هاد الموضوع سيخصص بإذن الله تعالى

لذكر ما ورد خلال الدوام

يعني الموضوع للطلاب الغير قادرين على الدوام

ليبقوا على معرفة بما يجري خلال الدوام

ولح ابدأ أنا

وبتمنى التفاعل منكم 

    أو                   

3/4

المحاضرة (1 / تحليل قوائم مالية )

اليوم كان أول يوم

أخذنا تحليل قوائم مالية

حكى الدكتور إسماعيل

لمحة عن المنهاج

وطبعاًُ الكتاب هو المطلوب حصراً  وهو كافي تماما ً (و رقيق أو نحيف مقارنة بكتاب الضريبية  )

وبعد ما نتعمق شوي بالمنهاج لح يكون  

   الأحد مخصص للنظري

و الثلاثاء للعملي يلي لح يعطيه معيد

وطبعاً الدكتوربعد ما كشف للطلاب عن النسبة الحقيقة للنجاح في مادة المتوسطة (1) وهي لا تتجاوز ال20%

 ما قصر وبلش بلمحة تاريخية عن القوائم وأنواع الملكية وكيف تطورت

والأسباب يلي دعت لظهور التحليل المالي

وانتهى بتعريف شامل لتحليل القوائم المالية

و كمان وعد الكتور إنو يشرح طريقة إعداد قائمة التدفقات النقدية بناء على رغبة الطلاب

قبل ما يعطي طريقة تحليلها  

 

والمادة 100% مؤتمتة (المادة للمعدل حسب رأي الدكتور لأنها تتعامل مع الارقام من خلال الالة الحاسبة يلي إنتو شاطرين باستخدامها  )

وبعد ما اتصفحت الكتاب بقدر قول إنو بتشبه القوانين تبع مادة التمويل (نسب سيولة و الرافعة ......) 

 

3/4

المحاضرة (1/ محاسبة ضريبية )

 

الدكتور الخطيب (يلي عطنا مادة المحاسبة الحكومية /أول دكتور/)

طبعاً عطنا الدكتور مقدمة يمكن تلخيصها بأن موجز لأثر الضريبة المالي والنفسي والاجتماعي

و تطرق لبعض الانظمة الضريبية

و حكى عن دور اقتصاد الرفاهيه في تطوير الضريبة

وحكى بعض النهفات عن الضرائب(بيجوز ما تذكر بالمحاضرات) مثلا في فرنسا كانت هنالك ضريبية تفرض على الشبابيك

يعني الموظف يحصي كم شباك لديك ويفرض الضريبة المناسبة

كما تطرق الدكتور لتعريف الضريبة و الحديث عن خصائصها وتعداد أنوعها

وبأننا سنركز على الضريبة على الدخل

 

وقال إنو النظري هو أساس العملي

و للمادة جانبان تقني (أو محاسبي) وتعتمد على المحاسيبة المالية التي هي العمود الفقري لكل المحاسبات

و جانب قانوني  له دور هام في تنظيم الضرائب

و

طبعاً المادة 100% تقليدي وعلى النظري 20علامة

و من عندي بيقول أنا اطلعت عل

 

المادة بالعطلة الانتصافية ومن الضروري تتطلعوا على قانون الضريبة

رقم 24 وتعديلاته وطبعاً لح ارفعوا إن شاء الله بالوقت المناسب

 

طبعاً الكتاب بيجب الجلطة كتير سميك

وسعروا لحالوا415

يعني وباختصار يوصف بل البلوكة

 

 

 

 

 

4/3

بالنسبة لمحاضرة منهجية البحث العلمي

الدكتور عطا الله أو الدكتورة هبة مسعود (ما بعرف مين يلي لح يعطي )

ما اجئوا

 أنا انتظرت لحد 12.30 وما حدا اجىء إمت حملت حالي ورجعت عل البيت                                                     

   
كتير منيح انو ما اجا حدا...أنا حملت حالي ورحت بعد محاضرة الضريبية..

على كل حال شكرا كتير طبعا بكرا عنا من الساعة 10

الله يستر لنو تعريفنا بالمواد مكمل ناطرين المفاجات

والله بيني وبينك وبين مين لح يقرأ المشاركة

مو عا جبتني المتوسطة 2

مدري ليش

 

مشكورة كتير كتير كتير اختي دينا العلي على هالموضوع ....................الاكتر من رائع
عتجد حيدعولك عالم خير الله اذا استمريتي على هالمنوال........لإن عنجد كتير عالم ما بتقدر اداوم
جزاكي الله الف الف الف خير...............................
وهي من عندي وحدة

موضوع روووووعة شكرااااااااا دينا

ومتل ما قال الضمير الحي كتير ناس رح يدعولك وأنا منهم

الله يوفقك وإن شاء الله بتحققي لي ببالك

بس الحمد لله أنا فيني انزل على الكلية بس المشكلة ما عندي حدا ناقشوا بالمحاضرات لإنو رفقاتي ما شاء الله كلهم رسبوا

وعلى فكرة كان بدي حط لايك بس ما بقي معي لليوم إن شاء الله بكرة

بس إن شاء الله ما يبقى دكتور الضريبية هاد يلي عم يعطينا بحسو مو عاجبو شي وبضل قاعد عالكرسي وما بيتفاعل كتير
يلا إن شاء الله يكون تغير هاد الفصل
والله يعينا على المواد
موفقييييييين كلنا

اشتركت بالموضوع مشان ما يروح علي شي
ولحق كل شي أول بأول
بسم الله بكرة رح بلش دوام أنا