هلأ الحب فعلاً شغلة متل مابتجي ممكن كمان تروح.........

بتجي وبتترسخ لأنو كل طرف بيتغاضى عن عيوب الطرف الآخر
حتى السيئات بشخصيته ممكن يستعذبها

بعد الزواج الموضوع بيختلف:
يعني كل طرف بيطلب من الآخر المثالية,لأنو القصة صارت جد أكتر
يعني بيت وأطفال ومسؤولية عيلة كاملة

مثلاً ممكن الشب قبل الزواج يضحك وينبسط من خطيبته يلي حرقت طبخة أويلي مابتعرف تطبخ أبداً ...........بس بعد الزواج أكيد مارح ينبسط 
هاد مثال بسيط

هي تعودت تشوفه مأنق مجلجل شعراتو وماتعودت تشوفه فايق من النوم وشعراتو منكوشين...........

هو اتعود لماكان يزورها ببيت أهلها تستقبله مبتسمة معطرة ............وماتعود تستقبله
وهي عم تخانق الولاد وموملحقة تعتني بحالها لأنها عم تطبخ..............

كل هي شغلات عادية وبتصير وبصير أكبر منهاكمان

المهم يكون في استيعاب من الطرفين واحترام متبادل بحيث حتى لوغاب الحب ممكن المودة والألفة ترجعه
ممكن المشاعر والاهتمام يصبوا باتجاه الأولاد وهاد الشي لازم يقدره الطرفين

بشوية وعي ممكن تستمر الحياة الزوجية بهدوء وسكينة
والحياة الزوجية متلها متل كل شي بالحياة ,عطيها حب بتعطيك سعادة

مشكورة لولو عالموضوع

أبيض القلب

وهذا ما قاله الله : ومن اياته ان خلق لكم من انفسكم ازواجا لتسكنو اليها

صدق الله العظيم

نوووورت اخي القلب الأبيض

بس انو مابعرف ليش الاقتباس بطل يشتغل عندي

دمت بخير

مشروع مهندسة

اقتباس
مثلاً ممكن الشب قبل الزواج يضحك وينبسط من خطيبته يلي حرقت طبخة أويلي مابتعرف تطبخ أبداً  ...........بس بعد الزواج أكيد مارح ينبسط 

بعرف وحدة انو لانها نسيت الاكل عالنار واحترقت الطبخة جوزها طلقها واتهمها بعدم المسؤولية وااللا مبااالاة
تخللللللللللللللللللللللللللللللففففففففففففففففففففففففففففففففففففففففففففففففف


ومتل ما حضرتك حكيتي لازم يكون في استيعاب من الطرفين وماحدا يوقف من التاني ع خطئة صغيرة او كلمة بساعة غضب
وخصوصي اذا كان ولاد بالنص
أهم شي لما يكون الرجال معصب تحاول المرأة تهديه وتستوعبه وماتعيط معو كمان لان رح يشتد الحوار اكتر واكتر وبعد ما يهدأ ويروق تحاول تورجيه أخطاءه بطريقة حلوة لأن الرجال احيان بيكره النقد وخصوصي من مرته

وهادا الكلام ببينطبق ع الزوج نفس الشي


دمتي بخيررررررر

ومشكوووورةةة لردك  اللميزز متلك

ماشاء الله عليكي ..................

يعني إذا كانوا كل بناتنا هيك واعيين فأكيد رح يكون
مستقبل العلاقات الزوجية بمجتمعنا أفضل

NanO0o

هلأ لا ما بتوقع انو الخطوبة الطويلة سبب بالبعد او الجفا

بس اكيد الخطبة الطويلة الها اثار سلبية كتير واهمها كتر المشاكل واللعي الزايد من هون وهون

بالعكس كل ما كان في حب اكتر كل ما العلاقة بتزذاد اكتر واكتر

نووورررررت

moaz alhalabi

أهلا وسهلا اخي

اكيد  اهم شي بالعلاقة بين الشب والبنت هي الصدق
وهالشي مفقود بهالأيااام
صعب انك تلاقي بنت او شب هيك

او بالحرى في بس انو صعب يتوجد بشريكين

هلأ انشاء الله يارب بتتوفق بشريكة حياتك وتكون متل مابدك

دمت بخيرررر

ما شاء الله لونا الواحد ما بيلحق يرد على موضوع الا بتكوني طلعتي بموضوع احلى منو
الحب أين يذهب بعد الزواج؟سؤال حلو..........بس جوابو مختصر كتير وهو:ان الحب لا يذهب الى مكان بل يبقى في القلوب وحتى انه يزداد يوما" بعد يوم........ومن الخطأ ان نشبه الحب بالجمرة المشتعلة التي تخمد مع الزمن ..أو نسمع تفسير عن الفتور في العلاقة الزوجية مما يؤدي الى اختفاء الحب......اما الذين يشعرون بضياع الحب بعد فترة سعيدة وجميلة فيكون هؤلاء للأسف لم يقعوا في الحب الحقيقي وانما ظنوا ذلك..
ومن الحب ...يبدأ فهم الوجود .فكيف للعالم ان ينقلب جاهلا" بعد علمه..
وبالحب ..سر الحياة العميق ... فكيف لمن اكتشف السر ان يعود ويختفي عنه؟
تقبلي مروري

                                                        ..............معتز

mutaz**

اي شوهاد ابدعت بالجواب لك معتزززز
والله هادا احلى رد بقرأه

ان الحب لا يذهب الى مكان بل يبقى في القلوب وحتى انه يزداد يوما"

والله هالجملة كتير حلووووةة

بس ياااريت الكل يكون هيك

لأن في عالم كتير بتقول

الحب اعمى ولكن الزواج يعيد له النظر

وع فكرة معتز انا غيرت عنوان موضوعي وحطيتو الحب اعمى ولكن الزواج يعيد له النظر

مابعرف حسيت انو هالعنوان مناسب الو اكتر من العنوان السابق

دمت بووووووووووود

والله يا لونا صدقيني انو الحب اعمى صح...بس الزواج ما بعيد له النظر...وانما يكشف الحقيقة للطرفين..
وطبعا" ما مننكر وجود حب المراهقة (بس هاد لا يعتبر حب حقيقي )وكمان في حب المجاملة أو الاعتياد أو حتى الاعجاب الى درجة كبيرة ...بس المشكلة انو يفسرو الطرفين على انو حب..اما الحب الحقيقي بيعيش يا حبيبي...وما بيموت
سلام من جديد