كلية الصيدلة كتيييير حلوة
دائما بحمد الله يلي صحتلي وقدرت
حقق رغبتي وأنا هلأ كل ما اتزكر أوقاتي
فيها ببتسم ولو إنو بوقتها ماكنت حس بمتعة
وأنا عم ادخللها ودائما ماصدق ايمتى يمر الوقت
وتخلص المحاضرة وتخلص هالتجربة خصوصي الفصل الأول
يمكن لانو اول سنة وكل شي كان جديد بس برجع بقول
أنا كتيير بحب كليتي وبزعل عالأوقات يلي قضيتها وأنا هكلانه هم
بتمنى انو ارجع للسنة الجديدة واستمتع بكل لحظة فيها

وبقول لكل بنت مترددة بدخولها انو الصيدلة أحلى فرع للبنت على الإطلاق 

السلام عليكم ورحمة الله وبركاته

فعلا كلية الصيدلة رائعة واحلى كلية بكل شي فيها
كانت دائما حلمي والحمد لله قدرت ادخلها
يمكن السنة الاولى كانت غريبة شوي وما حسيت حالي ارتحت فيا كتير

اقتباس

جو جديد ... نظام جديد ... نسينا كلمة أستاذ وما صرنا نقول غير دكتور

بس كلشي باولتو صعب
ومع هيك بتمنى ترجع
بس متفائلة انو ان شاء الله السنين الجاية بيكونو افضل كمان...

اقتباس

انشالله بيطلعلك صيدلة وبتحققي حلمك

منصير 2 موازي
ناقصنا وحدة تالتة وبيطلع الكنز

إذا عالكنز فعندك شي ؟؟؟؟ كنز .... 

يلا الحمدلله يلي انوجدت هالفرصة .. وصار بالإمكان انو الواحد ما ينحرق قلبه إذا نقصه كم علامة عن الفرع يلي بحبه 


بتعرفو عسيرة حب الكلية .. كنت عم فكر من كم يوم انو هلأ نحنا سنة تخرج بإذن الله .. وفجأة بدال الشعور بالسعادة اجتني حالة اكتئاب انو كيف هالسنة وخلص ..

وحتى لو انقبلنا بالدراسات .. فسنين الدراسة بتضل مختلفة ومميزة ..

في أيام كانت من أحلى أيام حياتي وفي أيام كانت الأسوأ والأكثر إيلاماً .. بس طبعاً الكفة بترجح للأحلى ومع حبتين زيادة كمان 

حاسة انو حكيت كتير ..

يلا خلوني ذكركن بهالحكي لما نبلش دواااام 


موفقين

اقتباس

يلا خلوني ذكركن بهالحكي لما نبلش دواااام 

     

صدقي ما كنت بدي شارك لولا أني اتضحكت من كل قلبي على هلكلمتين
                                                                                               
بس من صف الأول ونحنا هيك ... كل شي ممنوع مرغوب
                                                                                                                   
                                                                                                                                           
                                                                                                                                                 

اقتباس

ناقصنا وحدة تالتة وبيطلع الكنز

مو ضروري تستني

أساساً نص الكلية صفيانة موازي

"وأنا منهم"

-------------------------------

اقتباس

بتعرفو عسيرة حب الكلية .. كنت عم فكر من كم يوم انو هلأ نحنا سنة تخرج بإذن الله .. وفجأة بدال الشعور بالسعادة اجتني حالة اكتئاب انو كيف هالسنة وخلص ..

------------------------

اقتباس

مع إني ما جمعت حتى مجموع الموازي
و فتا على مفاضلة طلبة العرب و الأجانب

أساساً لو كان الواحد معو 100% بس شهادة من برا

أعلى اختصاص يمكن يطلعلو هو الزراعة ولا حتى أي نوع من الهندسات

حاكم بقيمولو 10% من معدلو

أهلا ومية سهلا بالطلاب الجدد  شرفتو ونورتو الكلية

مشان الخوف فهو شئ طبيعي
يعني أول ما بتفوتو عالجامعة بتحسو أنكن صرتو بغير دنيا(يعني انسى البكلوريا ومزمز ميرندا )
خاصة يلي بيجو من غير محافظات وخاصة إذا هالمحافظة نامية
ع الشام ضربة وحدة ....بدو يتغير الجو كتير(للأفضل طبعا)
بس لا تخافو عياركن اسبوع ضايعين مو عارفين الطابق الأول من القبو وبعدين بتسيطرو عالكلية بس أكيد القيادة لجماعة التانية لأنو جماعة التالتة مضغوطين بالمنهاج وجماعة الرابعة خايفين يصيرو خامسة وبعدين يودعو الكلية وجماعة الخامسة دوبن يتخرجو ويودعو أما جماعة الثانية لا وراهن ولا قدامهن

المهم في شئ حركلي مشاعري لما قريت انو زعلنا ع السنة الأولى
أي والله كانت  سنة مميزة بكل المقاييس
وشكرا كتير عالموضوع فعلا كلية الصيدلة فخامة

     

اقتباس

هلأ في مساوئ كتيرة بالكلية بس مع هيك بتجنن

كلام معدل و موزوووووون !!     

اقتباس

وعفكرة بدنا نعين حسان نائب العميد لشؤون الاصدقاء

انسان متل حسان قليل عليه ملك الأصدقاء    دمت لنا !