كمان أنا فكرت فيها..

الأب والابن والروح القدس..
لما بفكر بالأب..فيه صورة محددة ببالي

وللابن صورة..
وللروح القدس صورة..
كيف هالشخصيات الثلاثة تساوي واحد..
ما اقتنعت كمان لنفس الفكرة 3 من الآلهة والكون بهالنظام؟؟
صعبة
طيب وين كان الابن  من قبل؟هل إله يخلق إله؟ ..أسئلة كتير ..
ما زبطت معي بالمنطق
ولا حتى بأبسط الرياضات 1+1+1=3 مستحيل =1


طبعا أنا شخصيا ما اقتنعت..يلي اقتنع الله يهنيه..

هلأ نحنا نطينا لموضوع تحريف القرآن بس منرجع للفكرة الرئيسية..
الإسلام يعني الاستسلام للخالق وحده..
يعني في خالق ..
عل ماذا ترد على من لا يؤمن بوجود خالق ,بكل بساطة وبدون تعقيد, منطقيا؟؟

يلا يا جماعة فرفشولنا هالموضوع ..

الأفكار يلي حناقشها..
أول وجود الخالق..
وحدانية الخالق..
شبهات حول الإسلام..

وبعدين منذكر باقي النقاط..
نبلش بالأولى بسيطة وسهلة ما بدنا نطول فيها..

على ماذا ترد على من ينفي وجود الخالق؟؟

السلام عليكم
شكرا كتير عالموضوع المهم
بالنسبة للسؤال عن وجود الخالق
بعتقد انه مافي عقل قادر عالتأمل بهالكون وبعظمة الخلق وما بآمن بوجود خالق عظيم قادر على انه يوجد هالكون
ومافي شي اسمه صدفة
لو تأملنا بأبسط تفاصيل حياتنا رح نآمن أكيد بوجود الخالق

فعلا سلام..
بدها شوية تأمل..
يعني نحنا منطلع مثلا على برج خليفة أطول برج ..منقول ياعيني هالمهندسين يلي اشتغلو عليه شو بيفهمو..مبدعين 
وأكيد مجرد ما نتطلع عليه منعرف قديش كان فيه ورا مهندسين وعمال ومنعرف مهارتهن من هالبناء كمان
وهاد بس بناء
فكيف الكون بجميع قوانينه الثابتة وكل ما به من إبداع يكون بدون صانع او خالق..
مثال بسيط فقط ..

إذا كان الخلق من صنع الخلق نفسه, فليأتينا المجادل بدليل..
يجيب مجموعة حروف ويرميها لنشوف
بتطلع بيت شعر دقيق وموزون؟؟

شكرا لمشاركتك أختي

بظن فكرة وحدانية الخالق..عطينا لمحة عليها ومافي داعي نخوض بالتفاصيل..
ببساطة سفينة بأكتر من ربان ما بتمشي..
والإله يعني قوة مطلقة لو في قوة مثلها حيخرب الكون..وما حيكون في نظام

المهم مننتقل للنقظة التالية وهي شبهات حول الإسلام ..حإستعين فيها بفيديو من برنامج خواطر

يلي مرق عليه وحدة من الشبهات يشاركنا..

بالعقل يصبح الإيمان أثبت وأقوى وأعمق

حبيت هالجملة يلي ابتدأ فيها أحمد الشقيري حلقته عن شبهات حول الإسلام

التعدد  polygamy

سؤال يكثر عندما نحاور الغرب..لماذا أباح الإسلام تعدد الزوجات ألا تعتبر هذه خيانة وتفضيل للرجل على المرأة..أليس ذلك لأن الإسلام دين شهواني وذكوري ؟

نجيب فنقول..في الواقع الإسلام لم يأت ويفتح باب التعدد بل جاء وحدده..لافي قريش ولا في أي بقعة من بقاع الدنيا قبل الإسلام كان التعدد محظور

قبل الإسلام ..الكتب السماوية السابقة كلها مليئة بقصص عن رجال لهم عدة زوجات وقد تصل الأعداد للعشرات أحيانا ومنهم الأنبياء..

بدلا من عشرات النسوة حدد الإسلام التعدد بأربع نساء فقط ووضع لذلك شرط ليس بالسهل
في إجابة للشيخ أحمد ديدات يقول..الإسلام هو الدين الوحيد الذي جاء بكتاب يقول "marry one.".في ترجمة الآية "فإن خفتم ألا تعدلو فواحدة"..هل في كتاب من كتب الأديان المختلفة كتب هذا الأمر"فواحدة"..؟

والاتهام طبعا مردود عليهم لأنه من التناقض أن لا تبيحو التعدد وتبيحو وجود العشيقة!
لماذا تكون للرجل زوجة واحدة وعدة عشيقات ولا يكون له أربع زوجات؟؟ لديهن حقوق متساوية ؟

إذا التعدد شيء يحسب للإسلام ولا يحسب عليه..
التعدد وبكل بساطة حل من الحلول التي قد تفيد الغرب قبل الشرق..
لو كل رجل بأمريكا مثلا تزوج امرأة واحدة..يبقى ما يقارب 10 مليون امرأة بلا زوج!

(وين بدهن يروحو هالعشرة مليون لبيوت الدعارة ولا بالشوراع ولا هدول تسلاية ليلي مابده يتحمل مسؤولية..)

نقول للغرب ..أقل من 2% من الرجال المسلمين لهم أكثر من زوجة واحدة ولكن هذا الحل قد يفيد مجتمعكم !لأن مجتمعكم هو الذي يعتبر المرأة second creature!

بالعقل يصبح الإيمان أثبت وأقوى وأعمق

زواج سيدنا محمد من طفلة في التاسعة! your prophet is a child abuser??

من أول الاتهامات التي تصيب الإسلام ..اتهام الغرب لنا بأنا نبينا معتدي على الأطفال
"سامحهم يا رسول الله ما بيعرفو"

من الطريف في إحدى المحاضرات بالدنمارك طلب أحمد الشقيري أن يقول كل شخص ماذا يعرف عن النبي في جملة واحدة ..واحد قال الشي الوحيد يلي بيعرفه:
he married a girl of age of 9

طبعا في نقاط كتيرة ممكن نرد فيها
رح نجاوب ونقول..السيدة عائشة كانت مخطوبة قبل الرسول..أي أنها في مجتمع قريش كانت في سن زواج..

لو كان هذا أمر معيب لكانت قريش أول من يقول أنظرو هذا نبيكم..كلنا منعرف قديش قريش كانت عم تترصد للنبي لحتى تمسك عليه شغلة..معقول تكون هالشغلة عيب كبير وما لاحظوها؟؟

بهداك الزمن ..وبمنطقة الخليج خصوصا..البنات كانت توصل مرحلة البلوغ في سن صغيرة وهاد الشي لهلأ موجود ..فما بالكن بالصحراء وبالخيم؟؟ منعرف قديش الجو بيأثر! والسيدة عائشة كانت قد بلغت عندما تزوجها الرسول فما في شي اسمه اعتداء!


ناس كتير ردو عليي وقالو ..يعني 9 سنين وهو كان عمره53 فرق سن كبير لو مالها مجبورة ما بتم الزواج, وفي وحدة تروح وتجي وتقلي حديث عن السيدة عائشة بتقول فيه أنه الرسول خطبها بالسادسة وتزوجها بالتاسعة..
بقلها طيب قريتي بقية الأحاديث؟؟
قرأتي الأحاديث الكتيرة يلي كانت تبين قديش كانت السيدة عائشة تغار على النبي وتحبه"أمثلي لا تغار على مثلك"
..قرأتي أحاديثها عن طيب معاملة النبي لها؟؟
وجدتي شي حديث بتقول فيه عائشة (رضي الله عنها) أنه أجبرت؟؟مع أنها الوحيدة التي عاشت بعد موت الرسول وبناته يعني كان فيها تقول الحقيقة لو كانت ساكتة من خوفها قبل وفاة الرسول!!ماتت عن قريب 66 سنة!

نقطة أخيرة تبين أنه اتهامهن كمان مردود عليهم..
بالقرن التاسع عشر كان الحد الأدنى للزواج في أغلب الولايات المتحدة 10 سنوات
ومقطع من القانون البريطاني عام 1911 ينص
السن المسموح للزواج 12 سنة

صلى الله على سيدنا محمد

الله يعطيكي العافية وياخد بيدك والله من زمان لازم ندافع عن هذا الدين السمح الذي أنصف حتى الذين لم يؤمنوا به ويعتنقوه
منذ ما يقرب السنة وأنا اسأل نفسي اني اذا صادفت نصرانياً وسألني عن الإسلام ترى هل سيفتح الله علي وأعرف الإجابة أم سينعقد لساني لأني مقصر في الدفاع عنه..
باركك الله يا شيماء يعني موضوع يثلج القلب فعلاً ولينصرنّ الله من ينصره.
تابعي وإن عارضك الكل فأنا معك.
وتعقيباً على ما ذكره الأخ فادي فأقول له أن الدين الإسلامي هو الدين الوحيد الذي ينصف باقي الأديان .
ورسولنا الكريم صلى الله عليه وسلم قال: من انتقص ذمياً فأنا خصمه يوم القيامة.
والذمّي : هو من كان من دين من الأديان السماوية الأخرى إن كان نصرانياً أو يهودياً.

تشكر أخي الكريم..
إن شاء الله اقدر كمل على نفس الوتيرة..
لهلأ مافي معارضة ..
بس مافي مساندة!!
على كلن رح كمل حتى لو مافي ردود نزولا عند رغبة بعض الأعضاء..

طيب يا جماعة..
قبل ما نكمل الشبهات..رح ناخد فاصل منشط

رابط لموقع مدونات الكترونية للمسلمين الجدد..
مارح قلكن شو موجود خليها مفاجأة
http://convertedmuslims.blogspot.com/2008/10/why-do-i-wear-scarf-nicole-queen.html

بس لا تروحوه في 12 فيديو رائعين..