شو شباب وييييييينكم

ما قدرت انزل الأربعاء قولولنا شو صار نهار الأربعاء 

الله يوفقكم

بخصوص الأربعاء

محاسبة متقدمة المحاضرة كتير حلوة والدكتور كتير باينتو فهمان  وعطانا أول محاضرة عن الوكالة بلعمولة
وقال انو الكتاب مو ضروري كتير
وقال انو بمحاضرتو ماحدا يفتحا الكتاب بس يكتب معو



محاسبة متوسطة 2  أخدنا الالتزامات

بس نصيحة للطلاب انو يجيبو الكتاب لأن الدكتور عم يقرا من الكتاب  يعني أحسن من المحاضرات انو نجيب الكتاب ونتبع معهون

والله انا من جهتي بصراحةما قدرت يوم الاربعاء احضر اول محاضرة اللي هيه محاسبة متقدمة 1 بالعلم انو كانت اول محاضرة بيعطيها الدكتور.................وانشالله تكون سهلةمتل ماذكر الاخ مايسترو.....
اما بالنسبة للمحاضرة التانية محاسبة متوسطة2 طبعا باول المحاضرة حللنا المثال اللي عطانا ياه وظيفة على اساس وبعدين بدأ بالنوع التاني من اوراق الدفع وهو اوراق دفع لا تحمل فائدة وبعد ما شرح هالنوع وعطى أمثلة بالطبع أمثلة الكتاب لان متل ما آل الاخ مايسترو ماشي الدكتور من الكتاب بالزبط........
وبعدين اكمل بنود الالتزامات المتداولة مؤكدة الحدوث من:
الاستحقاق الجاري من الديون طويلة الاجل................
والايرادات المقبوضة مقدما............
والضريبة على المبيعات المستحقة...........وبالطبع فصل هالنوع الى طريقة مباشرة وطريقة غير مباشرة..................

وبرجع بجكي متل ما نصح الاخ مايسترو انو نجيب كتاب لان الدكتور ماشي بحرفية الكتاب.........
يلا موفقيييييييييين جميعا............والله يحل عسير هالازمة.........قادر يا كريم......

يوم الاحد

محاضرة تحليل مالي رقم 5 (الفصل الثالث )

محاضرة محاسبة ضريبية حكى الدكتور عن النسب المئوية للضرائب للمكلفين

طبعاً بنصحكم تيجبوا هي المحاضرة لأنو النسب معدلة عن ما هو موجود بالكتاب

محاضرة منهجية البحث أبرز ما في المحاضرة أن من يرغب بتقديم حلقة بحث عليه يوم الثلاثاء القادم تدوين اسمه عند الدكتور

يوم الاثنين

محاضرة محاسبة متوسطة 2 رقم

(5)عطى الدكتور الدعاوى القضائية و كذلك الضمان والكفالة

حل المسألة الاخيرة بالتمارين الغير محلولة وعدل عليها (بتحاج محاضرة بالنسبة للي ما حضر )

محاضرة محاسبة نفط عطت الدكتورة من الفصل الرابع ص 99

وحلت مثال شامل خارجي

بس فصل الاختراع العظيم تبع الكمبيوتر

وما بعرف إذا كملت الحل ولا لأ لأني ما كتير فهمت بالمحاضرة و كأني من كوكب تاني

طيب في حدا بيعرف شو موضوع حلقة البحث ؟؟؟؟؟؟؟؟؟؟؟

الموضوع يلي انت لح تختاري

لو سمحتوا ممكن تخبرونا عن محاضرة منحجية البحث يوم الثلاثاء
إذا حكا شي بساعدنا باختيارالعنوان ,ولايمتى معنا وقت لنسجل اسمنا وعنوان الحلقة عند الدكتور ؟
ومشكورين كتير

محاضرة المنهجية نهار التلاتا

عاد بالأول شروط العنوان ( تابع مستقل ومتغير و15 كلمة وتكون واضحة وشاملة ..)

وجاب سيرة المقدمة بكلمتين مالهم علاقة بالمقدمة

وعطانا

الهدف من الدراسة ( هدفين ) مع شرح بسيط لكل واحد

أهمية البحث من الناحية العلمية ومن الناحية العملية مع شرح بسيط لكل واحد

فرضيات البحث : هون عرف الفرضية وشروطها ومميزاتها

عرف المتغير التاعب والمتغير المستقل

صياغة الفرضية ( صياغة احتمالية وصياغة شرطية ) مع شرح بسيط ..

تقييم فرضيات البحث

حدود البحث

وقال المرة الجاي رح نحكي عن الاقتباس

بس أنا حسيتو عم يحكي عن رسالة دكتوراه ما عم يحكي عن حلقة بحث وبالنسبة لتسجيل الأسماء ما سجل اسم حدا وبعد كل هالشي حاسة حالي ما رح اكتب حلقة بحث على قد مانها معقدة

بس السنة الماضية كانت دكتورة البترول هي لي تعطي هي المادة ووقتها طلبت حلقة بحث عن أي موضوع اقتصادي وما كان فيه كل هالتعقيد

ليش هيك نحنا حظنااااااااااا

أمانة شباب كل ما حدا يفهم شي من هالاختراع يشرحلنا

سلاااااام

يسلموا نورمان
وبخصوص حلقة البحث عنجد معك حق كتير عم يعقدا
ولو مو هو عم يعطي  المادة هي السنة كان أي حلقة  بحث حتى لو قديمة مع تعديل بسيط بيمشي حالا
مو متلو والله عم يحسسني هالحلقة البحث موضوع حياة أو موت هههههههههههههه
إن شاء الله لاقي عنوان للحلقة قبل يوم الاحد لاني إذا ما لقيت حاعمل متلك وما قدم
سلااام