننبسط بالعطلة ......

يا سلام عليك ... اي والله .. خلونا ننبسط بهالفصل المتبقي من غير شر ...

بس أنا بصراحة حابة اخلص ..

لكل شيء أجل .. والكلية أكتر من 5 سنين بتصير تقيلة عالقلب ... يعني كمان الإنسان لازم يصير عندو مجالات تانية يفكر فيها .. وروتين الكلية ومواد وعلامات ومحاضرات وشو بعرفني .. يعني كمان بمل الواحد ...

بعد كم شهر منودع الروتين .. وبيختار كل واحد منا مساره بهالدنيا ..

أكيد مو منودع العلم .. بس علأقل بتتغير هالنمطية يلي عم نعيشها كل يوم ..

بس انشالله نبقى على تواصل .. والحمدلله انو في مشاريع بتجمعنا ومانا متعلقين بالكلية لهالغرض :)




فارما87 ... يمكن انت حاسس بروتين وملل وتعب لأنك بالمحصلة ما طلعت من جو الكلية ..
نفس الدكاترة .. نفس الوضع ... + شغل ... أكيد ماعد رح يضل عندك وقت لنفسك وكمان رح تتعب كتير وتحس بروتين قاتل .. بس انشالله تكون فترة وبتمر ويتحسن الحال شوي وتأمن مستقبلك بالطريقة يلي بتطمح الها ..

الحمدلله على كل حال ..

والله يوفقنا لما يحب ويرضى

لو سمحتو سؤال بايخ ..

بس شهادتنا اسمها BSC  مو pharmD .. مو هيك؟ ولا شو؟

جاوبوني لو سمحتو لأنو الموضوع ضروري

السلام عليكم
                                             
أكيد مو : pharmD
                                                     
بس شو هي الأولى

الأولى ... BSc .. يعني بكالوريوس ..

بس في دول بتعتبر انو الطالب يلي درس 5 سنين بيعتبر أكتر من بكالوريوس .. !

بس ما كتير فهمت هالنقطة ..

انتو شو عندكن فكرة عن الموضوع؟