ولا يهمك تكرم عينك
اول شي التعليم المفتوح ما بيفرق عن التعليم النظامي من حيث الشهادة
و القبول بيتم عبر الشهادة الثانوية حسب كل فرع أو شهادة معهد كمان حسب كل فرع
بس الفرق هو بغير شغلات متل الدوام فهو مو الزامي و غالبا بيكون بالكلية نفسها (اقتصاد تربية حقوق اداب ) و هو عبارة عن لقاءات كل اسبوع يومي الجمعة و السبت بس طبعا كل مادة لقاء واحد يعني اذا بدك تحضر مادة (س) يوم الجمعة كمان بتحضرها السبت نفس المحاضرة ( طبعا حسب البرنامج ) يعني انت اختار الوقت المناسب الك و الدكتور يلي بدك اياه في حال تعدد الدكاترة
الرسوم هي عبارة عن 3000 ل.س لكل مادة اول مرة بتقدمها و في حال حملتها بتدفع 1500 ل.س و طبعا في رسم سنوي شي 500 ليرة
و كمان اخر سنة في رسم شهادة شي 500 ل.س اضافي
مدة الدراسة 4 سنوات
عدد المواد حسب الفرع بس فيك تقول شي 45 - 50 مادة تقريبا طول الاربع سنوات
الموقع الرسمي للتتعليم المفتوح في دمشق
damascusuniversity.edu.sy/ol
بدء التسجيل للدورة التكميلية
