[[لكنها عملياً لا تنحل (بحكم حلقة البحث عن الفيتامينات كانت قليلة الانحلالية) ..]]
                                                                   
بتذكر أنو حمض البانتوئيك ضعيف الانحلال بالماء
حتى يمكن هو على شكل سائل زيتي
                                                               

         
         
           
         
لا إبر الفيتامين ب مو زيتية                                                   
                                                                                                                             
                                                                                                                   

Neurobion

3 ml aqueous injection solution
( 1 ampoule ) contain:
100 mg B1 (thiamine)
100 mg B6 (pyridoxine)
1 mg B12 (cyanocobalamine


ليست ابر زيتية ...
و لا فيها مخدر ...

بس يمكن مشكلة الألم و الازرقاق من اختلاف الحموضة  متل ما قالوا zaid & golden pill

لأ الإبر مانها زيتية

وعم أعطيها كل مرة بجنب ومع هيك عم يصير في زراق

يعني ما فينا نتفادى هاد الازرقاق

السلام عليكم
                                                                 
طيب هو المريض واصفيلو الإبر لكم يوم؟
                                                                 
كمان صعب يضل ياخد إبر لفترة طويلة
                                                                     
بركي بحوّل لشكل فموي

سؤال .......شو العلاقة بين فيتامينات B وحالات التهاب الأعصاب

يعني شو آلية تأثيرها؟

(يمكن هي B1 تيامين و B6 بيريدوكسين و  سيانكوبولامين B12)

         

سمعت مرة أنو تأثيرها بلاسيبو

وأنها لا بتقدم ولا بتأخر ..أكتر من أنها عامل نفسي

وخاصة أنو فيتامينات B موجودة كتير بالأغذية

وهيلا منحلة بالماء ........ يعني صعب كتير يصير مع الواحد

عوز لهي الفيتامينات

===================

مشان استعمال الليدوكائين مع هي الإبر

بتذكر أنو هي الأبر بتكون محطوطة بوسط قلوي مشان ثباتها

أما الليدوكائين فبيكون ليدوكائين هيدروكلورايد

يعني حمضي ........وبظن أنو مابيصير نمزجها معو

مو ؟؟؟؟؟؟

     

=================

بذكر أنو مشان مشكلة الـ pH والثبات هي بالذات

وبسبب اختلاف درجة pH اللازمة لكل من هي الفيتامينات

في وحدة من الشركات مساوية أمبولتين بيتم مزجهم

سوا وقت الحقن

يمكن كانت لابن حيان ....... نسيت شة اسمها

=================

بخصوص ازرقاق مكان الإبرة وانتفاخها

فبعرف أنو السبب غالباً هو الحقن السريع للإبرة

يعني لازم يكون الحقن بشكل لا سريع كتير

ولا بطيء كتير

==============

إذا مخبص بشي ......أو إذا في أي شي غلط

صلحولي ياه ....... لأني محشش كتير

السلام عليكم

ما عندي فكرة إذا مثبت تأثير هلإبر أم لا

بس كتير ناس بيستفيدو عليها لعلاج ألم الأعصاب


=================


التيامين B1 إجباري لازم ينحفظ بوسط حمضي

يمكن كان بدرجة pH أكبر من 4 بيتخرب مباشرة

والليدوكائين كمان حمضي (ملح هيدروكلورايد) فما بصير مشكلة


====================

[[وبسبب اختلاف درجة pH اللازمة لكل من هي الفيتامينات

في وحدة من الشركات مساوية أمبولتين بيتم مزجهم

سوا وقت الحقن]]

بس ما رح يصير ترسب للفيتامينات عند مزجها؟؟




يا ريت لو حدا يفيدنا بمعلومات عن الاحتياطات الخاصة عند حقن الأدوية المختلفة

يمكن بالصفحة السابقة في شي 10 أفكار مختلفة و بتحكي بس على ابر النوربيون ...
وكلياتنا آعدين عم نتحزر ....
طيب ليش ما بعلمونا هالأمور بالجامعة .. أحسن من الحشو يلي بيحشو و ما بيضل منه لآخر الفصل إلا الشيء القليل ..
لا تقولولي هي الشغلات لازم نتعلمها بالملازمة .. لانو انا لازمت 3 مرات و بصيدليتين مختلفتين و ما اجتمعت بحدا يفهمني منيح

                 


آسفة لأني كتير معصبة 

هون بيجي دورنا أنو نوصل هالأفكار لإدارة الكلية

هلأ استلم عميد جديد
                                   
خلينا نجمع كل اقتراحاتنا
                                     
في كمان مجموعة عالفيسبوك عم يتناقشو حول الأفكار من أجل تطوير مناهج الكلية

اقتباس

بس ما رح يصير ترسب للفيتامينات عند مزجها؟؟

يا ريت لو حدا يفيدنا بمعلومات عن الاحتياطات الخاصة عند حقن الأدوية المختلفة

بظن مراقب أدوية ........بيكون عندو فكلاه عن هالموضوع

إذا فينو  يفيدنا

         

اقتباس

يمكن بالصفحة السابقة في شي 10 أفكار مختلفة و بتحكي بس على ابر النوربيون ... وكلياتنا آعدين عم نتحزر .... طيب ليش ما بعلمونا هالأمور بالجامعة .. أحسن من الحشو يلي بيحشو و ما بيضل منه لآخر الفصل

       

المهم عنا ندرس الحموض الأمينية 15 ألف مرة

وندرس بشكل  عميق جداً ....... شغلات مستحيل تفيدنا

ونركز على مواد الصيدلانيات ......يلي منهاجها عنجد بيضحك .....!!!

ومحاضرات ........ يا أما بهدلة للطلاب ......مابعرف ليش

يا اما للنوم  .......... يا أما دكتور ما بيسترجي يطلع بعيون الطلاب

وهو عم يشرح .......وهالشغلة ما عم أقدر أفهمها .....!!

       

هي خطة الكلية المبجلة