السلام عليكم

بس يمكن لأن البروم ضعيف الثبات لهيك ما بنشوف بالمخبر محلول بروم

لهيك بنستخدم البرومات بالمعايرة حيث نستخدم معها البروميد لحتى يحرر البروم

و متل ما شفنى حتى أثناء الإنتظار بوضع المحلول بالظلام بنكون مسكرين الدورق لحتى ما يتطاير البروم

هيك بعتقد هو الجواب

بس عندي سؤال ما عرفت إجابته بس يمكن ما يجي بالفحص

"ليش بكشف الميغنيزيوم بنضيف كلور أمونيوم و نشادر و ما بنضيف نشادر بس؟؟!!"

شكرا زيد
انا عندي الكتاب كاتبين انو املاح المغنزيوم تعطي مع النشادر راسب ابيض
هلا انا بقول انو ضفنا كلور الامونيوم مشان  نحصل على كلور المغنزيوم يللي بيتفاعل مع النشادر  (يمكن)

 

هلأ صحيح ردي عم يكون متأخر كتير .. بس حبيت قول هالكلمتين ..

بالنسبة انو ليش منستخدم برومات .. لأنو ما في محلول ثابت للبروم .. ولهيك شكلناه أثناء المعايرة .. وسكرنا الدورق لأنو البروم سريع التصعد .. ووضعناه بالظلام لأنو سريع التأكسد ..

بعدين إذا سألوكن البروم جايي من البرومات ولا بروم البوتاسيوم.. بتقولو البرومات ..

وبالحساب مقام المكافئ هو عدد ذرات البروم اللي عطتها البرومات بالمعادلة ..

وليش استخدمنا مقياس البروم بالسلفاميد .. لأنو هالمقياس يستخدم في حال وجود حلقة عطرية ..

أما عن سؤال كشف المعنزيوم .. الحقيقة ما عندي فكرة  بس رأي لين منطقي ..

بالتوفيق

بالنسبة لسؤالي فأخطأت بالصياغة

كان قصدي ليش ما بنضيف كلور أمونيوم بس من دون نشادر

مع أنو بيتكون كلور مغنيزيوم من كلور المونيوم

بس بجوز لأن تشكل الراسب بحاجة لوسط قلوي

و ما بنقدر نضيف قلوي تاني متل الصود لأن حيتكون راسب تاني غير كلور المغنيزيوم و النشادر

هادا اعتقادي حول السبب

بس في كتير أسئلة تانية غير شكل

لكن لا تفكرو فيها لأن هي كانت وظائف عنا بالعملي و قال الدكتور أنو ما بجيبها بالفحص

بس حاولت إعرف الإجابات خوفاً ما يخاوز معنا

السلام عليكم

لدي سؤال حول الكيمياء الصيدلية العملي

كاشف نسلر هو رابع يوديد الزئبق البوتاسي في البوتاس K2[HgI4]+ KOH

و في جلسة السلفوناميدات كاشف ماير هو يودور ميركورات البوتاسيوم
و بحثت عن صيغة الكاشف في كتاب عملي العقاقير 2 و وجدتها K2[HgI4]

و هي ذاتها لكاشف نسلر

لا أعرف إذا كان الفرق هو أن كاشف ماير لا يحوي بوتاس أم لا

أرجو من لديه فكرة حول الموضوع أن يفيدنا

والله بالوقت الحالي ما عندي فكرة ... ولسه ما بلشت بالكيميا ..

بس أنا عندي أسئلة بالاصطناع:

لو سمحتو مشان انحلالية المواد إذا اجانا فصل مزيج .. في مواد بقولو ضعيفة الانحلال بالماء ... فهل منعتبرها منحلة فيه أو لأ .. ؟

رح اكتب هالانحلاليات وإذا في خطأ يا ريت تصححولي:

الأسبرين: غير منحل (لأنو أصلا نحنا ضفنا ماء بارد مشان يترسب مو هيك؟)
السلفاسالازين: غير منحل (لأنو انحلاليته 1غ في 10000مل ماء)
الكولين: منحل
صفصفات الميتيل: بالعملي طلع معنا صلب وهو بالطبيعة سائل ..  منعامله على أساس منحل ولا لأ؟
الفنول: مكتوب انو هو سائل زيتي بالفصل .. معناتها ما بينحل
فيناسيتين : هاد أكيد ما بينحل
فحمات الصوديوم: منحل
الفيوفورم: غير منحل
------------------------------------------------------------------------
سؤال تاني: بالتجربة مكتوب الكولين بيطلع بالآخير راسب يجفف ويحفظ .. وبأوراق الدستور من الكشك مكتوب انو هو سائل لزج .. فشو الصح؟

السلام عليكم

المادة إذا كانت قليلة الإنحلال بالماء فيجب ذكر ذلك مثل حمض الصفصاف حيث ينحل بالماء الساخن

أما صفصفات الميتيل فهي ضعيفة الإنحلال بالماء (لأنها استر)

الفينو مادة صلبة لكن في المزيج تكون سائلة و هي منحلة بالماء و منحلة جداً بالكحول

أما الكولين فأنا لم أحضر الأوراق التي لدى "الكشك"

لكن حسب ما أعرفه هو أنه الكولين "لحالو" سائل زيتي مثل كل الأمينات

لكن في العملي فنحضره على شكل ملح يودي و لذلك يكون صلب "أو أي ملح هالوجيني آخر"

بالنسبة لفصل المزيج ما بعتقد أنهم يعقدوها للمسألة

بس ياريت مين يخلص عملي أنو يحط الأسئلة بالموضوع و بندعيلو إن شاء الله

و أنا كمان لما خلص بحط الأسئلة

يا رب مضي هالإمتحانات عخير

هلأ ... آل في فئات جايبلن ضمن الفصل السلفازلازين يعني ممكن يجبلنا أي مادة من اللي مروا معنا ..
مثلا حمض الصفصاف خلال التقطير بكون منحل وبعد التبريد بيترسب ..
أما صفصفات الميتيل ضعيفة الانحلال ومنعاملها مثلا إذا كان في ماء بالمزيج بانو قسم منها منحل وقسم لأ ... ولا كيف؟

على كلن أنا بكرة أول ما اخلص بحط الأسئلة اللي اجونا عالمنتدى ...

وانشالله نتوفق كلنا  ... ويخلص هالفصل المعت على خير

السلام عليكم

بالنسبة لصفصفات الميتيل حسب رأيي ما بتنحل بالماء حتى بالحرارة

أما حمض الصفصاف يمكن هو المثال الوحيد يلي عنا بينحل بالحرارة

بس الله يسامحكم

يعني أنا كنت متطمن من الفحص

بس من كتر الأسئلة صرت كتير خايف من الفحص

على العموم خلينا نتوكل على الله و إن شاء الله ما بضيع تعبنا

لأ ....... خليك مطمن وانشالله ما بصير إلا كل خير ...

على كلن الأسئلة آل بتجي سهلة بس بيجي واحد بدهن يعملو فيه مقلب بالطلاب .. لحتى يورجو عضلاتهن

شوفو مثلا (طبعا صيغة السؤال مو بالضبط) الماء الأكسجيني بدنا ننتبه انو منعايره بحمض الكبريت العشري مو 0.1ن لأنو مختلفين والصح هو العشري يعني تركيزه 10%

بس طبعا متل ما قلت متل هيك سؤال بيجي صغير ولوحده أما البقية بكونو سهلين وعلى نمط المذاكرة ..

بالتوفيق