مافي اختلاف انه الأصلاح بيبدأ من النفس بس لما الشخص يشعر بأنه غريق بمشاكل الفساد ومافي حدى يمد له يد العون وبكون راسم بمخيلته وهوو في عمر الزهور انه رح يكون انسان شريف مستقيم ومن المصلحين بس لما يدخل بمعترك الواقع الأداري والوظيفي بينصدم بالواقع .. متل ماقال الشاعر يسير غريب دون اغتراب .
ووقتها لازم يكون مكاتب المسؤولين مفتوحة لهالمواطن الطموح النزيه بس الطامة الكبرى انه الكرسي وبشكل روتيني ومتل مو معتاد عليه وسيلة للتسلط والتجبر ووسيلة لدخول عالم الممنوعات بس بشكل مأمن وبشكل مرخص من قبل ذو الصلاحيات .
وبشكل لا ارادي طموحات الماضي النزيهة بتصير هباء منثورا وعئولة " ياروح مابعدك روح "
وكل واحد بئلك الكرسي مو دايمتلي فخليني امن ولادي حرام مانكم شايفين كيف هالأيام صعبة .
وبطريقة لاشعورية مابينزاح عن الكرسي غير مأمن العيلة كلها .
الأصلاح لما فعلا نشعر بأنه الجميع حامل مسئولية الأصلاح . دائما السيد الرئيس بركز عالأصلاح وبالتسريع بالأصلاح واحنا معه قلباً وقالباً .
مبارح وانا عم اتفرج عأجتماع البرلمانين المستقلين شي مضحك .
ببداية اللقاء طلب عضو مجلس الشعب السيد حنش بأن يتكلم كل واحد عن حاله شوي وكمان باللاشعور الأعضاء شو عملو كل واحد حكى شو اسمو وبكم دورة كان موجود وعم يحكي وكأنه واثق الخطوة يمشي ملكاً ( هلي اله مايقارب 3 - 4 ) والمضحك اني بعمري ماني سمعان بأسمائهم وماني شايف خطواتهم المنيرة الها أثر .
من هاالناحية مابلوم غير الشعب لما يروح يحط اسمه لشخص اله صلة قرابة او لأنه دفعله شوية مصاري او تنكة زيت .او ماشابه .. في جهل كاااااااامل من قبل الشعب بعدم المسئولية بأختيار الشخص المناسب للدخول كعضو بمجلس الشعب .
انا مبارح الأجتماع ماكملتو فهلي التمس شي مفيد يخبرني .. كالعادة كلام عادي واقل من عادي بس يزخرف وينمق ببعض التعبيرات الأدبية كدليل للمستوى الثقافي وكشد انتباه للآخرين بس للأسف شي مفيد مالتمست هاللشي يمكن كون غلطان لأني ماكملت اللقاء بس للأسف تعودت عليهم .
الأصلاح كلمة مو سهلة ,, الأصلاح بيبدأ من المدرسة من البيت من الشارع الكل مسئول مافينا نحط اللوم عالشعب ومافينا نحط اللوم عالدولة فالجميع مسؤوول .
بس بتمنى بتمنى بتامنى بالأيام المقبلة نشوف رقابة اكتر عجميع الدوائر الحكومية وكل مايخص هالبلد .
والله يعم الخير عهالبلد ويحمي قائدها وشعبها .
من أين يبدأ الإصلاح في سوريا ؟
