شفتك في موضوع تاني بتقول أنك مع معارضة حقيقية، وهذا كلامك:

معارضة حقيقية هيي المعارضة للخطأ الحقيقي والساعية لاصلاحو وهيي المعارضة يلي ما بتعتمد الكذب وتسيير الناس وهيي المعارضة يلي ما بتتعامل مع الناتو وبتطلب هيك قصص وتطول قائمة الخصائص...بس بعتقد كلمة معارضة حقيقية بتوفي بالغرض....هي المعارضة انا ناطر شوفا مشان صير معا


وفي نفس الوقت أنت مع الرئيس وللأبد ، وهذا كلامك:

ما رح نرضى بغيرو طالما هوي موجود...يعني...ازا في انتخابات رح ننتخبو..وازا ما كان بالانتخابات رح ننتخب يلي ماشي على نفس النهج وازا ما اجا متلو بلا ما ننتخب...

أنا ما فهمت شو بدك تقول، ليش كل هالحماسة للرئيس والإعجاب بنهجو وبترجع بتقول أنك بدك معارضة حقيقية ..!! معارضة لشو ؟؟ للحكومة ؟؟ طيب الرئيس هو اللي حاططها وبشيلها وقت ما بريد ، وصار مغير كذا حكومة ، وشايل ومبدل كذا مسؤول ومحافظ ،، الخ الخ ،، 

صلاحيات الرئيس عندنا مطلقة والكل يعلم ذلك ، وما في معنى للمعارضة إلا أن تكون موجهة للرئيس بذاته وسيادته ..

اتفضل اشرح لي موقفك لو سمحت ..

ليش مافهمت قصدوا
المعارض مو شرط يكون معارض للرئيس في كتير أشياء تانية يعارضا  والمؤيد مو مؤيد للرئيس وبس في كمان شغلات تانية
وحتى الرئيس في يكون مؤيد و معارض
كل واحد في يعترض على شي هدام وسيء وبيأذي الوطن
وعلى فكرة كلمة معارض كلمة واسعة و بتحمل كتير  أشياء بس المهم يكون هدف المعارض الإصلاح لا الهدم والخراب وعلى هيك الكل بيتفق من الرئيس للمواطن العادي
وشكرا

عدم وجود معارضة حقيقية معناه أن النظام  لا يسمح بها. وهذا بحد ذاته قمة الفساد، لأن السلطة المطلقة مفسدة

الذي لا يُسأل عما يفعل يكون إلهاً ،، وعندنا مجموعة من هؤلاء المتألهين لا يجرؤ أحد على الاعتراض عليهم. 

والحديث عن معارضة حقيقية مع وجود المادة 8 ،،،، مسرحية هزلية.

والحديث عن معارضة حقيقية في ظل  صلاحيات مطلقة للرئيس  وحصانة مطلقة  لبعض الأشخاص  وغياب الإعلام الحر والانتخابات النزيهة ،،،،، حديث خرافة يا أم عمرو..