خطاب جديد للرئيس بشار الاسد غذا الثلاثاء
فما هي توقعاتكم لهذا الخطاب وخصوصا انه مخصص للوضع الداخلي

برايي المتواضع اتوقع النقاط التالية
1- الاعلان عن الانتهاء من الدستور وتحويله للاستفتاء خلال فترة قصيرة
2- الاعلان عن حكومة جديدة قد تضم معارضين مثل حسن عبد العظيم او قدري جميل
3-مدح التقرير الاولي وتمني بقاءه اللجنة

اظن هذه ابرز النقاط برايي وقد يتطرق لها جميعا او احداها
او لا يتبى اي منها
شو رايكم شو ممكن يكون المحتوى وشو بتطلبو بهيك وقت
بصراحة وبواقعية

أفهمنا ما كان يخلص هالزلمة خطابات
معقولة ما عاد حس كيف صايره قيمتو

أنحكت شغلة قدامي عنجد خلتني أستغرب كيف وصل لرئاسة دولة
بسوريا في 23مليون نسمة لو عطى لكل واحد مليون ليره ما كان حبب الناس فيه وما أوصلنا لهون
بس هلأ هو عم يدفع بالمليارات ليقتل شعبو
فكيف ألو عين يطلع يلقي خطابات
أذا كان الشعب السوري يدور علقمة العيش
فهلأ عم بدور عكرامتو
يلي ما بياخدها غير براس بشار وأتباعو

ايوا ليش بكرة في خطاب لإلو !!!!!!!!!!!!!!!

والله يا أخي ماني متوقع شي

ومالي متأمل يحكي كلمة وحدة بتفش الخلق

بكرى كالعادة بيحكي بيحكي وبيحكي وما بتفهم شي

وقت نسمع الخطاب منقعد منعد كم كلمة (مؤامرة -مسلحيين-إرهابيين-تكفيريين_إلخ...)

يعني بكل صراحة رح نسمع حكي مثل يلي بيحكوه المؤيدين هون بالمنتدى.

وبالأخير خلص أنا حاليا ما عاد اعترف بشي اسمو (رئيس -نظام -حكومة-معارضة)

حاليا أنا مقتنع أنو في الله عز وجل وبس

هو الآمر والناهي بهاذا الكون

وهو وحده الذي يستحق العبادة

والوحيد الذي إن طلبت منه تعلم أن الإجابة قادمة بإذنه تعالى

قال تعالى:{قُلْ بِفَضْلِ اللهِ وَبِرَحْمَتِهِ فَبِذَلِكَ فَلْيَفْرَحُوا
هُوَ خَيْرٌ مِمَّا يَجْمَعُونَ}

وبإذن الله نحنا ما عم نستنا منو شي وما بدنا منو شي

حتى كلمة التنحي ما بدنا نسمعها منو

لأن الله عز وجل هو الذي وضعه وهو الذي يبعده

شاء من شاء وأبى من أبى

قال تعالى:{ إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ }

ويالله مالنا غيرك يالله.

السلام عليكم

أول شي عندي اعتراض على كلمة " الرئيس " بعنوان الموضوع...انا ما بعترف فيه كرئيس قبل ما يقتل شعبه...بدك هلق بعد ما قتل وشرد وهجّر واعتقل وعطب اني قول عنه كلمة " رئيس " ؟

على كل حال مو مهم

بدي قول اني ما بتوقع شي وبدعي الكل انو ما حدا يتوقع شي مهم...رح يتبجح شوي بموضوع الاصلاحات اللي ما عاد تهم حدا ويحكي عن انو الدستور قريباً رح ينطرح للاسفتاء وياخد نسبة قبول 99.99% ...ورح يحكي عن انو الازمة قاربت على الانتهاء..ومااااااا رح يقرب على أي شي اله علاقة بالاقتصاد لانه اقتصاد البلد زفت...بالأرض...بيهوي...مدمر لذلك رح يتغاضى عن هالنقطة ورح يحكي شوية كلام مو مفهوم وشي مية كيلو من الحرف ( سين ) موزعة على كلمات من قبيل ســــنفعل ســـننفذ ســـنقوم ســـندرس......وكله عالفاضي
وبالآخر رح يقول كم كلمة بالعامية مشان المنحبكية يعملوها آيات تتلى بمسيرات الررقص على  دم الشهداء....

بتوقع مو اكتر من هيك

أول شي بدي قول اشتأنالوا كتير أصدي طبعا نحنا المنحبكجية
ومتمنية شوفوا يأبر قلبي لابس البدلة العسكرية والله على كم صاروخ على تل أبيب وكم صاروخ على نافوخ أوباما
يللا قربت إنشالله
يارب تنصر رئيسنا بشار على أعداؤه وأعداء سوريا حبي الأبدي
آمين

هههههههههههههههههههههههههه
هههههههههههههههههههههههههههههههههه
ههههههههههههههههههههههه
ههههههههههههههههههههههههههههه
ههههههههههههههههههههههههههههه
                 

         
 
   

     


عليي الطلاق إلا حط لايك

اول شي
ومتمنية شوفوا يأبر قلبي لابس البدلة العسكرية والله على كم صاروخ على تل أبيب وكم صاروخ على نافوخ أوباما
انا كمان متمني هيك شي يعني احسن
 بس للاسف سوريا الان لاتستطيع ذلك لانو مو فاضيين عندهم شي تاني



 لك اخي الرسم بالكلمات شو مشانك لح تطلق المرا مشان لايك

    لا ولا يهمك ما بتطلق لان حطينا لايك 

بس اللي صار انو ضحكتني هي شغلة البدلة العسكرية

الرسم بالكلمات
بكرى بحطوها بالصحف والمجلات
طلق زوجته من أجل الوطن
أنا بحييك
شو يعني وحدة إدام وطن
إلي بحبوا الوطن متلك  هيك كتير قلال
ياسلااااام