اليوم كان عندي فحص عالساعة 8.30

طلعنا بهالباص ولما وصلنا عند الحاجز يلي بيفصلنا عن الشام شفت عدد كبير من السيارات واقفة عند الحاجز وما عم يخلوا حدا يمر وبعدين بكل بساطة بيقلنا أحد العناصر  الموجودين رجعوا على بيوتكن اليوم ما في نزلة عالشام
فاضطرينا أنو نكمل الطريق مشي ومشينا مسافة بحدود 3-4 كم  لحتى قدرنا نركب بغير باص


المهم من الموضوع أنو شو الها فائدة الحواجز حالياً
أنا بزماني سألت واحد من يلي واقفين عالحاجز أنو ليش واقفين جاوبني أنو مشان يمنعوا المندسين من الفوتة عالشام !!!!

بس يلي عم نشوفوا حالياً أنو المندسين صاروا بنص الشام وشفنا التفجيرات يلي عم يعملوها ويلي ما صار متلها عنا بالريف المليان بالمندسين ةالإرهابيين والمخربين و ...

فبظن أنو هالحواجز فشلت بتأدية مهمتها بمنع هؤلاء المندسين من دخول المدينة ولازم يشيلوها فوراً




وبالنهاية حابب وجه سؤال للمؤيدين :
هل يا ترى الرئيس يلي كنتوا مجتمعين معو اليوم بالأمويين بيقبل أنو ننحرم من امتحاناتنا وتتعطل أعمال الناس بهالشكل  ؟؟؟؟ ومو الأفضل أنو يأمر بإزالة هالحواجز الفاشلة يلي ما لها فائدة غير تعمل عجئة وتأخر الناس ؟؟؟؟

بتصدق نفس القصة عم بتصير معي دائما
بس الفرق بيني وبينك إنو أنا ما بستنى
لحتى وصل على الحاجز بنزل قبلو بشي 200 متر
وبروح من طريق تاني وبهلك من المشي لحتى اركب
لاني بخاف ازا مريت على الحاجز اطلع مندس وما عندي علم
و بهي الحالة بتكون راحت عليي و هات لنطلع بقى..
مشان هيك والله ملينا وعم نتعطل لانو أحيانا عم نوقف على الحاجز
حوالي تلت رباع الساعة يعني عنجد شي ببقرفك النزلة على الشام
حتى لوكنت مضطر و عندك امتحان....

nazir*

قبل ما يحطولنا هالحواجز كان الطريق من البيت للجامعة ياخد معي بين 45 دقيقة للساعة عالكتير


أما هلأ فحدث ولا حرج ساعة ونص وأحياناً ساعتين وأحياناً بيرجعونا

حواجز مجرّد لإذلال الشعب
                                                             
                                                                       

إذا كان الحواجز مالا فوائد :::::

ماكان خلو الجنود بالبرد والتعتير يلي هني فيه

ولكن .....

مهمة الحواجز هي الضغط على الشعب واحساسه بأن الثورة تؤثر سلبا عليه ... وهنالك آلاف النقاط السلبية للحواجز ولا يوجد أي نقطة إيجابية تذكر.

اساسا إذا واحد مطلوب مارح يمر من على الحاجز من الأصل.

معقول شباب واعي ومثقف مابيعرف ليش هدول الحواجز وشو مهمتن
مع إنو صاحب الموضوع جاوب عن سؤالو وقال وصلت التفجيرات لقلب الشام
يعني هدول لحمايتنا
وللأسف عم يقتلوهن وهنن شغلتن بس يشوفو الهوية وإذا في شي غريب أو أسلحة ماتمرق وتنسفنا
يعني عم يضحوا بحياتن لنعيش وعم يموتوا لنحيا بوطن آمن
وبتمنى احمل سلة ورود وكلما امرق من حاجز أعطين وردة
وأشهد الله إني كبنت ماشفت منن إلاالشرف والنخوة 
حماهم الله

إذا كان الحواجز مالا فوائد :::::

ماكان خلو الجنود بالبرد والتعتير يلي هني فيه

ولكن .....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طيب ممكن تشرحلنا شوي عن فوائد هالحواجز

زهرة البنفسج

نفس السؤال موجه لك
عطينا فائدة استفدناها من هالحواجز

ولو فرضنا جدلاً أنهم موجودين لحمايتنا
شو بيستفادوا إذا منعونا ننزل عالفحص وكيف بيكونوا عم يحمونا هيك؟؟؟