مرحبا
انا اليوم قدمت كيميا صيدلية
و اجانا الصفة الفيزيائية لكل من الفينول و حمض اللبن والادهيد
و اجانا كمان كشف عن الوظيفة الحمضية و الفينولية و نسيت شو التالتة
اما السؤال التالت فكان كتبة معادلات معايرة السلفانيلاميد و ذكر ثلاث طرق اخرى للمعايرة و سبب اضافة حمض كلور الماء
اما الاصطناع فاجانا سؤال عن فصل مزيج صفصافات متيتيل مع ايتانول مع ماء مع فيوفورم
السؤال التاني فهو صيغة فينول مع خواصه واستعماله و كشفه
السؤال التالت صيغة الكولين مع المبدا
السؤال الرابع ذكر قوام وصيغة يود بوتاسيوم و فوق كلور الحديد و نتريت الصوديوم و صفصافات الميتيل
الصراحة اسئلة الاصطناع اسهل من الكيميا الصيدلية
موفقيييييييييييييييييين
 

بعرف اني تأخرت وهلأ ماعد في طعمة اكتبلكن الأسئلة لأنو اليوم يمكن الكل بيخلص تقديم كيميا واصطناع .. بس هلأ لوصلت عالبيت ...

على كلن الأسئلة الحمدلله اجتنا أسهل من غيرنا .. ومع هيك كان لا بد من التخبيص

ك.صيدلية:

اكتب الكاشف النوعي مع المعادلة والصيغة لكل من الصوديوم والأمونيوم
اكتب المكافئ الغرامي لكل من الفورمول ، السلفانيلاميد ، البرمنغنات
علل : إضافة Hcl بمعايرة السلفانيلاميد
          إضافة الكلوروفورم بمعايرة الفينول
مسألة: 10مل بلا ماء الزرنيخي  عايرناه بيود 0.02 نظامي ... احسب تركيز المجهول
الوزن الجزيئي = 198 يمكن


اصطناع:

اكتب مبدأ اصطناع الفينول مع المعادلات
فصل مزيج : يودوفورم ، فحمات الصوديوم ، ماء ، ميتانول (الانتباه إل انو اليودوفورم لا ينحل بشي لأنو بينحل بالمتانول بالحرارة فقط بما انو بلورنا فيه وهالنقطة ما في غير وحدة أو 2 انتبهو الها)
وتالت سؤال صح وخطأ وصحح العبارة الخاطئة
والأخير ليش منحط ايتانول للكلورفورم

مرحبا
عندي سؤال بالتكنو العملي
ليش بالمرهم البسيط المائي حسبنا الكميات على اساس88g
اما بالمرهم الستيلي المائي حسبنا ل100g و بعدين اخدنا 88g
و قديش مرهم البارافين المحب للماء بيمتص ماء؟
موفقييييييييييين
مها ما تزعلي لانو كلنا مخبصين
 

مرحبا
عندي سؤال تاني
اللانيت كاتبين انو بيتالف من غول سيتوستيريلي 90% و سيتيل سيتريل سلفات الصوديوم 10%
قايلتلنا الدكتورة انو محب للماء كيف صار

السلام عليكم

أنا لسا ما درست عملي تكنو

بالنسبة للسؤال الأول ما عندي فكرة حالياً

أما السؤال الثاني

فمركبات اللانيت هي أغوال دسمة تشكل عوامل استحلابية نمط م/ز و تحوي عامل استحلابي و بالتالي هي ذاتية الإستحلاب

لكن قد يكون قصد الدكتورة أنها محبة للماء لأنها تمتص الماء و تدخله بطورها الداخلي

على فكرة قراءة محاضرات النظري توضح الفكرة بشكل أكبر

بالنسبة لمرهم البارفين المحب للماء وقتها آل الدكتور انو بيمتص 30% من وزنه ماء (يعني متل المرهم السيتيلي) وهاد الشي منطقي لما حاطينه بوصفة قطران الفحم بنسبة 70غ وحاطين ماء 15غ (يعني نسبته حوالي 25% من مرهم البارافين المحب للماء) وهاد الشي بأكدلك انو لسه فيكي تضيفي شوية مي بدون ما يتخرب المرهم ..

اللانيت ... أكيد مو محب بحت للماء بس قصده انو عنده ميل للماء كونه عامل استحلابي ذاتي الاستحلاب وصابون شرسبي لاحتوائه على سيتيل ستيريل سلفات الصوديوم اللي هي نفسها لوريل سلفات الصوديوم ..

أما ليش أخدنا هالكميات .. فالحقيقة ما بعرف وما بطلع عالكميات .. بس بظن نفس الشي لأنك بالنهاية عم تاخدي 88غ ونسبة المواد الداخلة حتكون نفسها .. (يمكن)

شكرا لين ... أنا ما عد تأثرت بالعملي يعني عم أعمل اللي علي وماعد عم تفرق معي  .....

بالتوفيق

زيد و مها شكرا كتيييييييييييييييييييير على الرد السريع
بالنسبة للسؤال الاول الدكتورة بزمناتو سائلنتا و ما حدا عرفو
اما بالنسبة للانيت فالدكتور قايلة انو بيعطي مستحلب نمط زم

يا اللللللللللللللللللله ........... مع انو أسئلتي اليوم بالتكنو اجو أسهل شي .. ومسكت الورقة قلت "خي الحمدلله كتير سهلين..." بس نسيت كل المرهم السيتيلي المائي وكأنو بحياتي مو سامعة فيه ..

يا ربي ليش هيك الواحد بيصير معو بالفحص؟؟؟؟؟؟؟؟!!!

انشالله ما يصير هيك بالنظري

إذا بتحبو اجاني سؤالين الأول وصفة "المهم السيتيلي المائي الحاوي على أكسيد الزنك " - استعمال وتحضير وشو هو المستحضر -
والسؤال التاني شو هي الكوتينا وشو استخدامها

(ديروا بالكن في عالم اجاهن وصفات مو عاملينها .. مثلا بالتحاميل باراسيتامول وأسبرين منستخدم سواغ ويتبسول H35 مو W  و.... تبع الكلورامفينكول والايروزيل .. يعني ديروا بالكن)

موفقين

شكرا مها
الصراحة فائالتيني كتييييييير
لانو بكرا عندي التكنو و اليوم رجعت من الجامعة حاسة حالي تعبانة كتييييييييييير


موفقييييييييييييين
 

السلام عليكم

و لا يهمك مها لأن الحال من بعضو

مدري شلون المعلومات بتتبخر من رعبة الفحص

أنا صراحة مرعوب جدا من فحص التكنو لأن ما عملنا أي مزاكرة و مو دارس بنوب... بس بعرف شوي شغلات من النظري

لكن بالنسبة للوصفات شو قصدك أنو بجيبو شغلات مو آخدينها

يعني نحنا أخدنا الويتبسول و بس هيك (لا H أو W) و لا حتى الإيروزيل

يعني كيف ناقش وصفة مو آخد مكوناتها من قبل

يعني الكلورالفينيكول سهل بس لو جابو غيرو شو بعمل؟؟

الله يسترهل معنا و لا يحاسبنا عهوا عملنا لأني كتير مقصر بعملي هي المادة