مرحبا لونا  .........فعلا ماشا الله حولك ما منلحقلك مواضيع حلوة .           ......المهم .أنا بعتقد بفكرة مابعرف اذا حدا بيوافقني عليها .الفكرة هيي أنو (اذا دخل الفقر من الباب ......يهرب الحب من الشباك ) ;         طبعا مو قصدي بكلمة الفقر أنو الواحد مابيقدر ياكل ويشرب .بس قصدي أنو ما يقدر  يوصل لمستوى محدد من الرفاهية مشان  يقدر يفكر بالحب والحياة الزوجية والسعادة  وبهالأمور هي..       ..........يعني باختصار ......اذا الشب مو جاهز تماما ومرتاح ماديا .. رح يحب خطيبته بفترة الخطبة  وبعدين... ما رح يموت هالحب  لأنو الحب ما بيموت ......بس ينتسى  ---بسبب  مشاغل الحياة ..         .........هادا رأيي بكل تواضع         .......تقبلي مروري ......مع احتراامي الفائق لك.              

شكراً لونا على الموضوع الهام والمميز
وبصراحة هذا الأمر يحدث بل ويحدث بكثرة
وبرأيي أن السبب هو الأساس المغلوط والتكتم في فترة الخطوبة
لأن الأسرار عندما تكشف بعد الزواج تقلب الأحلام رأسا ً على عقب
وبعد الزواج ومن الأمور التي لا أقول تقتل الحب ولكنها تقارعه وتزاحمه
هي الروتين وانشغال الزوجين عن بعضهما بأمور قد تكون ليست ذات شأن
وهناك سبب هام برأيي ألا وهو تراكم المسؤوليات فقبل الزواج لا بد أن يستعد كل من الطرفين لتحمل مسؤولية المنزل الذي سيوأسس كل حسب اختصاصه أما قبل الزواج فإن كل ما يشغلهم هو الرومنسيات الدافئة والكلام المعسول

تقبلي مروري ودمت بحب

أختي لونا حيياك الله وطابت أوقاتك بالخير......

قضية الحب والزواج قضية شائكة ومعقدة لتعدد الأسباب والأهداف والمنطلقات...

دعينا من المهاترات ولنتكلم بواقعية وجدية،بصراحة لا توجد فترة أحلى ولا أرقى من فترة الخطوبة التي تسبق الزواج،فكل طرف يحاول أن يبدي أحلى ما عنده وأن يظهر بأبهى صورة تجاه الطرف الآخر ليكسب وده ومحبته،لكن بعد الزواج ما الذي يحدث؟؟؟؟

المعاشرة والعيش ضمن بيت واحد تكسب الطرفان تجربة حقيقية وصادقة تظهر كل طرف على حقيقته بعيداً عن كل التصنعات سواء أكانت مقصودة للكذب والاحتيال أم هي غير مقصودة..

هنا بالضبط يبدأ مسلسل الضياع والتفكك والتنافر وتبدأ المشاكل(طبعاً ليس عند الكل)لأن كل طرف أو أحدهما لم يفكر ملياً ويسأل نفسه لماذا أتزوج؟؟؟؟

طبعاً الكذب أو الخداع أو قلة المسؤولية أو ما شابه ذلك كله يؤدي إلى فقدان المودة بين الزوجين إلى أن تصل الأمور إلى الطلاق المبكر الذي بات يحدث وللأسف بالعشرات بل بالمئات يومياً ولا حول ولا قوة إلا بالله....

فالمطلوب منا نحن الشباب(ذكوراً وإناثاً)أن نعي عظم هذه الخطوة(المقصود بها الزواج)ونوطد أنفسنا لتحمل أعباء وتبعات الزواج بما يحقق الحياة السعيدة ويوجد أسرة متماسكة متحابة فيما بينها،وأن نكون صادقين من البداية في تقديم أنفسنا للآخر لأن هذه الخطوة ليست لعباً وتسلية وإنما خطوة تترتب عليها إرتباط واندماج بين طرفين كل منهما نسج أحلام حبه على مآقي شريك حياته....


تقبلي مروري المتواضع ومشكورة مجدداً على هذا الطرح الرائع والمفيد....والسلام


ملاحظة خارجة عن الموضوع:خيتو عنجد جننتيني بهالكتابة ياللي عم تكتبي فيها مرة الخط كبير ومرة صغير ومرة أحمر ومرة أزرق وفوشي ونيلي و.......وإبتسامات من هون وأشكال من هناك يحرق حريشك شو إصة هالكتابة معك طبعاً هاد من باب المزاح لا أكثر لا تاخدي على خاطرك حبيت أغير جو بس والله يعطيك العافية..........


WAR FACTORY

المشكلة بموضوع الصراحة

لانو بصراحة قبل الزواج مافي صراحة

بيحاول الطرفين يجملو حالون

وبيتركو كتير أمور لبعد الزواج

بس أحيانا أو غالبا بينصدمو انو هنن مو متوافقين ولا متفاهمين
المطلوب هو الوضوح ومعليش مشاكل قبل الزواج هي الحل لمشاكل الزواج

حتى ما يكتشفو بعدين انو هو بعالم وهي بعالم

أهلا معتز

اقتباس

...بس المشكلة انو يفسرو الطرفين على انو حب..اما الحب الحقيقي بيعيش يا حبيبي...وما بيموت

ماهي مشكلتنا نحنا احيانا حتى بكون الحب للطرف التاني هو حب اخوة لااكتر ولا اقل بس بفكرو حالهن انو حبيبين وبالنهاية بيستنتجو انو هنن مو لبعض ومارح يتفقو كحبيبين ولزم تبقى علاقتهم علاقة اخوة وبس

مشكور لمرورك مرة تانية

نووورت

أهلا عموري

اقتباس

المطلوب هو الوضوح ومعليش مشاكل قبل الزواج هي الحل لمشاكل الزواج

حتى ما يكتشفو بعدين انو هو بعالم وهي بعالم

طيب بضل الحكي حكي ...والحكي مو متل الواقع ؟؟؟؟ اللي تعلمنا شي وواقعنا شي تاني
هلأ مثلا انت بتقدر لحبيبتك او خطيبتك تكون قدامها كتاب مفتوح من قبل ما تتزوجو؟

أكيد ماح تقدر بالفطرة لأن ولو عصبت علها مثلا رح تحاول تكتم هالعصبية اذا مو مشانها مشان اهلها

هادا مثال بسيط

دمت بخيرررررر

أهلا Sad

اقتباس

مرحبا لونا  .........فعلا ماشا الله حولك ما منلحقلك مواضيع حلوة .            ......المهم .أنا بعتقد بفكرة مابعرف اذا حدا بيوافقني عليها .الفكرة هيي أنو (اذا دخل الفقر من الباب ......يهرب الحب من الشباك )

لك أهلا وسهلاااا

تسلم ياااربهاادا من لطفك

مو عند الكل هالفكرة
والله في عندي بعض من رفقاتي أزواجهن وضعهن عدم أو اكتر من العدم وعايشين ومبسوطين ومافي احلا من هيك

هلأ هادا الشي ممكن يأثر ع البنت الغير قنوعة
أما اذا كانت مقتنعة باللي قسملها ياه ربنا فرح ترضى بقسمتها ومو بس هيك رح تساعد زوجها ... ولو ماكانت المساعدة مادية فبتكون معنوية

دمت بخيرررررر اخي

وردة دمشق

اقتباس

وهناك سبب هام برأيي ألا وهو تراكم المسؤوليات فقبل الزواج لا بد أن يستعد كل من الطرفين لتحمل مسؤولية المنزل الذي سيوأسس كل حسب اختصاصه أما قبل الزواج فإن كل ما يشغلهم هو الرومنسيات الدافئة والكلام المعسول

أهلا وسهلا اختي نورتي
هي انتي اول مرة بتحكي فكرة جديدة
بالفعل  قبل فترة الزواج ماحدا بكون حاسس  لا بالهموم ولا بالمشاكل ولا بالمسؤولية الكبيرة اللي رح يتولو قيدتها
وخصوصي البنت
لأن رح تلاقي مسؤولية البيت عبئ عليها وطلبات زوجها اللي ما بتخلص

وبصراحة انا هادا سبب رفضي للزواج حاليا لأن مع انو عمري مناسب بس بقول لأهلي أنو أنا لسا ما خرج أحمل مسؤولية وبيت

العمر قدامي مو ورايا.... بس اهلي طبعا ما بيقتنعو بأفكارررري الفيلسوفية ع حد قولهن

دمتي بخيرررر

WAR FACTORY

أول شي نووورت

بالضافة للأشياء اللي اتفضلت وحكيتها أنا بعتبر انو الروتين هو من اهم الأسباب للمشاكل
لأن رح يولد الملل
وبس يدخل الملل لقلب أحد الشركين بتصير كارثة
بصير بينكش المشاكل من تحت اضافيره نكش بس حتى يفتعل مشكلة

أنا بطبعي مابحب الروتين .... بكره الروتين بشكل فظيع
حتى المشكلة احيانا بين الزوجين بتعمل جو..... يعني حلو الزوجين يتصالحو بعد ما كانو متزاعلين

هلأبرأي انا هي مسؤولية المرأة وواجب عليها انو تحاول لا تمل ولا تخلي زوجها يمل منها وكل فترة والتانية تعمل حركات بسيطة أو جو بالبيت حتى مايدخل الروتين والملل لقلب الشريكين

أما بالنسبة لكلامك هاد

اقتباس

ملاحظة خارجة عن الموضوع:خيتو عنجد جننتيني بهالكتابة ياللي عم تكتبي فيها  مرة الخط كبير ومرة صغير ومرة أحمر ومرة أزرق وفوشي ونيلي و.......وإبتسامات من هون وأشكال من هناك يحرق حريشك شو إصة هالكتابة معك  طبعاً هاد من باب المزاح لا أكثر لا تاخدي على خاطرك حبيت أغير جو بس والله يعطيك العافية..........

سبق وقلتلك أنا مابحب الروتين
لهيك كل مرة بعمل شغلة شكل
حتى بمواضيعي مرة جاد مرة نقاش مرة علمي مرة ديني مرة فرفشة مرة خبر ومرة من اخصاصي اللي عم ادرسو

بحس هيك الحياة الها نكهة وطعم احلى

لا اطمن مافي داعي اخد ع خاطري بالعكس كلامك وملاحظتك فرحتني واطمن روحي رياضية ومطاطة وبتقبل الحكي ولو كان دج فشلون وكلامك حلو وفي شيء من الطرافة

دمت بخيررر

السلام عليكم أختي لونا.....

اقتباس

أول شي نووورت

نور الله قلبك وفؤادك...

اقتباس

أنا بطبعي مابحب الروتين .... بكره الروتين بشكل فظيع

هذا كلام جميل ورائع،فالروتين يقتل روح الإبداع والابتكار والتغيير في جميع نواحي الحياة وعلى كافة المستويات وليس فقط محصوراً في مسألة الزواج(للإضافة لا للإنتقاد والتضاد)،فالاستجابة للمتغيرات والمرونة في الحياة تبعث فيها رونقاً رائعاً وتضفي عليها شكلاً آخر بعيداً عن الملل والتقليد والعادة.....

اقتباس

هلأبرأي انا هي مسؤولية المرأة

بصراحة.....المسؤولية مشتركة للرجل والمرأة......فما يحبه الرجل من المرأة ويريده منها،أيضاً المرأة كذلك تريده من الرجل،فالمسألة مسألة متبادلة بين الطرفين بتعاونهما وتحاببهما يخرجون من الروتين الذي أشرت إليه والذي نستطيع أن نتجاوزه بمجرد الرؤية المختلفة للحياة الزوجية من كلا الطرفين.....

اقتباس

سبق وقلتلك أنا مابحب الروتين
لهيك كل مرة بعمل شغلة شكل

اقتباس

لا اطمن مافي داعي اخد ع خاطري بالعكس كلامك وملاحظتك فرحتني واطمن روحي رياضية ومطاطة وبتقبل الحكي ولو كان دج فشلون وكلامك حلو وفي شيء من الطرافة

أنا أمازح فقط ولا أريدك أن تغيري أسلوبك في الكتابة فلكل أسلوبه وطريقته في التعبير وأنا لن أكون سعيداً إلا إذا رأيتك تكتبين بنفس الأسلوب شكلاً ومضموناً....


طابت أوقاتك بالخير أختي لونا وتقبلي مروري المتواضع والسلام......


WAR FACTORY