3/6

المحاضرة (2/ تحليل مالي )
كمان كما ذكر زملي الضمير الحي الدكتور اسماعيل أنهى الفصل الاول

أي لحوالي الصفحة 46

والمحاضرة القادمة هي البداية للحديث عن أدوات التحليل المالي "أي تمهيد للعملي "

وكنصيحة مني الدكتور قرأ الكتاب حرفياً ولم يخرج عنه بحرف

وكون كل الطلاب أمورها المادية متعثرة فبنصحكون

إنو ما تجيبوا محاضرة 2 إذا كان عندكون كتاب لأنو كما قلت

حكى حرف حرف من الكتاب

وعل العموم إذا ذكر الدكتور أي شيء خارجي بالمحاضرات القادمة

فساعتها بخبركون فيه إن شاء الله أو برقم المحاضرة

                                                               

 

 

3/6

محاضرة المحاسبة الضريبية : كمان برجع بشكر الضمير الحي عل المساعدة

 بالمناسبة نورمان اطمني هاد الدكتور بيعطينا حوالي 6 محاضرات عل الاقل

وبيجي الدكتور إبراهيم عدي

كنصيحة من مجرب (أو مطلع عل المادة)

لا تنغروا بالمادة لأنو المادة كلها عملي وبتتلخص

بفكرة رئيسية هي الانطلاق من الربح المحاسبي المعد وفق ال GAAP

"المبادئ المحاسبية المقبولة عموما ً" والتعديل عليه للوصول للربح الضريبي

ووفقاً للقوانين الضريبية السائدة في البلد  ولا سيما القانون 24 لعام 2003

في سوريا

(طبعاً هاد الحكي حسب فهمي للمادة )

 

6/3

محاضرة (1) منهجية البحث العلمي

الدكتور : عطا الله وارد خليل

مدة المحاضرة  : ساعة  وعشرين دقيقة (طلع روحنا وطقق خواصرنا من الضحك )

المادة : حالياً ليس لها كتاب والدكتور سيحاول تأمين مادة علمية أو ملخص بس ما أكد شي لحد اللحظة

فحوى المحاضرة : كيفية أو ألية الامتحان 

المادة 100% تقليدي ولكن العرف جرى على أن تأتي بعض الاسئلة اختار الاجابة الصحيحة

للمادة ميزة

ألا وهي أنها مختلفة عن المواد الاخرى

حيث للطالب خياران

الأول : كتابة حلقة بحث ب 20 فيكون امتحانه من 80 وحلقة البحث ستناقش طالب طالب وأمام كل الطالب حيث سيوضع للطالب الذي تجري مناقشة حلقة بحثه مكرفون وطاولة ليسمعه الجمهور

الثاني : عدم كتابه حلقه بحث ويكون امتحانه من 100 بس أكد الدكتور إنو هاد الخيار لح يخلي الطالب ينزنق بالوقت (يعني الدكتور ما غشنا وقالها بصراحة لح تنزقوا بالوقت إذا ما بدكون حلقة بحث )

وهنالك معلومة حصرية لطلاب المنتدى

 سألنا الدكتور أنا ورفقاتي بعد نهاية المحاضرة

عن السؤال البديل

فجاوبنا الدكتور  إنو السؤال  البديل عبارة عن سؤال يناول مشكلة خارجية من عند الدكتور

ويطلب منك المناقشة لتلك المشكلة

وعدنا إنو ينزلنا حلقة بحث كنموذج عن حلقات البحث
علماً إنو الدكتوريفضل كتابة حلقة بحث لح ما ننزنق بالوقت لأنو عمداً الدكتور بيجب سؤال لحتى ننزنق بالوقت (وقد أعذر من أنذر)

أما بالعودة للمحاضرة

وبعد سلسلة من النكت و الحديث عن الزواج والمحابس وغلاء الذهب و عدم وجود الاثونة في هذا العصر ووجود الامل بالزواج حتى ولو كان عمرك عزيزتي 90 (والدليل الشحرورة صباح )

بدأ أو شرع الدكتور بالحديث عن هيكلية حلقة البحث وذكرالخطوات بالتفصيل الممل

وملا اللوح كتابة وختم المحاضرة                       

بالوعد بأنه في المحاضرة القادمة سيكون

الحديث عن الفكر والمعرفة

                                                                 

وبالعودة لمحاضرة محاسبة البترول فهنالك ملحوظة مهمة جد اً

 

ذكرتها في موضوع منفصل لأهميتها لدى كل الطلاب

 

على الرابط

http://www.jamaa.net/post700094.html#post700094

شباب شكرا كتير ع معلومات المحاضرات...

بس بدي سؤال و الي بيقدر يجاوب يقلي انوا المحاسبة الضريبية من وين بدنا ندرسا؟؟؟؟؟    

يلي عندو جواب كافي ووافي يخبرني لنو الكتاب منظرو مرعب

و ما بعرف اذا بدي اشتريه

يسلموووووووا على هالمعلومات

خاصة إني ما نزلت على الجامعة متل مو كنت حاطة براسي حاكم كربت ورشحت

وإجتني السعلة والحرارة والله لا يفرجيكم

يعني لهلأ وبما إني ما جبت ولا كتاب لسا

النفط والضريبية والمتوسطة والمنهجية بما إنو ما لها كتاب كلهم من المحاضرات

وتحليل القوائم من الكتاب

المتقدمة شكلنا لسا ما أخدنا ولا محاضرة منها

يلا إلى اللقاء إلى الأسبوع القادم

آه صحيح بقي تبعات اليوم

يلا بكرة بفوت وبشوفهم  

مشكورييييييين مرة تانية كلكم كلكم

واح واح

وعل المعموم بتشكر صديقي

الضمير الحي

يلي تلافى تقصيري

الله يسامحك يا آنسة دينا على هالحكي ولووو.......لا شكر على واجب

نحنا اللي بدنا نتشكرك على هالموضوع اللي رح يساعد الجميع انشالله

وعلى كلن نحنا بالخدمة ايمتى ما بدكن..............ومشان تبعات اليوم ما حإحكي عنهن شي من هون لبكرا..................لإن الا ما تفوت زميلتنا دينا العلي عالمنتدى..............ماشالله عنها بتحكي بالتفصيل........

يلا موفقين الجميع.......السلام عليكم

السلام عليكم ورحمة الله وبركاته..............................
اليوم حإحكي عن يوم أمس يوم الاربعاء...................
اول محاضرة كان عنا متل ما هو موجود بالبرنامج محاسبة متوسطة2 وإذ ما بيجي الدكتور....... انتظرنا للمحاضرة اللي بعدها لنحضر اول محاضرة محاسبة متقدمة1 وإذ بيجي الدكتور عثمان دكتور المتوسطة2
قال عالاغلب مغيرين البرنامج..... ببرنامجو عندو المحاضرة بهالوقت.......على كلن عطى محاضرة
طبعا في بداية المحاضرة تحدث عن كيفية حساب عدد الدورات او المعدل في  سواء في القيمة الحالية او المستقبلية<لمبلغ واحد>.................
وبعدين بدأ بالدفعات الدورية وتكلم في هذه الفقرة عن كيفية حساب القيمة المستقبلية لجملة دفعات دورية سواء عادية وهي التي تدفع في نهاية العام او المستحقة وهي التي تدفع في بداية العام.........
وطبعا تحدث عن كيفية استخراج قيمة الدفعة او عدد الدورات  وذلك أيضا من خلال قانون القيمة المستقبلية لجملة دفعات دورية سواء عادية او مستحقة..................

ملاحظة:طبعا نوه الدكتور ان معنى كلمة دفعة اجارية  =  دفعة عادية
          ولا ننسى ان الدكتور قال ان هذا الفصل مهم بالنسبة لقسمه
يلا موفقين الجميع.............ومنشوفكن انشالله يوم الاحد............على بركة الله

مشكور كتير الضمير الحي

شكلها دينا مو فاضية