هبة ..يا الله منك ..يعني إلا ما سافرتي بعدين وما رديتي عليي وبدون ما ودعك 
مبارح بالمطالعة شفت وحدة من بعيد فكرتها إنتي ..بس قربت تذكرت إنك سافرت 
عنجد أنا و قاعة المطالعة ..رفقاتك ..عيلة المدني ..المقاعد المكسورة والكراسي التعبانة والطاولات يلي صفيانة مدونة للطلاب وأعمال الحفر والردم والصيانة يلي ما بتخلص بجامعتنا والمدرجات والمراسم و(مطعم نور ) وحديقة الكلية وكل شي حيستفقدك والله ..

الحمد لله عالسلامة هبة وإن شاء الله ..الله يخترلك الخير وين ما كان ..ولا تنسينا ..
                 

just smile

ألف الحمدلله على السلامة .....

انشالله بتكون كل قراراتك لخير إن كان بإيدك أو غصب عنك ....

و ربي يوفئك وين ما رحتي و ينولك مرادك ...

و هي صرنا نحنا التنين بالهوا سوا ....

ليكني صاير مشرد من بلد لبد ... متل ما بئولو من بيت شئاع لبيت رئاع :)

بس الحمدلله على كل شي ... متأكد إنو كلو لخير

و الحمدلله صار تغيير جزري بحياتي بحياتي ما كنت بحلم فيه

فانشالله يكون هاد الشي كمان تغيير جزري  بحياتك بس أكيد للأفضل

بس لا تنسي تطلطلي عالمنتدى ... ما الحياة تنسيكي العيلة

موفئة ... سلاااااااااااااام

جيتي على غزة ؟؟؟؟ نيااااااااااااااااااااااالك

انتي جيتي عندي يعني .....

بس لشو جاية .. غزة بلدك ؟؟

وايت حبيبتي

الله يسلمك يااااااااااااا رب   

امانة ما ترحموني ولا تحرموني الغلاظة ... والله مافيني بلاها وما بدي الجو يتغير علي   
ومشان النت  بجنن ومافي منو بس بصراحة حاليا عن اتسلبط على ولاد خوالي لبين ما نركب عنا بالبيت جهاز 



M-جمال الروح

شكرا كتير 

والله يسرلك دربك يا رب




ادم

شو بدنا نعمل هيك الله راد .. و الحمد لله على كل حال

بعدين شوبها غزة .. هي بلدي وبحبها كتير 



بشورة حبيبتي 

والله انا كمان مافيني بلاكن ... وكتيييييييييير زعلانة لانو كنت حابة سلم عليكي قل ما سافر بس كلو صار فجاة ... والله انتي غالية عليي وبحبك كتييييييير يا بنت 

ومشان الرجعة عالشام ... الله كريييييييييييم
بس تطمني بعمري ما رح اتركن او انساكن 



محمد

الله يسلمك يا رب 
ومشان النت اكيد بضل مداومة ولا يهمك بس بدها القصة كم يوم لبين ما نخلص عجقة ضيوف

وصراحة ستي كتير تعبانة  وما عم يهون علي اتركها
والقعدة معها وخدمتها بتاخد وقت الواحد




Engineering Lover

الله يسلمك يا رب 
وانشالله الله يخترلك الخير  انت كمان بكل حياتك 

رح كمل رد عالباقي

بس هلا مضطرة سكر 

   

هبة ..

رح تضل حسرة بقلبي اني ما تعرفت عليكي قبل ما تروحي ع غزة
 



يلا انشالله رجعتك قريبة
وما بنحرم من معرفتك الشخصية 


الله يكون معك ويحميكي
 

الله يوفقك يارب ويخترلك الخير بس عنجد نيالك صرت بغزة أنا متمناية كتيييييييير زورها واجي عليها..

ولاتقطعينا ابقي خليك متواصلة معنا على طول اوك..

                  الله يكون معك ويخترلك الخير

                             لغزة كل العزة

مشان هيك انبسطلك إنو انت بغزة

عاشق الأبداع

الله يسلمك يا رب ... واكيد غزة بتنور اهلا وسهلا 




ميمي حيااااااااااااتي 

يا الله شو مشتاقتلكن .. اليوم المفروض انزل عالجامعة هون شوف الوضع بس مو متخيلة داوم بكلية غير كليتنا بنووووووووب وعم فكر طنش النزلة وما داوم هالفصل 


بجد رح اشتقلكن كتير ... ميمي ما بدي وصيكي برفيقتنا 

والله يسلمك ويكتبلك الخير حبيبتي 




جوووووووووووووووووود
 

لك هاد انت
من امتى بتغير صورتك هون 
ولا كمان موقع جود  مو مجد ... شو اخي بدك الجو يبلش يتغير علي من اول يوم 

بكل الاحوال انا شطورة وكبيرة وواعية ومو بحاجة راقوبك .. بقا خبيه بجيبتك

ومشان كلامك كتير ماشالله شو بدي اتذكر منو لاتذكر   

والله لا يحرمني هالخنقة يا رب 




sense of life
 

الله يسلمك يا عسل

سامحيني حبيبتي ... والله كتار عالم ما قدرت ودعن بس المهم شفتك وخبرتك ولو قبل بيوم 

سلميلي عالكلية كلها والله انتو وهي بقلبي وذاكرتي دايما
وحاولو تكتبولي اسمي عالمقاعد بالمدرجات لحتى ما تستفقدلي 



valiant

الله يسلمك يا رب ... ويسرلك امورك عن قريب 

عم قول ليش ماعدنا شفناك كتير ... باذن الله كلو خير وبيني وبينك حلو يكون بالحياه شوية مغامرات

ومشان التغير الجذري والله معك حق ... وعم استناه واطلبو من ربي 



سجود

اي غزة بلدي 
او يعني نص بلدي ... انا من القدس اصلا
بس ازا كنتي من غزة ... فاهلا وسهلا فيكي يا بنت بلدي   

برايد
 

والله وانا كمان كان نفسي اتعرف عليكي كتيييييييييييير

بس يلا مو مشكلة ازا الله ما قدرلي ارجع  ... رح ضل متذكرتك بالصورة يلي رسمتلك اياها ببالي .. وهلا كالعادة بتطلع بتشبه الكل الا انتي   

الله يخليلي اياكي حبيبتي




بسمة الفجر

تسلمي يا رب 

اكيد غزة بتنور ... والله يكتب لكل مشتهي زيارتها يا رب وانا براسي بطلع بستقبلكن 




علا

تسلمي حبيبتي 

الحمد لله مبسوطة اني هون بين عيلتي واهلي وببلدي .. والله يحمي كل بلادنا يا رب