السلام عليكم:

مشكورين على النصائح

اقتباس

بالدمويات حاولو جيبو الكتاب من بداية السنة ودرسو لحالكم

هالكتاب  منجيبوا من المستودع ؟  شفت مع السنة الثالثة كتاب جديد للدكتور خليل بس أكيد الغلاف بس جديد اما المحتوى !!!!!!!!

شفت الكتاب الجديد

هنن بس مغيرين الغلاف
                                                           
حتى نوعية الورق والطباعة مو مغيرينها من جوا
                                                                             
ويلي صار بالطلاب بالسنة الماضية عنا أنو خلصو النسخ بسرعة واضطرو الطلاب يجيبو محاضرات
                                                                                                   
والكتاب يعتبر أرخص، كمان ما بدكم كل شرح الدكتور

السلام عليكم


شكرا كتير عزبناكم معنا
                                                                                                                                         

آيرون مان حكا كل شي وما قصر


بس الانكليزي هالمرة نصوص علمية أو بالأحرى محاضرات ودراسات عن أمور ممكن تكونوا ما بتعرفوها بالعربي

د.شادن: نصوصها نفسها سهلين وحلوين بس بدهم حفظ

د.فوزة: نصوصها كلها دراسات وقصص من النت وبالفحص بتجيب نص أو نصين جدد وعليهم أسئلة وباقي الأسئلة (اختر الكلمة الغريبة) و شرح لكلمة واحزر شو هي....بس هي الكلمات بتكون من النصوص يللي أخدتوها بالفصل......
بس حتى نصوص فوزة بدها دراسة وحفظ ......


=========================

الفصل حلو بس العملي طويل وبيعذب شوي:

وكتيييييييييييييير ضروري تعرفوا تستخدموا الآلة الحاسبة بطرق سريعة بعملي الحيوية....... لأنه فحصها سباق مع الزمن يا دوب الواحد يرفع راسه بيلاقي الوقت خلص



عيشوا حياتكم بفصل الدورات لأنه دراسياً سهل .......... بس أبشع يوم بحياتكم رح يكون يوم الدراسة لفحص عملي الصناعية لأنه بيكون جنبكم شي 35 حلقة بحث وكلهم بدهم قراءة مع أنه الفحص ما لقيناه كتير صعب كأسئلة




موفقين

السلام عليكم

عن جد للوهلة الأولى حسستوني إنو مالي من الدفعة معكم!!!

كتير عم تبالغوا مشان الدورات!!!

يعني شوي تانية بتقولوا للعالم إنو لقينا علامات ملحوشين عالأرض و جبناهم!!!

شو نستوا أديش هلكنا بالفصل

و بعدين مو لهالدرجة كان الفصل دورات!!!

هلأ أسئلة أنطون بس مغير 4 أسئلة!!!!!!!!!

يعني حتى العقاقير اللي قلت إنو إجت الدورة متل ما هي و هالشي مو صحيح 100 % ففي أسئلة من الدورة ذاتها الله أعلم من وين مصدرها!!!

يا جماعة اللي بدو علامة لازم يدرس كل شي بالإضافة للدورات لإنو الدكاترة ما منعرف شو بطلع براسهم

و أهم شي بدي قلكم و من قلب محروق

نزلو نق من أول السنة على دكاترة مادة الدمويات و المناعيات إنو يصححوا المادة بالفحص على جميع النماذج لإنو مأساة التصحيح على نموذج واحد تكررت مرتين على التوالي

و نصوص د. فوزة بالانكليزي ما بدها حفظ كلها
يجب قراءة النص و حفظ الكلمات الغريبة و بعض الأفكار اللي مبينة بقلب المحاضرة إنو لازم تحفظوها
أما د. شادن فيجب حفظ النصوص كلها لأنها بتدقق عالكلمة

موفقين

[[نزلو نق من أول السنة على دكاترة مادة الدمويات و المناعيات إنو يصححوا المادة بالفحص على جميع النماذج لإنو مأساة التصحيح على نموذج واحد تكررت مرتين على التوالي]]

لا حياة لمن تنادي

لو بيهتمو ولو 1% كانو ما كررو خطأ التصحيح بسنتنا

بالنسبة للعقاقير فكان الفحص نص دورات ونص أسئلة من المريخ

(متل وقت سألني عصام آغا عن الزيت الطيار بالبولدو واستطبابو ومضاد استطبابو)

الإنكليزي سهلة كتير

بس المهم ما يصلحو على نموذج واحد

عموماً حسيت أنو كل سنة بيفرضو عليهم مجال محدد من العلامات ما بخلونا نتجاوزو (بس معلش ننزل عنو)
                                                               
يعني يا الأسئلة بتكون خرندعية مستحيلة
                                                                         
يا بايخة بس بيحذفو علامات من الكل (مو الكل الكل طبعاً)



الله يستر اليوم من علامة المشافي

يمكن إحملها

ما توقعت لاقي حدا متلي فايت عالمنتدى من وش الصبح

اقتباس

الله يستر اليوم من علامة المشافي

يمكن إحملها

والله حاسستها جبل و قاعد على راسي

و عم ادعي الله إنو يا تكون علامة منيحة يا أما احملها أحسن

و الله لا يجعلنا من النادمين بس ندمت لإني ما انسحبت من المادة

يلا كلو خير من عند رب العالمين

اقتباس

كتير عم تبالغوا مشان الدورات!!!

ذا مو كلهم دورات وعلّقت مادتين برئاسة الجامعة نظراً لارتفاع وتشابه غريب بالعلامات كيف لو كانت دورات

عقاقير : دورات ...... من جهتي درستها كلها وطلع متلي متل يللي دارس صفحتين العاسمي.
صناعية: د.عيسى وحتى شوي من د.فلوح دورات...
انكليزي: د.شادن دورات..........بس يمكن رح تبطل تجيب دورات

د.ليلى: دورات
د.خليل: 80% صار دورات.....بس نحنا كنا أول دورة.
د.أنطون: بدنا نقول نصفه دورات



وبتقولوا مو دورات !!! 



أكيد ما عم نقول للطلاب ما يدرسوا لأنه دفعتنا ودفعتهم عجيبي الحظ...... بس حدا بينكر أنو ف2 سنة رابعة أسهل من غيره بمنيح بس لولا طول العملي فيه؟

================

يللا يا جماعة "قدر الله وما شاء فعل" حاجة تفكروا بالمشافي........هانت اليوم بتطلع ومنشوف شو الله قدرنا نجاوب بهالفحص العجبة

دورات ...

بس انتو وشطارتكم لتجيبوا الدورة وتدرسوها منيح ...

أنا بنفسي ما درست ولا كلمة من د.سمير النوري (إلا شوي) وأخذت فوق ال80 يمكن وقتها

أنطون رفقاتي ما حدا درس منون النوطة تبعه وحابوا فوق ال80 متلون متل غيرهن

صحة بدون تعليق

صناعية عيسى حسن دورات وأنا ما درست ولا كلمة وما حدا درس ..

حتى فلوح كله دورات ...

دمويات ما دورات ..

انكليزي الله أعلم لأني فرنسي

ع كل حال ادرسوا ...لنشوف شو بدها تنفعكم الدراسة .....!!!!!!!

محمد

بدي أنصحك نصيحتين و ياريت تتقبلن مني

الأولى نصحوني ياها ناس الله يجزيهم الخير

و الثانية من تجربتي الشخصية

1- لا تتخذ مبدأ التعميم بحياتك ( التعميم عمى )

2- ليس كل ما يقال يصدق و إن كان القائل لا يقصد الكذب عمداً

إن شاء الله تكون وصلت فكرتي