أنا حابة أحكي عن كليتي لكل الطلاب اللي خلصوا بكلوريا وطلعلهن صيدلة 
يمكن كتار كتبوا عن الكلية وموادها والدكاترة والمخابر وكل شي فيا
بس أنا حابة أكتب عن جمال الكلية 
أنا بصراحة بشوف كلية الصيدلة أحلى كلية بالعالم وبقول لكل اللي سجلوا صيدلة ومانهن مقتنعين : أنا متأكدة إنو رح يجي يوم وتعشقوا فيه هالكلية
أنا أول ما فتت عالكلية ما كنت حاببتا بنوب كان بدي طب أسنان
بس أخر يوم بالسنة الأولى كتير إنزعجت بتعرفوا ليش
لأنوا مضت أول سنة من أحلى سنين عمري وراحت وما عاد ترجع
أنا بحب كليتي كتير وبصراحة بكره اللي بيقول عنها إنها مو حلوة
هلأ في مساوئ كتيرة بالكلية بس مع هيك بتجنن
أحلى شي فيها الهدوء
وخصوصاً الساعة 9 بيكون الكل بمحاضراتو واللي ما بيحضر بيكون بعدوا ما إجى أو بالمكتبة
أنا بهالساعة بحس حالي كأني بالمدرسة ما حدا بيطلع من صفووالباحة بتكون فاضيه
هاي هي كلية الصيدلة الساعة 9
بس نادراً بيصير فيا ضوجة كتير لحد ما تختنق من كترة الناس هاي الضوجة اللي ما بتتوقف بباقي الكليات
أنا واثقة إنو كل مين فات على كلية الصيدلةودرس فيها بس طلع منا كان كتير زعلان 
الحضور عكيفك
العلامات بعد يومين بتتطلع
العميد بيجنن وأنا بحبو كتير رغم إني ماحكيت معو ولا مرة 

عن جد
كليتي أحلى كلية 

معك حق بكل شي قلتي

وخصوصي وقت زعلتي أنو خلصت أول سنة

لأنو جد ... أول سنة بكل المقاييس

يعني كانو صف أول بالمدرسة

جو جديد ... نظام جديد ... نسينا كلمة أستاذ وما صرنا نقول غير دكتور

...............

أنا حكيت كتير أنو كان طموحي صيدلة ... ومالي ندمان بنوب

لأنو لو قارناها بغير كليات بتطلع أحسن كلية ..

وشكراً علا على الموضوع

عنجد معك حق



و مع اني ما فتت عالكلية غير مرتين بس كتير كتير متشوقة بلش داوم فيها

شكرا كتير الك عالوصف عنجد شوقتيني للكلية
بس بالاول انشالله يطلعلي...يا رب ...لاني عم استنى مفاضلة الموازي...ادعولي
و مع هيك انا كتير خايفة من الكلية ومن الجو الجديد ومن الطلاب وخايفة كتير كتير من اني ما لاقي رفقات يفهموني وافهمون  .....آسفة عالاطالة...

"moon"

منيح أنو بتحبي كليتك
وهيك لازم كل واحد
فمع أنو في نقص بكتير أمور
بس بالمقابل هي أحسن من غير كليات
واختصاص الصيدلة من أجمل الاختصاصات

"هلا"

نشالله يطلعلك صيدلة
والشغلة ما بدها خوف
الواحد من أول كم يوم بيتعود عالجو
والمهم الواحد يعرف يتأقلم مع أسلوب الدراسة
لأنو الجامعة مو متل المدرسة

"silver."

موفقة بالصيدلة
عندك 5 سنين
ومع هيك الواحد بضل بيشتاق للكلية

اقتباس

و مع هيك انا كتير خايفة من الكلية ومن الجو الجديد

مافي شي بينخاف منو بنوب

بالعكس تماماً ....

حاولي ما تضيعي هلفرصة الحلوة أنك تتعرفي على ناس جدد وجو جديد

أنا بأول السنة كنت لحاااااااااااااااااااالي وما عندي ولا رفيق ...بس هلأ كل الكلية رفقاتي

ومتل ما قال زيد ... يعني الكلية مالا مثالية ... بس بتضل أحسن من كتير كتير كليات ...

وأكيد نحنا (السنة التانية) على طول بجاهزين إذا اعتزتو أي مساعدة

اقتباس

ومن الطلاب وخايفة كتير كتير من اني ما لاقي رفقات يفهموني وافهمون

هلأ إذا خايفة من الطلاب أنك موازي ... ما في داعي للخوف

لأنو عنا طلاب موازي سابقين كتييييييييييير عالم فايتين بعلاماتهم ...

أما إذا خايفة أنك ما تلاقي حدا يفهمك ...

فهي بسيطة ... لأنو بالكلية في مشكل ملون ... 

اقتباس

بس هلأ كل الكلية رفقاتي

أي مظبوط.........حسان صوره منتشرة بكل الكلية

وعفكرة بدنا نعين حسان نائب العميد لشؤون الاصدقاء..

شو رأيك حسان.....بتقبل؟؟


   

اقتباس

حسان صوره منتشرة بكل الكلية

بيكفي أنو مافي حدا اسمو حسان غيري ... بالسنة التانية والتالتة والرابعة

بالخامسة لسا ما بحبشت ... والأولى ما بنعرفهم لسا شو أسمائهم

اقتباس

وعفكرة بدنا نعين حسان نائب العميد لشؤون الاصدقاء..

ومين العميد؟؟!!؟؟

"حسان"

إنت قلت أنو بالرابعة مافي حدا نفس اسمك

إذا قصدك طلاب الرابعة يلي هلأ صارو خامسة

فأنا بقلك مافي حدا بنفس اسمك

بس إنت شفلي في حدا بنفس اسمي

لأن ما بعتقد في

بتعرفني .....فريد من نوعي :) :)

اقتباس

إذا قصدك طلاب الرابعة يلي هلأ صارو خامسة

فأنا بقلك مافي حدا بنفس اسمك

لا كان قصدي بالتالتة اللي صارو رابعة

هيك صار ما في حدا بالكلية كلها اسمو حسان غيري

اقتباس

بتعرفني .....فريد من نوعي

   

حتى لو كان في نفس اسمك مع انو ما بعتقد

بس ما رح يكون متلك