قاعد
مبارح عم كبس بهالــ TV .. قلت لحط عالــ mbc .. لاتفرج عالديعايات .. بس
انشالله ما يحطو شي مسلسل او برنامج ينزعوا عليي السهرة P:

المهم
.. طلع بوشي برنامج اسمو the voice .. برنامج اغاني وهشك بشك .. اي ..
والمذيع عم بقدم المتسابقين .. والكل ضحكان وعم يهيص ويجعر متل الحمير
الفلتانة .. ما بلاقي الا هالمزيع قلب خلقتو
.. وحط العقدة .. والمخرج
زوّوَم عليه بالكاميرا .. انا قلت يمكن صار وقت اعلان النتيجة .. شنو على
اساس بيصيروا كتير جديين لما بدن يقلعوا شي حدا او حداياية .. كمالة
التمسيلية يعني

واذ ! بقول المزيع : ما بننساش اهلنا في غزة .. قلوبنا معاكم !

لا يا شيخ ! بصلاة محمد ؟! لك ليش هيك كتير جاية على حالك ؟؟ يعني شو عم
بصير بأهلنا بغزة .. كلن كم قذيفة على كم صاروخ .. مو مستاهلة القصة تضيع 4
او 5 ثواني من البرنامج كرمالن !

يعني اذا فلسطين يلي صرلها 60
سنة تحت النار .. ما أخدت من العرب اكتر من 5 ثواني من المشاعر المنافقة ..
بدكن ياهن ينصروا سوريا يلي ما صرلها سنتين عم تاكل قتل ! لك واااااااااه
معتصماااااااه

المهم .. ربح فراولة .. وشيرين انبسطت كتير .

ما حدا حاسس فينا ؟؟؟؟؟؟؟؟؟؟؟؟؟

اصلا  وقت انقلب القطار بمصر على الاطفال ومات 51 طفل ما اعلنوا الحداد وضلت القنوات المصرية عم تحط اغاني

بقى بدك قنوات روتانا والخليخ يخسروا ويتعاطفوا مع ولادنا

كل العالم همو حالو اصلا لو اجتمعوا العرب كانوا محوا اسرائيل عن الكرة الارضية

نحنا تحت النار وهن عم يغنوا

نحنا بالملاجى وهن عم يغنوا

خليهن عم يتفرجوا لنصير مليون شهيد متل الجزائر

اي والله معك حق وما حدا حاسس بوجع الثاني
لا تشكي للناس جرحا انت صاحبه         لا يؤلم الجرح الا من به الم

وع قولت جودي ما حا لحا ما حا بيحب حا
وشكرا لمرورك