عفافير  د.شماع د.خطيب

كان عدورنا في الدكتور البلخي وهو بصراحة دكتور رائع جداً

وهو متل محمد أمين بس بالعقاقير

أما الدكتور الشماع .......فأنتو بس ابسطوه 

وإكيد افهمتو عليي

       

أما الدكتور خطيب فما بعرفوا بصراحة

والمنهاج .......هو حلو ومعت بنفس الوقت

يعني أحيانأً مواضيع حلوة وأحياناً مواضيع مملة جداً

بتذكر كان بيحكي عن زيوت طيارة وفلافونوئيدات وانتراكينونات ...إلخ

وبنيتهم الكيميائية والنباتات الموجودة فيها بالإضافة لشرح عن هي النباتات

أما العملي ........ فهو فحص للنباتاتتحت المجاهر

وساويت أنا برنامج حلو بخصوصه ........منشور بين طلاب سنتكم

وإذا بدكم برفعلكم ياه هون كمان




تحليلية  د. زهوري

كمان عدورنا كان في د. عم علي وهي عنجد شرحها منيح كتير

مع أنو خوفونا منها كتير

وكان في كمان د. عطائي وهلا أتقاعد

أما د. جمعة فما عطانا بالتحليلية 2 ......لكن من خلال التحليلة 1

كان إعطائه منيح

لمنهاج بيحكي عن مواضيع شيقة ومسلية

متل الاستخلاص وطرائقة وآليات الفصل الحديثة مثل الـ GC  والـ hplc

أما العملي ....... فنصه تكرار وبلا طعمة لقياسات بالسبيكترو

والنص التاني مسلي وهو لعمليات استخلاص




 
جراثيم وفيروسات  د.عبيد ود . قوتلي ود.منعم

المنهاج حلو وصغير ............. بكرا بتشوفوه بعينكم




حيوية  د.فاهوم ,د. فبيلي

المادة غنية عن التعريف ........معتة ومملة وبلا طعمة

وكان منهاه الدكتورة شماع طويل جداً وضخم وبمعلومات كثيفة جداً

ومنهاج الدكتور فايزة مقتضب وصغير جداً ......!!!!!

أما الدكتورة فاهوم فما بعرفها



تكنو    د. مجمد ,  د. حمادي

الدكتورين غنيين عن التعريف ......وهنن من الجيل الجديد

وطبعاً المادة شيقة ومسلية كتير

مقرر الدكتور أمين هو أقرب لخصائص فيزيائة ممتعة جداً

وبدها تشغيل مخ

أما مقرر الدكتور مازن فهو عن التكنولوجيا الحديثة

من النانو تكنولوجي لعند العلاج الجيني

يعني مواضيع حلوة

أما العملي فهو بوضح النظري وبيكمله بشكل كبير

وخصوصاً لمقرر الدكتور أمين .....,كل تجربة هي عبارة

عن فكرة فيزيائية مهمة




دمويات د. قوتلي ود.صالح

بصراحة .........المادة فايتة بالحيط ....!!!!

وأنا ما حبيتها .....ومدري شلون رفعتها

المهم ........العملي تبعها بيسلي أكتر من النظري

وخليكم بكرا تكتشفوها لحالكم

شكراً جزيلاً Mr. Tux

الحيوية 2 وتحليلية 2 حاسين أنو منعرف عنهم ماشي الحال

والتكنو كمان بما أنو استمرار بس متطور أكتر بكتير للصيدلانيات ... وحتى العقاقير مبينة متل النبات

بيبقا الدمويات والجراثيم حسيناهم غريبين ... إن شاء الله يمرقو عخير

السلام عليكم

هلأ عالخطة الجديدة بتذكر فصلوا الجراثيم عن الفيروسات كل وحدة بفصل... وبما إنو الدكاترة نفسهم ففيني احكيلكم عنهم إذا بدكم بس قلولي شو هالفصل جراثيم ولا فيروسات... ولا تخافوا الجراثيم سهلة والله وأنا بعتبرها من أحب المواد بالنسبة الي

السنة الماضية

عطتنا الدكتورة فوزة فيروسات لوحدها بالجراثيم 1

وعطانا د. عبيد ود. قوتلي الجراثيم بالجراثيم 2

لكن كان مقرر الفيروسات صغير كتير

والجراثيم كبير كتير

       

لذلك بتوقع هالسنة يعطي

د. منعم ود. عبيد جراثيم 1

ود. قوتلي جراثيم 2

"هلأ عالخطة الجديدة بتذكر فصلوا الجراثيم عن الفيروسات كل وحدة بفصل... وبما إنو الدكاترة نفسهم ففيني احكيلكم عنهم إذا بدكم بس قلولي شو هالفصل جراثيم ولا فيروسات"


سلام نحنا الجراثيم والفيروسات مادة وحدة

" وساويت أنا برنامج حلو بخصوصه ........منشور بين طلاب سنتكم وإذا بدكم برفعلكم ياه هون كمان"

اي والله ياريت

السلام عليكم

د. ميشيل عبيد بيعطي 4 محاضرات بيحكوا بشكل عام عن بنية الجراثيو من محافظ وأهداب وتصنيفها لمكورات وعصيات (حسب الشكل) ومن منهم ايجابيات الغرام أو سلبياتها (يعني حسب الملون) وآخر محاضرة بتحكي عن الأضداد IgG, IgA,IgM وتصنيف كل واحد.. المحاضرات سهلة جدا وفورا بتنحفظ وكمان أسئلتو سهلة كثير..

د. خليل بصير بيعطي بشكل اختصاصي أكثر عن الجراثيم يعني بفوت بتفاصيل التصنيف وكل جرثوم من أي فصيلة ووين بيتواجد وشو بسبب وشو صفاته يعني بيمسك كل جرثومة وبفصفصها تفصيص    أنا كنت حب محاضراتو كثير مع إنهم طوال كثير وبخربطو بالحفظ كثير فبدكم تعيدوا قسمو أكثر من مرة لينحفظ لأنو كثير بخربط

د. فوزة بتعطي الفيروسات كمان بتحكي عن الفيروسات وبنيتها وشو الأمراض يلي بتسببها وهيك منهاجها متوسط الصعوبة بس والله أسئلتها الصعبة.. لأنو في جزء من أسئلتها بيجي من دون سؤال    بس 4 خيارات بدك تفهم لحالك شو الرابط بين هالخيارات وتستثني الخطأ منهم بعدين....

العملي كثير سهل تلوين الجراثيم وتثبيتها, زرع جرثومي على أطباق بتري وأوساط غذائية تانية, اختبارات تحسس على الصادات الحيوية.. يعني سهل بشكل عام

بالتوفيق

   

كيفكن بس معلش اذا بتريدوا تخبرونا كل مادة من وين لازم ندرسها يعني المحاضرات يلي بالمكتبة تبع الكلية بكفوا ولا شو يلي بيعرف شي لا يبخل علينا وشكرا كتير

السلام عليكم

أهلاً وسهلاً purity_m 

ححاول أعطيكي فكرة باللي بعرفو ...

- التحليلية ... ما في كتاب (عحد علمي) ... فيا بتعتمدي عالحضور والكتابة يا عالمحاضرات

- التكنو ... ما في كتاب فالاعتماد نفس الشي إما عالكتابة بحال الحضور أو عالمحاضرات (بما أنو الدكتور عم يتابعها)

- الجراثيم والفيروسات ... كذلك الأمر

- الدمويات ... في كتاب بالمستودع ويعتبر كافي ... بس المحاضرات فيها شرح بيفيدك إذا ما كنتي عم تحضري

- العقاقير ... نزل كتاب جديد بالمستودع + الدكتورة الجديدة عطت السلايدات تبع المحاضرة لأحد الطلاب وعأساس حيتم نشرها الكترونياً

- الحيوية ... الدكتورة عم تعطي من مرجع انكليزي بينجاب من مكتبة معينة بس سعرو مو قليل (فإن شاء الله حنزلو هون كملف الكتروني) + المحاضرة الماضية عطت السلايدات لأحد الطلاب لينشرهم + في محاضرات عم تنزل بالعربي ... أما الدكتور فعم ينزل السلايدات بس بنفق الآداب (بمكتبة غسان) + عم ينزل محاضرات بالعائدي بس يمكن أفضل للي ما بيحضر لأنو فيها شرح للمخططات أو الصور ما مذكور كلو بالسلايدات ولكن مذكور بالمحاضرة

وبشكل عام يفضل الاعتماد عمصدر واحد ...

بالتوفيق إن شاء الله 

شكرا hope عالفائدة وبتمنى ما تتدايقوا عم تقل عليكن بس انا حاسة حالي متل الضايعة ومو عرفانة شي يعني نظام المحاضرات هون غير ما كنا متعودين كنا  بحمص نلاقي كل المحاضرات بالمكتبة وندرس منن وبس اما هون بجامعة الشام لازم ندور ونسأل لنعرف  من وين بدنا ندرس بدي اسأل مشان علم تأثير الادوية من وين الدراسة لانو كمان حملونا ياها   واسفة مرة تانية اذا عم تقل عليكن