السلام عليكم

بعرف أنو الميترونيدازول بيستخدم للجراثيم اللاهوائية كمان

لهيك بالعادة بيستخدم للخرّاجات متل خرّاج بالأسنان


الحالة بسيط

إسهال 3 مرات باليوم مالو اسهال حقيقي

لأنو إجت حالة مشابهة ومباشرة اجت الصيدلانية صاربة الولد إبرة كلافوراما وبعدين شراب مالي متذكر شو كان (من السيفالوسبورينات)

ويمكن كل ما بتروح أم الطفل لعند صيدلي بيعطيها كمان هيك صادات حيوية


الممراسات الـrational لحالات الاسهال تقتضي استعمال محاليل الإماهة وإعادة الشوارد وما في ضرورة للصادات الحيوية

حتى لو كان خمج بسيط بالـE.coli

بس يلي عم يصير معنا متل وقت حكالنا أحد الدكاترة بالكلية، عم نضرب دبانة بمدفع

بشكل عام وقت في إسهالات يشك بمصدر جرثومي ممكن ينعطى ايرسيفوريل يعني بيبقى أخف من غيرو ومطهر معوي

golden pill .... معك حق وهيك كان قصدي قلو لـ Zaid بس فهمني غلط

بس السؤال موجه ألك يا Zaid : ما هي المعايير التي تحدد وجود خمج في الإمعاء؟!

إذا قلتلي أنو عدد مرات التغوط في اليوم فبحب قلك أنو بالتوفيق!

وإذا قلتلي لون البراز + وجودعدم وجود تخمرات معوية + وجود اسهال = فبتكون ناقضت حالك, لأني حكمت على هذا الأساس!!!!!!!!!!!!!!!!

حبيبي نحنا هون ماعم نتحدى بعض, بل نحنا عم نحاول نوصل للحق أياً كان سابقاً إليه!

بعيداً عن تحدياتكم أو نقاشاتكم


كيف بتتاخد أدوية الدود سواء كانت شربة (كومبانترين) أو حب (كومبانترين) أو (ديدال) للأطفال والكبار

يعني شفت حب الكومبانترين مكتوب بنشرتو 3 حبات مثلاً لعمر 12سنة فهل هي دفعة واحدة ؟؟؟


بتذكر من قبل كنت أعرف جرعاتهم بس هلأ نسيت بصراحة  وبدي حدا يذكرني كيف أخدنا هالجرعات بالكلية

كومبانترين Combantrin يونيفارما: بيرانتيل باموات Pyrantel pamoate

1- كومبانترين 125 ملغ - 6 أقراص، بيرانتيل باموات 125 ملغ في القرص

2- كومبارنترين- شراب 15 مل، بيرانتيل باموات 250 ملغ في 5 مل

الجرعة 10 -11 ملغ للكغ دفعة واحدة ويمكن تكرارها بعد أسبوعين للتأكد من التخلص من الديدان كلها.

يعني للبالغين ثلاث أقراص دفعة واحدة أو شرب علبة الدواء (15 مل تحوي 750 ملغ)

وللأطفال حسب الوزن

ديدال Didal فارماسير: ألبندازول Albendazole

1- ديدال - 10 أقراص ألبندازول 400 ملغ في القرص

2- ديدال شراب 10 مل ألبندازول 200 ملغ في 5 مل

الجرعة للبالغين 400 ملغ قرص واحد فقط

للبالغين والأطفال فوق السنتين: 400 ملغ = 10 مل دفعة واحدة

للأطفال بين 1-2 سنة: 200 ملغ = 5 مل دفعة واحدة

هيك علأغلب :P

شكراً جزيلاً مها عطيتيني ما أريد 

بالمناسبة كانت المعلقة الصغيرة 3 مل والكبيرة 7 مل تقريباً ؟؟ أو أنا غلطانة

السلام عليكم

آسف أخ scorpion

القصة مافيها تحدي أو شي

الشغلة نقاش

وبالنهاية بدنا نوصل لحل لنعالج الطفل المسكين

((أكيد هلأ طاب خلصت القصة على خير))

ويا ريت يكون في شوية احترام بالنقاش



خلينا نراجع الحالة من الأول

طفل بعمر شهرين

الشكاية: اسهال مائي 3 مرات يومياً مع مغص

الأدوية الحالية: نستاتين - سيفيكسيم - أملاح إماهة فموية

التشخيص: غير معروف

بما أنو مافي ضرورة لإرسال الطفل للطبيب لكون الحالة بسيطة (مجرد إسهال مائي بعدد مرات قليل مع شوية مغص)

الأفضل إيقاف الصادات الحيوية لأنو السيفيكسيم من السيفالوسبورينات وبسبب غثيان واضطراب هضمي وإسهال محدث بالصادات الحيوية

النستاتين بسبب إسهال إذا كان بجرعة عالية (عالأغلب هون الجرعة صحيحة)

الأفضل الإبقاء عالأملاح المعاوضة لأنها الـdrug of choice في حالات الإسهال

بنراجع مسببات الإسهال الخمجي

حالات الكوليرا والشيغيلا والسالمونيلا شديدة وبرافقها حالة زحار أو براز مدمى

الـE. coli في منها أنواع خفيفة بتسبب إسهال مائي لكن هي حالة محددة لذاتها بتشفى خلال 24 ساعة أو يومين

بينخاف من الإسهال بسبب الغشاء القولوني الكاذب المسبب بالمطثية العسيرة
هي سببها الصادات الحيوية واسعة الطيف

بحكم أنو الطفل رضيع وعمرو شهرين

فأغلب حالات الإسهال بهالعمر هي لأسباب فيروسية (الروتا)

طبعاً حالة محددة لذاتها والصادات الحيوية مو ضرورية


بالنهاية برأيي نبقي عأملاح المعاوضة ومافي داعي لصرف الصادات بشكل عشوائي

ما بننسى حالة المغص والإنفاكون (سيميتيكون) يلي وصفتو مفيد لأنو ما إلو آثار جانبية أو تداخلات دوائية


نحنا هون صيادلة مجتمع وبنعطي العلاج المناسب للحالات البسيطة وفي حالة الشك بمرض أخطر بنحوّل للطبيب

السلام عليكم

حجوم المعالق (وعن تجربة بيتية)
                                               
المعلقة الكبيرة 10 مل
                                     
الصغيرة 5 مل
                                                   
الصغيرة كتير (معلقة الشاي) 2.5 مل