أربعة شهداء سقطوا اليوم بحمص بعد موافقة دمشق على المبادرة العربية وحمص الآن تقصف بالدبابات..
ياجماعة مشان الله حدا يقلي ويفهمني يعني هنن وافقو على المبادرة العربية مشان يزيد عدد الشهداء أكتر على العيد ولا وافقوا عليها هنن ومسكرين أدنيهون ولا وافقو مشان يخلصو من ضغوط الدول التانية..
لك شو بدون لسا يحلو عنا بقا والله ظلمون زاد عن الحد الله أكبر عليهم..
يارب انصرنا على أعدائنا فإنهم لايعجزونك..
اللهم ارحم جميع الشهداء وصبر قلوب أمهاتهم..
حسبي الله ونعم الوكيل..

هذا إن كان للجامعة العربية كلمة بحق !!!!

والله ما لا كلمة وما الا دور متل قلتا ويبدو انو وليد المعلم مسحا من الخارطة هية كمان متل مامسح أوروبا قبلها..

اللهم أنصرنا على أعداء أمتنا و وطننا
واجعل كيدهم في ضلال
وشل يد من قتل نفساً بغير حق
وأرحم ربي شهداء الوطن عسكريين ومدنيين
الذين ضحو بأنفسهم في سبيل أمان الوطن وأمنه
وعزته وكرامته

إنك سميع قريب

شهداء المهلة العربية كانو اكتر من 300 فشي طبيعي ايكونو شهداء الموافقة على المبادرة

اكتر او متلهن (( يعني منقول لا سمح الله بس التكتيك هيك بيقول ))

طيب وافقو على المبادرة يسحبو الجيش من عنا بئى

من امبارح لليوم زادو ما نئصو ولا نص عسكري

والله شي غريب!
يعني العالم فرحانة بمبادرة الجامعة كأنو هية بتحل وبتربط؟
من ايمتا الجامعة سألت على الدم العربي يللي عم يسيل كل يوم؟
من ايمتا كان الها كلمة مسموعة؟
والاهم من كل هاد... من ايمتا الشباب الطيبة عنا بيردعهون حدا عن قتل هالبشر؟
أما سمعة!
يا جماعة ما تتئملو خير من حدا لأنو يللي متلنا مالون غير الله...
النا الله وبس..

حسبي الله و نعم الوكيل
بس أنا مو مستغرب
لأنو يلي متعود يكزب و يرجع بكلامو
مو غريبه علي يخون العهد

لأنو عارف انو اذا التزم بأي بند من المبادره
فهو ساقط لا محال
الله وكيلكن ضحك عل اللحى
و عم يستغبو العالم كلياتو
‏  بس الله موجود و شايف
الله موجود