السلام عليكم

أنا من جهتي نفضت إيدي من الكلية.... والله حاسة يلي عم استفاد منو هون لسا أكثر من هنيك...

لهيك أحسن ما نقعد نندب حظنا جد خلينا ندور سوا عالمعلومة...

مثلا أنا لقيت هالمعلومات يمكن فيهم جواب لسؤال "نجم" عن آلية التأثير

Neurobion is known to help with lack of vitamins B1, B6 and B12 and their part as co-enzymes are necessary factors to be included in the metabolism of the nervous system.

Neurobion also supports the regeneration of some nerve fibers and myelin in the way of activating the metabolism and natural mechanisms.

B group vitamins are so called co-enzymes and essential substaces for our metabolism.

These vitamins are very important at neuropathies treatment, that is because they have a specific functions within metabolism. The functional and structural integrity of the nerve fibres is dependent on an enzymatically controlled metabolism in which the vitamins of the B group occupy key positions as co-enzymes.

Source: http://neurobion.apidex.net/neurobion-info/

وكل مين بيلاقي معلومة صغيرة يا ريت يحطها... مثلا طلع معي إنو ما لازم ناخد النيوروبيون مع L-Dopa لأنو بتقل فعالية الأخير مع فيتامين B6 بس لييييييييش لسا ماعرفت؟؟؟

أولا بتشكرك Mr tux  على أسئلتك ومناقشاتك الحلوة

وبالنسبة للblack tulip  مافي داعي للتعصيب  .....ان شاء الله تلاقي شي صيدلي يفهمك  حاكم هالموضوع بدو تعب للأسف

سؤال .......شو العلاقة بين فيتامينات B وحالات التهاب الأعصاب



يعني شو آلية تأثيرها؟



(يمكن هي B1 تيامين و B6 بيريدوكسين و  سيانكوبولامين B12)



         



سمعت مرة أنو تأثيرها بلاسيبو



وأنها لا بتقدم ولا بتأخر ..أكتر من أنها عامل نفسي



وخاصة أنو فيتامينات B موجودة كتير بالأغذية



وهيلا منحلة بالماء ........ يعني صعب كتير يصير مع الواحد



عوز لهي الفيتامينات

هالشي مشكوك فيه لأنو في كتير مرضى عم يستفيدو عالتأثير ( الذي أعتبره مسكن ) لأمبولات الفيتامين لكن هالتأثير على المدى البعيد ما عم يقنع حدا

شان استعمال الليدوكائين مع هي الإبر


بتذكر أنو هي الأبر بتكون محطوطة بوسط قلوي مشان ثباتها



أما الليدوكائين فبيكون ليدوكائين هيدروكلورايد



يعني حمضي ........وبظن أنو مابيصير نمزجها معو



مو ؟؟؟؟؟؟

     
محلول الفيتامينات حمضي يعني ذو phتقريبا 4-5 ومحلول الليدوكائين هيدروكلورايد ذو ph تقريبا 5-7
وبالتالي فان الليدوكائين يرفع الph لمحلول الفيتامينات فيخفف ولكن بشكل بسيط  من حموضة المحلول المخرشة عند الحقن وهالشي مفيد ولم يثبت وجود تنافر بين الليدوكائين والفيتامينات المذكورة

ذكر أنو مشان مشكلة الـ pH والثبات هي بالذات

وبسبب اختلاف درجة pH اللازمة لكل من هي الفيتامينات


في وحدة من الشركات مساوية أمبولتين بيتم مزجهم



سوا وقت الحقن



يمكن كانت لابن حيان ....... نسيت شة اسمها


مزبوط هالحكي لكن الشركة هي شفا والدوا اسمو شفافيت وتفسير هالشي
الثبات الأفضل للفيتامين ب12في المحاليل يكون في مجال للph بين 4.5 و5.5 وأقل من ذلك أوأكثرفان ثبات الفيتامين يقل

الثبات الأفضل للفيتامين ب1في المحاليل يكون في مجال لل ph بين 2 و 4وأقل من ذلك أو أكثر فان ثبات الفيتامين يقل



لذلك مزجهما معا في أمبولة واحدة يقلل من ثبات واحد من هذين الفتامينين
أوكلاهما لذلك نجد الفتامينات ب1وب6وب12توجد بشكل منفصل في الحقن حيث يوجد
كلا من الفيتامين ب1والفيتامين ب6في أمبولة واحدة (عديمة اللون ) ويوجد
الفتامين ب12في أمبولة أخرى (ذات اللون الأحمر) ويتم مزج هذين الأمبولتين
عند الحقن فقط



لكن مع ذلك فان هنالك مستحضرات تحوي هذه الفيتامينات ممزوجة دون فصل وذلك
باضافة بعض المركبات مثل الماليك أسيد التي تعطي phحوالي 4 يكون وسطا بين
المركبين



ولكن بالنهاية المفضل هو فصل الفيتامينات ب1وب6عن الفيتامين ب12في
المستحضرات الحقنية للحصول على الثبات الأفضل لهذه الفيتامينات خلال الحفظ

ولا ينطبق هذا الكلام على المضغوطات والأشكال الصيدلانية الصلبة
للفيتامينات بل فقط على الأشكال الصيدلانية السائلة ومنها الحقن لأن الph
يلعب دور كبير في ثبات المحاليل
بخصوص ازرقاق مكان الإبرة وانتفاخها



فبعرف أنو السبب غالباً هو الحقن السريع للإبرة



يعني لازم يكون الحقن بشكل لا سريع كتير



ولا بطيء كتير
مزبوط وكمان حجم السائل المحقون  ممكن ياثر

السلام عليكم


مراقب أدوية

شكرا عالإجابات...
----------------------------------------

آسفة لإني قلت نفضت ايدي من الكلية... بس لأنو الحالة تبعها بتأسي... بس ما لازم نحكي هيك... إذا ما نحنا ساهمنا بتطويرها لكان مين بدو يطورها مثل ما قال ZAID ممكن نقدم اقتراحات للعمادة الجديدة وإن شاء الله خير....

السلام عليكم

[[مثلا طلع معي إنو ما لازم ناخد النيوروبيون مع L-Dopa لأنو بتقل فعالية الأخير مع فيتامين B6 بس لييييييييش لسا ماعرفت؟؟؟]]

هالمعلومة بتاخدوها نشالله بمادة الأدوية بقس الدكتورة شذى
                                                         
السبب أنو الفيتامين B6 بزيد من استقلاب الليفودوبا فبتقل فاعليتو
                                                           
موجودة هلمعلومة كمان بكتاب الليبنكوت

ما بعرف شو السبب بالزبط
                                                                   

السلام عليكم

ليش مين قال ما أخذنا الفيتامينات

أنا بعد ما تخرجت من الكلية بتذكر أخذتها 6 - 7 مرات

بالكيميا الغذائية - التغذية والحميات - الكيمياء الصيدلية - المراقبة - الكيميا الحيوية 1 و 2 يمكن - اللغة الأجنبية وغيرها من المواد ....

بس رغم ذلك لهلأ ما ركزت بمخي متل العالم والخلق !!!!!

السلام عليكم

وكل هالمقررات يلي ذكرتهم ما عم يركزوا غير إنو الفيتامينات ذوابة بالماء ولا بالدسم.. وكم ملغ بحتاج الجسم منها ووين بتنوجد وعوزها شو بساوي.... وبعضهم ذكر شو البنية الكيميائية تبعهم... لا أكثر ولا أقل... ما عم نقول مو مهمة هالمعلومات ... مهمة... بس بكفي تنذكر بمقرر واحد من هالمقررات .... والباقي يتفرغ ليثبت معلومات غيرها أهم....

وعلى قولتك مع كل هاد ما ركزوا بمخنا مثل العالم والناس... لأنو بحشولك مخك بكل كذا فيتامين سوا رشا ودراكا.... وحشو حشو مو طبيعي بالكتاب.... فشلون بدنا نستخلص الشي المفيد ما بعرف...

أسف يمكن ماطلع الخط واضح بالمشاركة السابقة  بس تم تدارك المشكلة

"وكل هالمقررات يلي ذكرتهم ما عم يركزوا غير إنو الفيتامينات ذوابة بالماء ولا بالدسم.. وكم ملغ بحتاج الجسم منها ووين بتنوجد وعوزها شو بساوي.... وبعضهم ذكر شو البنية الكيميائية تبعهم... لا أكثر ولا أقل... ما عم نقول مو مهمة هالمعلومات ... مهمة... بس بكفي تنذكر بمقرر واحد من هالمقررات .... والباقي يتفرغ ليثبت معلومات غيرها أهم...."

مزبوط .....الكلية بدها اصلاح من أساسها لراسها وهيي المسؤولية مسؤوليتنا كلنا  بس لازم ما يصيبنا الاحباط بل نحن أحوج الى التفاؤل والعمل  

السلام عليكم:


ماشاء الله على المعلومات الممتعة

شكراً لكل مين فادنا بمعلومة